కల్కి : 32వ రోజు ఇదేం రచ్చ మావ !
గత ఏడాది అంతకు ముందు వచ్చిన భారీ బ్లాక్ బస్టర్ సినిమాలు అన్ని కూడా మూడు వారాల తర్వాత పెద్దగా వసూళ్లు సాధించిన దాఖలాలు లేవు.
By: Tupaki Desk | 29 July 2024 8:34 AM GMT
ఈ మధ్య కాలంలో ఎంత పెద్ద స్టార్‌ హీరో మూవీ అయినా, ఎంతటి సూపర్‌ హిట్‌ మూవీ అయినా రెండు మూడు వారాల కంటే ఎక్కువ రోజులు థియేటర్‌ లో ఆడే పరిస్థితి లేదు. గత ఏడాది అంతకు ముందు వచ్చిన భారీ బ్లాక్ బస్టర్ సినిమాలు అన్ని కూడా మూడు వారాల తర్వాత పెద్దగా వసూళ్లు సాధించిన దాఖలాలు లేవు.
కానీ కల్కి మాత్రం ఆ రికార్డ్ ను బ్రేక్ చేసింది. నాలుగు వారాలు పూర్తి అయిన తర్వాత కూడా భారీగా వసూళ్లు రాబడుతూ బాక్సాఫీస్ వర్గాల వారిని సర్‌ప్రైజ్ చేస్తోంది. తాజా వీకెండ్‌ కూడా కల్కి సినిమాకు భారీగా వసూళ్లు నమోదు అయ్యాయి. ముఖ్యంగా 32వ రోజు అయిన నిన్న ఆదివారం కావడంతో భారీ ఎత్తున టికెట్లు అమ్ముడు తెగాయి.
32వ రోజున బుక్ మై షో లో ఏకంగా 63 వేల టికెట్లు బుక్ అయ్యాయి. బుక్ మై షో లో హాలీవుడ్‌ మూవీ డెడ్‌ పూల్‌ వాల్వరిన్‌ కంటే కూడా ఎక్కువగా కల్కి సినిమా టికెట్లు అమ్ముడు పోయాయి. ఈ మధ్య కాలంలో విడుదల అయిన సినిమాల్లో ఏ ఒక్కటి కూడా హిట్‌ అవ్వక పోవడంతో కల్కి జోరు కంటిన్యూ అవుతోంది.
నాలుగు వారాల తర్వాత కూడా ఒక్క రోజులో 63 వేల టికెట్లు బుక్ అవ్వడం కచ్చితంగా పెద్ద రికార్డ్ అనడంలో సందేహం లేదు. మరో రెండు మూడు వారాల పాటు కూడా కల్కి సందడి కొనసాగే అవకాశాలు ఉన్నాయంటూ బాక్సాఫీస్ వర్గాల వారు అభిప్రాయం వ్యక్తం చేస్తున్నారు.
ప్రభాస్‌ హీరోగా నటించిన ఈ సినిమాలో అమితాబచ్చన్‌, దీపికా పదుకునే, కమల్‌ హాసన్‌, దిశా పటానీ ఇంకా ఎంతో మంది ప్రముఖ నటినటులు నటించారు. విజయ్ దేవరకొండ తో పాటు పలువురు ఈ సినిమాలో గెస్ట్‌ రోల్‌ లో కనిపించిన విషయం తెల్సిందే.
భవిష్యత్తుకు మహా భారతంకు లిక్ పెట్టి దర్శకుడు నాగ్‌ అశ్విన్‌ రూపొందించిన ఈ సినిమా మంచి విజయాన్ని సొంతం చేసుకున్న నేపథ్యంలో త్వరలోనే రెండో పార్ట్‌ కూడా ఉంటుంది అంటూ అధికారికంగా ఇప్పటికే ప్రకటించారు. రెండో పార్ట్‌ లో మరింతగా ప్రేక్షకులు సర్‌ప్రైజ్ అయ్యే ఎలిమెంట్స్ ఉంటాయని అంటున్నారు.
