'డెవిల్' రిలీజ్ డేట్ ఫిక్స్.. కల్యాణ్ రామ్ సేఫ్ గేమ్

నందమూరి హీరో కళ్యాణ్ రామ్.. రీసెంట్ గా 'బింబిసార' చిత్రంతో సూపర్ బ్లాక్ బస్టర్ హిట్ అందుకుని ఫామ్ లోకి వచ్చారు. కానీ ఆ తర్వాత ఆయన నటించిన 'అమిగోస్' బాక్సాఫీస్ వద్ద నిరాశ పరిచింది. అయితే అప్పటికే ఆయన వరుస సినిమాలను లైన్ లో పెట్టారు. ఇప్పుడు ఆయన నుంచి త్వరలో ప్రేక్షకుల ముందుకు రాబోయే చిత్రం 'డెవిల్'. 'ది బ్రిటీష్ సీక్రెట్ ఏజెంట్' ట్యాగ్ లైన్. అయితే ఈ సినిమా రిలీజ్ విషయంలో కల్యాణ్ మంచి సేఫ్ గేమ్ ప్లానింగ్ వేశారు.

తాజాగా ఈ 'డెవిల్' సినిమా మేకర్స్.. రిలీజ్ డేట్ ను అనౌన్స్ చేశారు. చిత్రాన్నినవంబర్ 24న విడుదల చేయబోతున్నట్టు ప్రకటించారు. డెవిల్ డీకోడింగ్ అంటూ ఓ పోస్టర్ ను రిలీజ్ చేస్తూ ఈ విషయాన్ని తెలిపారు. దీంతో నందమూరి అభిమానులు సంతోషం వ్యక్తం చేస్తున్నారు. సినిమా విడుదల తేదిని నెట్టింట్లో తెగ షేర్ చేస్తున్నారు.

అయితే నవంబర్ లో దాదాపుగా ఎలాంటి సినిమాలు రిలీజ్ కు రెడీగా లేకపోవడం డెవిల్ సినిమాకు కలిసొచ్చే విషయం. 'భగవంత్ కేసరి', 'టైగర్ నాగేశ్వరరావు', 'సైంధవ్', 'హాయ్ నాన్న' ఇలా పలువురు స్టార్ హీరోల సినిమాలన్నీ అక్టోబర్ లేదా డిసెంబర్ నెలలోనే విడుదల కానున్నాయి. కాబట్టి 'డెవిల్' మంచిగా సేఫ్ అయ్యేలా ప్లాన్ చేసుకుని మరీ నవంబర్ నెలలో బెర్త్ ను ఖరారు చేసుకుంది.

ఇకపోతే ఈ సినిమాలో బింబిసార హిట్ కాంబోనే రిపీట్ అవుతోంది. కళ్యాణ్ రామ్ సరసన.. సంయుక్త మేననే హీరోయిన్ గా నటిస్తోంది. నవీన్ అనే కొత్త దర్శకుడు ఈ చిత్రంతో పరిచయం కాబోతున్నారు. అభిషేక్ పిక్చర్స్ బ్యానర్ పై అభిషేక్ నామా సినిమాను నిర్మిస్తున్నారు. ప్రస్తుతం ఈ సినిమా షూటింగ్ చివరి దశకు చేరుకుంది.

రీసెంట్ గా కళ్యాణ్ రామ్ పుట్టిన రోజు సందర్భంగా డెవిల్ గ్లింప్స్ కూడా రిలీజ్ చేశారు మేకర్స్. ఇది అభిమానులను బాగా ఆకట్టుకుంది. ఇందులో కల్యాణ్ రామ్ డైలాగ్స్​, యాక్షన్ సీక్వెన్స్​ పవర్​ఫుల్​గా ఆకట్టుకుంది. పీరియాడిక్ ఫిల్మ్ గా రాబోతున్న ఈ చిత్రం.. బ్రిటీష్ కాలంలో నడిచే ఓ సీక్రెట్ ఏజెంట్ కథగా రాబోతుంది.

పీరియాడిక్ బ్యాక్ డ్రాప్ థ్రిల్లింగ్ స్పై జానర్ లో ఈ సినిమా రావడం వల్ల.. నార్త్ ఆడియెన్స్ కు కూడా ఈ సినిమా కనెక్ట్ చేయాలని మేకర్స్ భావిస్తున్నారు. అందుకే ఈ చిత్రాన్ని హిందీలో కూడా రిలీజే చేసేందుకు రెడీ అయ్యారు. బీ4యూ మోషన్ పిక్చర్స్.. ఈ సినిమాను హిందీలో రిలీజ్ చేయనుంది. రీసెంట్ గా గ్లింప్స్ ను కూడా హిందీలో రిలీజే చేశారు.