ఇండియన్ 2.. మరో ట్విస్ట్ ?

శంకర్ దర్శకత్వంలో కమల్ హాసన్ హీరోగా నటిస్తోన్న ఇండియన్ 2 మూవీ షూటింగ్ ముగింపు దశకి వచ్చేసింది. మరో విప్పు పోస్ట్ ప్రొడక్షన్ వర్క్ కూడా జరుగుతోంది. భారీ బడ్జెట్ తో పాన్ ఇండియా ప్రాజెక్ట్ గా ఈ చిత్రాన్ని సిల్వర్ స్క్రీన్ పై ఆవిష్కరించారు. రెండు దశాబ్దాల క్రితం కమల్ హాసన్, శంకర్ కాంబినేషన్ లో వచ్చిన ఇండియన్ కి సీక్వెల్ గా ఈ మూవీ తెరకెక్కింది.

ఈ మూవీని రెండు పార్ట్ లు గా విడుదల చేయాలని ముందునుంచి మేకర్స్ ప్లాన్ చేస్తున్నారంట. దానికి కారణం మూవీ అవుట్ ఫుట్ మొత్తం ఆరు గంటల నిడివి వచ్చిందంట. దీంతో శంకర్ తో పాటు చిత్ర యూనిట్ మొత్తం రెండు భాగాలుగా రిలీజ్ చేస్తే బాగుంటుందని అనుకున్నారంట. అయితే దీనికి కమల్ హాసన్ అభ్యంతరం తెలిపినట్లు కోలీవుడ్ ఇండస్ట్రీలో వినిపిస్తోంది.

కేవలం ఒక పార్ట్ మాత్రమే చేయాలని అందరికి కమల్ హాసన్ స్పష్టంగా చెప్పారంట. అలాగే మూడు గంటల నిడివిలో మూవీ ఎడిటింగ్ వెర్షన్ సిద్ధం చేయాలని సూచించారట. దీంతో ఇప్పుడు శంకర్ టీమ్ మొత్తం ఆ దిశగా ప్రయత్నాలు చేస్తున్నారని టాక్. అనవసరం అనుకున్న సన్నివేశాలకి కత్తెర వేస్తున్నట్లు తెలుస్తోంది. శంకర్ సినిమాలు అంటే నిడివి ఎక్కువగా ఉంటాయనే టాక్ మొదటి నుంచి ఉంది.

అలాగే ఇండియన్ 2 మూవీ కూడా నిడివి మూడు గంటలు ఉన్న సినిమాపై మంచి బజ్ ఉన్న నేపథ్యంలో జనాల్లోకి రీచ్ అవుతుందని భావిస్తున్నారంట. ఇండియన్ 2 మూవీ ఫైనల్ స్టేజ్ కి వచ్చేయడంతో శంకర్ రామ్ చరణ్ తో చేస్తోన్న గేమ్ చేంజర్ పై ఫోకస్ పెట్టినట్లు తెలుస్తోంది. వరుస షెడ్యూల్స్ పెట్టి షూటింగ్ చేస్తున్నారు.

అయితే ఈ రెండు సినిమాలకి సంబంధించి రిలీజ్ డేట్ మాత్రం శంకర్ ఇప్పటి వరకు ఎనౌన్స్ చేయలేదు. మెగా ఫ్యాన్స్ మాత్రం గేమ్ చేంజర్ రిలీజ్ కోసం ఆసక్తిగా ఎదురుచూస్తున్నారు. మరో వైపు ఇండియన్ 2పైన దేశవ్యాప్తంగా బజ్ ఉన్న నేపథ్యంలో ఎప్పుడు రిలీజ్ కానుందో తెలుసుకోవాలనే క్యూరియాసిటీ అందరిలో నెలకొంది.