భారతీయుడు 3... కమల్ హాసన్ టార్గెట్ అన్ని కోట్లా?

యూనివర్శల్ హీరో అనే ఇమేజ్ ని సొంతం చేసుకోవడంతో పాటు విలక్షణ నటుడిగా విశేషమైన కీర్తిని ఘడించిన వ్యక్తి కమల్ హాసన్. కెరియర్ ఆరంభం నుంచి అందరూ వెళ్ళే మార్గంలో కాకుండా ప్రయోగాలు ఎక్కువ చేస్తూ నటుడిగా తనదైన ముద్ర వేసుకునే ప్రయత్నం కమల్ హాసన్ చేశారు. విభిన్న పాత్రలకి తన సినిమాలతో జీవం పోశారు.

అయితే ఒకానొక దశలో కమల్ హాసన్ వరుస డిజాస్టర్ సినిమాలతో ఇబ్బంది పడ్డారు. తన విభిన్నమైన ఆలోచనలని సిల్వర్ స్క్రీన్ పై ఆవిష్కరించే ప్రయత్నం చేశారు. అందులో భాగంగా విశ్వరూపం సినిమాని రెండు భాగాలుగా చేశారు. ఆ సినిమాలని తానే నిర్మాత కావడంతో ఆర్ధికంగా దెబ్బతిన్నారు. తరువాత చేసిన సినిమాలు కూడా ఫ్లాప్ అవుతూ వచ్చాయి. అప్పులలో కూరుకుపోయారు.

అప్పుల బాధల నుంచి బయటపడటం కోసం బిగ్ బాస్ హోస్ట్ గా చేయడానికి కమల్ హాసన్ ఒప్పుకున్నారు. అది కొంత వరకు మరల కమల్ ని నిలబెట్టింది. ఈ పరిస్థితిలో మరల విక్రమ్ సినిమా కమల్ హాసన్ ని పునర్వైభవం తీసుకొచ్చింది. బ్లాక్ బస్టర్ హిట్ కావడంతో అమాంతం కమల్ హాసన్ ఇమేజ్ కూడా పెరిగింది. ఇప్పుడు శంకర్ తో ఇండియన్ 2 సినిమా రిలీజ్ కి రెడీ అవుతోంది.

ఈ సినిమాకి 60 కోట్ల వరకు కమల్ హాసన్ రెమ్యునరేషన్ తీసుకున్నట్లు తెలుస్తోంది. ఇక అప్పుల బాధలు తీరిపోవడంతో మరల ఇండియన్3 ని కూడా పట్టాలు ఎక్కించే పనిలో ఉన్నారు. ఈ సినిమా చేస్తే రెమ్యునరేషన్ గా 60 నుంచి 70 కోట్ల వరకు రానుంది. దీనిని తన సొంతం ప్రొడక్షన్ రాజ్ కమల్ పై చేయబోయే సినిమాలకి ఉపయోగించనున్నారు.

ఈ ప్రొడక్షన్ నుంచి శివ కార్తికేయన్ హీరోగా కమల్ హాసన్ ఒక సినిమా చేస్తున్నారు. దాంతో పాటుగా మణిరత్నం దర్శకత్వంలో థగ్ లైఫ్ అనే మూవీ చేస్తున్నారు. ఈ సినిమాని మణిరత్నం, కమల్ హాసన్ సంయుక్తంగా నిర్మిస్తున్నారు. ఈ మూవీస్ తో తిరిగి తన స్టార్ ఇమేజ్ ని పెంచుకోవడంతో పాటు ఫైనాన్సియల్ గా కూడా మరింత బెటర్ పొజిషన్ లోకి వెళ్లాలని కమల్ హాసన్ అనుకుంటున్నారంట.