పిక్ టాక్ : అందాల సముద్ర ప్రయాణం

2005 లో ప్రేమికులు అనే తెలుగు సినిమా తో కామ్నా జెఠ్మలానీ ఇండస్ట్రీలో అడుగు పెట్టింది. మొదటి సినిమా నిరాశ పరచడంతో పాటు ఆ తర్వాత చేసిన సినిమాలు కూడా పెద్దగా ఆకట్టుకోలేదు. వరుస ఫ్లాప్స్ తర్వాత ఈ అమ్మడికి రణం అనే సినిమాతో కమర్షియల్‌ సక్సెస్ దక్కిన విషయం తెల్సిందే.

ఆ తర్వాత తెలుగు సినిమాలతో పాటు తమిళం మరియు మలయాళ సినిమాల్లో నటించింది. కన్నడ భాషలో కూడా ఈ అమ్మడు సినిమాలు చేసి అన్ని వర్గాల ప్రేక్షకులను ఆకర్షించింది. ఆ మధ్య ఈ అమ్మడు సినిమాలకు పూర్తిగా దూరం అయ్యిందని అంతా అనుకున్నారు.

రెండు మూడు ఏళ్లు గడుస్తున్నా ఈమె నటించిన ఒక్క సినిమా కూడా విడుదల అవ్వక పోవడం తో అసలేం జరిగింది అనే చర్చ మొదలు అయ్యింది. ఇలాంటి సమయంలో అందాల కామ్నా మళ్లీ సినిమాలతో బిజీ అయ్యేందుకు ప్రయత్నాలు చేస్తుంది.

సోషల్‌ మీడియాలో ఈ అమ్మడు అప్పుడప్పుడు ఫోటోలు షేర్ చేయడం మనం చూస్తూనే ఉన్నాం. అయితే ఈ మధ్య కాలంలో ఈ అమ్మడు వరుసగా సినిమాలు చేసే ఉద్దేశ్యంతో అంతకు మించి అన్నట్లుగా అందాల ఆరబోత ఫోటోలు షేర్‌ చేయడం మొదలు పెట్టింది.

తాజాగా సముద్రంలో ఒక షిప్‌ లో సందడి చేసింది. ఆ ఫోటోలు వైరల్‌ అవుతున్నాయి. సినిమాలు చేయకున్నా కూడా కామ్నా ఇంతటి విలాసవంతమైన జీవితం గడుపుతుందా అంటూ కొందరు షాక్ అవుతూ ఉంటే కొందరు మాత్రం ఆమె అందానికి ఫిదా అవుతూ కామెంట్స్ చేస్తున్నారు. ఇంతటి అందంకు మళ్లీ బిజీ అయ్యేంతగా ఆఫర్లు రావాలని వారు కోరుకుంటున్నారు.