లారెన్స్ కి ప‌డిపోయిన కంగ‌న!
అయితే ఈ సినిమా షూటింగ్ లారెన్స్- కంగ‌న‌ని మంచి స్నేహితులుగా మార్చిన‌ట్లు తెలుస్తోంది. అందుకు లారెన్స్ వ్య‌క్తిత్వ‌మ‌నే తెలుస్తోంది.
By: Tupaki Desk | 25 Sep 2023 6:42 AM GMT
అస‌లైన చంద్ర‌ముఖి లారెన్స్ కి ప‌డిపోయిందా? లారెన్స్ మంచి మ‌న‌సుకు ఫిదా అయిపోతుందా? అత‌నిలో సేవా దృక్ఫ‌దానికి అమ్మ‌డు ఎంత గొప్ప వ్య‌క్తి అన‌లేకుండా ఉండ‌లేకపోతుందా? అంటే అవున‌నే తెలుస్తోంది. `చంద్ర‌ముఖి-2` లో ఇద్ద‌రు క‌లిసి న‌టిస్తోన్న సంగ‌తి తెలిసిందే. తొలిసారి ఇద్ద‌రు తెర‌ను పంచుకుంటున్నారు. ఇందులో మొద‌టి భాగంలో జ్య‌తిక పోషించిన పాత్ర‌ని కంగ‌న పోషిస్తుంది. అంటే చంద్ర‌ముఖి పాత్ర‌లో ఆమె క‌నిపించ‌నుంది.
అలాగే సూప‌ర్ స్టార్ ర‌జ‌నీకాంత్ పోషించిన సైక్యాట్రిస్ట్ పాత్ర‌లో లారెన్స్ క‌నిపించ‌నున్నాడు. ఇప్ప‌టికే షూటింగ్ స‌హా అన్ని ప‌నులు పూర్తిచేసుకున్న సినిమా రిలీజ్ కి రెడీ అవుతుంది. దీనిలో భాగంగా ప్ర‌చార కార్య‌క్ర‌మాలు మొద‌లు పెట్టారు. అయితే ఈ సినిమా షూటింగ్ లారెన్స్- కంగ‌న‌ని మంచి స్నేహితులుగా మార్చిన‌ట్లు తెలుస్తోంది. అందుకు లారెన్స్ వ్య‌క్తిత్వ‌మ‌నే తెలుస్తోంది. లారెన్స్ సేవాదృక్ఫ‌ధం గురించి చెప్పాల్సిన ప‌నిలేదు.
ఎంతో మంది అనాధ పిల్ల‌ల్ని చ‌దివిస్తున్నాడు. సోసైటీలు..చారిటీలు నిర్వ‌హిస్తున్నారు. ప్ర‌కృతి విప‌త్తుల స‌మ‌యంలో లారెన్స్ సేవా కార్య‌క్ర‌మాలు అందుతుంటాయి. ఇక వ్య‌క్తిగ‌తంగా స‌హాయం అంటూ ఆయ‌న ముందుకెళ్తే అంద‌ని సాయం ఉండ‌దు. త‌ల్లి పేరిట ఈ కార్య‌క్ర‌మాల‌న్ని నిర్వ‌హిస్తున్నారు.
అయితే ఈ విష‌యాల‌న్ని కంగ‌న షూటింగ్ స‌మ‌యంలో తెలుసుకుందిట. లారెన్స్ అసిస్టెంట్లతో కొంత మందితో మాట్లాడిన స‌మ‌యంలో వీట‌న్నింటిని కంగ‌న గ్ర‌హించిందిట.
ఆ త‌ర్వాత ఇవే విష‌యాలు నేరుగా లారెన్స్ ని అడిగి తెలుసుకుందిట. దీంతో లారెన్స్ ని మంచి కార్య‌క్ర‌మాలు చేస్తున్నార‌ని అభినందించిందిట. త‌న‌వంతు స‌హ‌కారం కూడా చారిటీకి ఎప్పుడు ఉంటుంద‌ని మాటిచ్చిందిట. అప్ప‌టి నుంచి లారెన్స్ తో ఆన్ సెట్స్ లోనే కాకుండా..ఆఫ్ ది సెట్స్ లోనూ ఓ మంచి స్నేహితురాలిగా మూవ్ అవుతుందిట. కంగ‌న-లారెన్స్ క్లోజ్ గా ఉన్న కొన్ని ఫోటోలు కూడా నెట్టింట వైర‌ల్ అవుతుంటే? ఇదంతా నిజ‌మే అనిపిస్తుంది. ఇక చంద్ర‌ముఖి పాత్ర‌లో కంగ‌న త‌న‌కు తానుగా ఇష్ట‌ప‌డి న‌టిస్తోన్న సంగ‌తి తెలిసిందే.
