వీర‌మ‌ల్లు విల‌న్ నే ఆ హీరోకి సెట్ చేసారు!

బాలీవుడ్ సీనియ‌ర్ న‌టుడు బాబి డియోల్ 'హ‌రి హ‌ర వీర‌మ‌ల్లు' సినిమాతో ద‌క్షిణాది పరిశ్ర‌మ‌లోకి అడుగు పెడుతోన్న సంగ‌తి తెలిసిందే. ఈ సోషియా ఫాంట‌సీ యాక్ష‌న్ థ్రిల్ల‌ర్ లో ఔరంగ‌జేబు పాత్ర‌లో బాబి డియోల్ క‌నిపించ‌నున్నారు. వీర‌మ‌ల్లు..ఔరంగ‌జేబు పాత్ర‌ల మ‌ధ్య భీక‌ర‌మైన యాక్ష‌న్ స‌న్నివేశాలు సినిమాలో ప్ర‌త్యేక ఆక‌ర్ష‌ణ‌గా నిలుస్తాయ‌ని యూనిట్ ధీమా వ్య‌క్తం చేస్తుంది. వాస్త‌వానికి ఈ పాత్ర‌ని అర్జున్ రాంపాల్ పోషించాలి..కానీ ఆయ‌న డేట్లు స‌ర్దుబాటు చేయ‌డం కుద‌ర‌క‌పోవ‌డంతో ఆ ఛాన్స్ బాబి డియోల్ కి వెళ్లింది.

ఆ ర‌కంగా బాబి డియోల్ తెలుగు సినిమా ఎంట్రీ షురూ అయింది. అయితే తాజాగా ఆయ‌న కోలీవుడ్ ఎంట్రీ ఖ‌రారైంది. సూర్య హీరోగా న‌టిస్తోన్న చారిత్ర‌క క‌ల్పి గాధ 'కంగువ'లో కూడా బాబి డియోల్ ని ప్ర‌తి నాయ‌కుడి పాత్ర‌కి ఎంపిక చేసారు. 'కంగువ' ప్రారంభ‌మైన ద‌గ్గ‌ర నుంచి సూర్య‌పైనే ద‌ర్శ‌కుడు శివ ఫోక‌స్ పెట్టి ప‌నిచేసాడు. సూర్య స‌హా కొన్ని పాత్ర‌ల‌పై చిత్రీక‌ర‌ణ జ‌రిపారు. కొన్ని నెల‌లుగా టీమ్ విల‌న్ ఆలోచ‌న లేకుండా ప‌నిచేసింది.

తాజాగా సినిమాలో ప్ర‌ధాన విల‌న్ పాత్ర‌ని ఖ‌రారు చేసారు. ఈ నేప‌థ్యంలో వ‌చ్చె నెల నుంచి బ్యాంకాక్ లో సూర్య‌-బాబి డియోల్ పై కీల‌క‌మైన పోరాట ఘ‌ట్టాల్ని చిత్రీక‌రించ‌నున్నార‌ని స‌మాచారం. సినిమాలో ఈ సిన్నివేశాలు ప్ర‌త్యేక ఆక‌ర్ష‌ణ‌గా నిలుస్తాయ‌ని తెలుస్తోంది. మొత్త‌నికి బాబి డియోల్ ఎంట్రీ తెలుగు..త‌మిళ్ భాష‌ల్లో ఒకేసారి జ‌ర‌గ‌డం విశేషం. ప‌వ‌న్ క‌ళ్యాణ్‌..సూర్య లాంటి స్టార్ హీరోల చిత్రాల్లో బాబి డియోల్ భాగ‌మ‌వ్వ‌డం ఆయ‌న కెరీర్ కి క‌లిసొచ్చేదే.

బాలీవుడ్ లో నాలుగు ద‌శాబ్ధాల సినీ ప్ర‌స్థానం ఆయ‌న సొంతం. ఎన్నో సినిమాల్లో న‌టించారు. అయితే గ‌త ప‌దేళ్ల‌గా పెద్ద‌గా అవ‌కాశాలు రాలేదు. ఏడాదికి ఒక‌టి రెండు సినిమాలు చొప్పున చేసుకుంటూ వ‌చ్చారు. తాజాగా సౌత్ ఎంట్రీతో ఆయ‌న కెరీర్ కొత్త ట‌ర్నింగ్ తీసుకునే అవ‌కాశం ఉంది. తెలుగు సినిమాల‌కు విల‌న్ల కొర‌త ఎప్ప‌టి నుంచో ఉండ‌నే ఉంది. విల‌న్ ఎవ‌రైనా బాలీవుడ్ నుంచే రావాలి కాబ‌ట్టి బాబి డియోల్ స‌క్సెస్ అయితే ఆ స్థానం ఆయ‌న‌కు ప‌రిమితం చేసే అవ‌కాశం ఉంది.