అంత డేంజర్ లో వస్తే ఎలా కన్నప్ప?

టాలీవుడ్ హీరో మంచు మనోజ్ డ్రీమ్ ప్రాజెక్ట్ గా కన్నప్ప మూవీ రూపొందుతున్న విషయం తెలిసిందే. మహాకవి ధూర్జటి రాసిన శ్రీకాళహస్తీశ్వర మహత్యంలోని భక్త కన్నప్ప చరిత్ర స్ఫూర్తిగా మహాభారత సిరీస్ ఫేమ్ ముఖేష్ కుమార్ సింగ్ తెరకెక్కిస్తున్నారు. భారీ బడ్జెట్ తో డైలాగ్ కింగ్ మంచు మోహన్ బాబు గ్రాండ్ గా నిర్మిస్తున్నారు.

విష్ణు టైటిల్ రోల్ లో నటిస్తుండగా.. మోహన్ బాబు కీలక పాత్రలో కనిపించనున్నారు. పాన్ ఇండియా స్టార్ ప్రభాస్ క్యామియో రోల్ లో యాక్ట్ చేస్తున్నారు. శరత్‌ కుమార్‌, మధుబాల, ప్రీతి ముకుందన్‌ తదితరులు కీలక పాత్రల్లో సందడి చేయనున్నారు. మంచు ఫ్యామిలీ మూడో తరం వారసుడు, విష్ణు కొడుకు అవ్రామ్ కూడా నటిస్తున్నాడు.

బాల తిన్నడుగా నటిస్తున్న అవ్రామ్.. కన్నప్ప చిత్రంతో సినీ ఇండస్ట్రీలోకి అడుగుపెడుతున్నాడు. ఇప్పటికే శరవేగంగా షూటింగ్ జరుపుకుంటున్న ఆ మూవీ రిలీజ్ డేట్ ను మేకర్స్ తాజాగా ప్రకటించారు. వేసవి కానుకగా వచ్చే ఏడాది ఏప్రిల్ 25వ తేదీన విడుదల చేయనున్నట్లు తెలిపారు. దాంతోపాటు స్పెషల్ పోస్టర్ ను కూడా రిలీజ్ చేశారు.

"పరమ శివుడి గొప్ప భక్తుడు కన్నప్ప గురించి ఇప్ప‌టి వ‌ర‌కు చెప్పని కథను చూసేందుకు మీ క్యాలెండర్‌ లో డేట్‌ ను వెంటనే మార్క్ చేసుకోండి. 2025 ఏప్రిల్ 25 వెండితెరపైకి మూవీ రావడానికి సిద్ధంగా ఉంది! ఎపిక్ జర్నీకి సిద్ధంగా ఉండండి!" అంటూ మేకర్స్ ట్వీట్ చేశారు. త్రిశూలం ఉన్న పోస్టర్.. ఇంట్రెస్టింగ్ గా మెప్పిస్తోంది.

నిజానికి డిసెంబర్ లో కన్నప్ప రిలీజ్ చేద్దామని మేకర్స్ అనుకున్నా.. కుదరలేదు. దీంతో సమ్మర్ స్పెషల్ గా రిలీజ్ చేస్తున్నట్లు తెలుస్తోంది. అయితే కన్నప్పకు ఓ రిస్క్ ఉందని పలువురు నెటిజన్లు అభిప్రాయపడుతున్నారు. ఏప్రిల్ 10వ తేదీన పాన్ ఇండియా స్టార్ ప్రభాస్ హీరోగా మారుతి తెరకెక్కిస్తున్న రాజా సాబ్ మూవీ రిలీజ్ కానుంది.

ఇప్పటికే ఆ సినిమాపై మంచి అంచనాలు ఉన్నాయి. అక్కడికి వారం పోతే తేజ సజ్జా మిరాజ్ మూవీ రిలీజ్ కానుంది. ఆ రెండు తర్వాత కన్నప్ప చిత్రం విడుదల అవుతుంది. రాజా సాబ్, మిరాజ్ బ్లాక్ బస్టర్ హిట్స్ అయితే.. కొన్ని వారాల పాటు థియేటర్లలో వాటి మ్యానియా నడుస్తోంది. దీంతో సినీ ప్రియుల దృష్టిని కన్నప్ప వైపు తిప్పుకోవడం మేకర్స్ కు కాస్త సవాల్ అని చెబుతున్నారు. కాబట్టి కన్నప్ప మేకర్స్ ఏం చేస్తారో.. సినిమా ఎలా ఉంటుందో వేచి చూడాలి.