కాంతార ప్రీక్వెల్.. ఆ పండక్కి వస్తే..

ఇండియన్ బాక్సాఫీస్ వద్ద ఎలాంటి హడావుడి లేకుండా సైలెంట్ గా వచ్చి బ్లాక్ బస్టర్ హిట్ అయిన మూవీ కాంతార. థియేటర్స్ లో ఆడియన్స్ కు మంచి ఎక్స్పీరియన్స్ ఇచ్చిన ఈ సినిమా.. తొలుత కన్నడ భాషలో రిలీజైనప్పుడు.. పెద్దగా టాక్ వినిపించలేదు. కానీ ఒరిజినల్ భాషలో విడుదలైన వారం రోజుల తర్వాత అన్ని భాషల్లో రిలీజ్ చేశారు మేకర్స్. అప్పుడు సినిమాకు ఓ రేంజ్ లో హైప్ క్రియేట్ అయింది.

ముఖ్యంగా టాలీవుడ్ ఆడియన్స్ కు ఈ సినిమా బాగా నచ్చేసింది. ఈ మూవీలో హీరోగా నటించిన రిషబ్ శెట్టి.. దర్శకుడిగా వ్యవహరించారు. అయితే కాంతార సినిమాలో రిషబ్ శెట్టి హార్డ్ వర్క్, డెడికేషన్ చాలా క్లియర్ గా కనిపించాయని చెప్పవచ్చు. 2022లో విడుదలైన ఈ మూవీ బ్లాక్ బస్టర్ హిట్ కావడంతో రిషబ్ .. ఈ సినిమాకు ప్రీక్వెల్ అనౌన్స్ చేసిన విషయం తెలిసిందే. తొలి భాగం కథ ఎక్కడైతే స్టార్ట్ అయిందో.. దానికి ముందు జరిగిన సంఘటనలను ప్రీక్వెల్ లో చూపించనున్నారు మేకర్స్.

ప్రస్తుతం ప్రీ-ప్రొడక్షన్‌ పనులు వేగంగా జరుపుకుంటున్న ఈ సినిమా కోసం ఆడియన్స్ ఎంతగానో ఎదురుచూస్తున్నారు. షూటింగ్ వచ్చే నెలలో గ్రాండ్ గా స్టార్ట్ కానుంది. అందుకు రిషబ్ గ్రామంలో భారీ సెట్ నిర్మించారు మేకర్స్. అయితే రిషబ్‌ శెట్టి ఇప్పటికే తన పాత్ర కోసం ప్రిపరేషన్‌ స్టార్ట్ చేశారు. ఈ సినిమాలో ఆయన రోల్ చాలా డిఫరెంట్ గా ఉండనుంది. మొదటి భాగానికి పూర్తి భిన్నంగా ఉంటుంది. ఈ మూవీ కోసం ఆయన గుర్రపు స్వారీ కూడా నేర్చుకున్నారు.

ఇక ఈ సినిమా రిలీజ్ డేట్ గురించి ప్రస్తుతం నెట్టింట ఓ వార్త చక్కర్లు కొడుతోంది. ఈ ఏడాది కల్లా షూటింగ్ కంప్లీట్ అవ్వనున్నట్లు తెలుస్తోంది. వచ్చే ఏడాది సంక్రాంతికి ఈ సినిమా రిలీజ్ కానున్నట్లు వార్తలు వస్తున్నాయి. అయితే ఇప్పటికే వచ్చే సంక్రాంతికి గట్టి పోటీ నెలకొంది. చిరంజీవి విశ్వంభర, ప్రభాస్ రాజా సాబ్, జై హనుమాన్ తో మరిన్ని చిత్రాలు అప్పుడే రిలీజ్ అవ్వడానికి సిద్ధమవుతున్నాయి.

మరి నిజంగా సంక్రాంతికి వస్తుందో లేక మేకర్స్ వాయిదా వేస్తారో వేచి చూడాలి. ఇక ఈ ప్రీక్వెల్ ఏడు భాషల్లో రిలీజ్ కానుంది. కన్నడ తోపాటు తెలుగు, తమిళం, మలయాళం, హిందీ, బెంగాలీ, ఇంగ్లిష్ భాషల్లో ఈ చిత్రం ప్రపంచవ్యాప్తంగా ప్రేక్షకుల ముందుకు రానుంది. రెండేళ్ల క్రితం కాంతార.. ప్రపంచ వ్యాప్తంగా రూ.407.82 కోట్లు వసూలు చేసిన విషయం తెలిసిందే. మరి ప్రీక్వెల్ ఎలాంటి వసూళ్లు రాబడుతుందో చూడాలి.