అవి చేసినందుకు నాకేం బాధ లేదు : కార్తికేయ

కార్తికేయ హీరోగా రూపొందిన 'భజే వాయు వేగం' సినిమా రేపు ప్రేక్షకుల ముందుకు రాబోతుంది. ఐశ్వర్య మీనన్ హీరోయిన్ గా నటించిన ఈ సినిమా ప్రమోషన్‌ కార్యక్రమాలతో హోరెత్తించారు. ఈ మధ్య కాలంలో కార్తికేయ వరుస సినిమాలతో మంచి జోష్‌ మీద ఉన్నాడు. కనుక ఈ సినిమా కి బజ్‌ క్రియేట్‌ అయ్యింది.

ప్రశాంత్‌ రెడ్డి దర్శకత్వంలో రూపొందిన భజే వాయు వేగం సినిమా ప్రమోషన్ లో భాగంగా కార్తికేయ తాజాగా మీడియాతో మాట్లాడుతూ పలు ఆసక్తికర విషయాలను పంచుకున్నాడు. నాని గ్యాంగ్‌ లీడర్ మరియు తమిళ చిత్రం వాలిమై లో విలన్‌ పాత్రలను పోషించడం పై కొందరు విమర్శలు చేస్తున్నారంటూ కార్తికేయ ముందు మీడియా వారు ప్రస్థావించారు.

అందుకు గాను కార్తికేయ స్పందిస్తూ... నేను ఎప్పుడు కూడా నాని గ్యాంగ్‌ లీడర్ మరియు వాలిమై సినిమాలు చేసినందుకు బాధ పడలేదు. అయితే ఆ సినిమాల వల్లే నాకు రీచ్ మరింత పెరిగిందని భావిస్తాను. గ్యాంగ్ లీడర్ వల్ల నేను అమెరికాలో తెలిశాను, వాలిమై వల్ల తమిళనాట నా గురించి తెలిసిందని చెప్పుకొచ్చాడు.

ముందు ముందు మంచి విలన్‌ పాత్రలు వస్తే నటించేందుకు ఎలాంటి ఇబ్బంది లేదు అన్నట్లుగా చెప్పుకొచ్చాడు. ఇక ఏ సినిమాలో హీరోను చూసి జనాలు మనం అలా ఉండాలి అని కోరుకుంటారో అదే నిజమైన హీరోయిజం. కనుక నేను అలాంటి హీరోయిజం తో కూడిన పాత్రలు చేయాలి అనుకుంటాను అన్నాడు.

యూవీ కాన్సెప్ట్స్ బ్యానర్‌ లో సినిమా చేయడం అనేది నాకు చాలా ఆనందాన్ని కలిగించింది. పక్కా ప్లానింగ్‌ తో ఒక మంచి సినిమాను నిర్మించాలనే పట్టుదలతో నిర్మాతలు పని చేశారు. ప్రతి ఒక్కరు కూడా భజే వాయు వేగం సినిమా కోసం కష్టపడ్డారు. అందుకు తగ్గ ఫలితం ఉంటుందని కార్తికేయ నమ్మకం వ్యక్తం చేశాడు.