న‌ల్ల కోక‌లో ఏంజెల్లా ప్ర‌త్య‌క్ష‌మైన క‌త్రిన
ఇప్పుడు పాపుల‌ర్ ఫిలిం ఈవెంట్లో నలుపు రంగు చీరలో త‌ళుక్కున మెరిసింది క‌త్రిన కైఫ్.
By: Tupaki Desk | 2 Dec 2023 4:18 AM GMT
నలుపు రంగు దుస్తుల ఎంపిక ఎదుటివారికి అందం పెంచుతుంద‌ని మెగాస్టార్ చిరంజీవి అన్నారు. నలుపు పార్టీ వేర్ గాను పాపుల‌ర్. ఇప్పుడు పాపుల‌ర్ ఫిలిం ఈవెంట్లో నలుపు రంగు చీరలో త‌ళుక్కున మెరిసింది క‌త్రిన కైఫ్. పండ‌గ‌లో క‌ళ్ల‌న్నీ ఈ అమ్మ‌డి వైపే.
జెడ్డాలోని రెడ్ సీ ఇంటర్నేషనల్ ఫిల్మ్ ఫెస్టివల్‌కు హాజరైన కత్రినా కైఫ్ నలుపు చీరలో గ్లామ్ ని జోడించింది. చాలా మంది అంద‌గ‌త్తెల న‌డుమ తన ప్ర‌త్యేక‌త‌ను చాటుకోవ‌డంలో క‌త్రిన విజ‌యం సాధించింది. శనివారంతన ఇన్‌స్టాగ్రామ్ లో ఈ ఫోటోగ్రాఫ్స్ ని షేర్ చేయ‌గా అవి వైర‌ల్ గా మారాయి. ఈవెంట్లో తన జీవిత అనుభవాలు, పని గురించి మాట్లాడుతూ రెడ్ కార్పెట్‌పై తన కొత్త ఫోటోషూట్ ని షేర్ చేసింది. తన మెర్రీ క్రిస్మస్ కో-స్టార్ విజయ్ సేతుపతిని కూడా ప్రశంసించింది. కత్రినా నలుపు రంగు చీరలో సింపుల్‌గా సిగ్నేచ‌ర్ లుక్ లో ఎంతో సొగస‌రిగా కనిపించింది. ఈ పండ‌గ‌లో ఒక రోజు చాలా అద్భుతంగా ఉంది. రాజ్యంలో అత్యంత ప్రేమ దయగల అతిధేయులు సృష్టించిన అద్భుతమైన పండుగ. చాలా అద్భుతమైన జ్ఞాపకాలను అందించింది.. అని క‌త్రిన రాసారు. ఈ ఈవెంట్ నుండి కత్రినా ఫోటోలు, వీడియోలు ఆన్‌లైన్‌లో వచ్చాయి.
మెర్రీ క్రిస్మస్ క్రిస్మ‌స్‌కి రాదు!
ఈ వేదిక వ‌ద్ద కత్రినా విజయ్ సేతుపతితో తన పని అనుభవం గురించి మాట్లాడింది. క్యాట్ మాట్లాడుతూ, ``అతడితో (విజయ్ సేతుపతి) కలిసి పనిచేయడం ఎల్లప్పుడూ ఆనందంగా ఉండేది. మెర్రీ క్రిస్మస్ చిత్రంతో ప్ర‌తిభావంతుడైన న‌టుడి స‌ర‌స‌న నాకు ఈ అవకాశం వచ్చింది. ఇది అసాధారణమైనది. ఇప్పటివరకు నేను చేసిన చిత్రాలలో అత్యంత కష్టతరమైన చిత్రం. ఇందులో నా పాత్ర నాకు చాలా నేర్పించింది. కానీ నటుడిగా సేతుపతి నిజంగా సవాలు విసురుతాడు. అలాగే మెర్రి క్రిస్మస్ ద్విభాషా చిత్రం. హిందీ, తమిళంలో సినిమాను తెరకెక్కించారు. నిజానికి నేను తమిళంలోనే మాట్లాడాను కాబట్టి ప్రతి స‌న్నివేశానికి రెండు టేక్‌లు తీసుకున్నారు. అది నిజంగా సవాల్ లాంటిది.. కానీ ఎగ్జ‌యిట్ చేసింది. నా సహనటుడు విజయ్ సేతుపతి చాలా అద్భుతం. హిందీ స‌న్నివేశం చేసేప్పుడు కూడా అతడు అద్భుతంగా న‌టించారు. మెర్రి క్రిస్మస్ క్రిస్మస్ బ‌రిలో వ‌స్తుందా? రాదా? అంటే వ‌చ్చేందుకు ఆస్కారం లేద‌ని కూడా స‌మాచారం.
నా సినిమాల నుంచి చాలా నేర్చుకున్నాను
కత్రినా తన జీవిత అనుభవాలను వివ‌రిస్తూ సినిమాల నుండి చాలా నేర్చుకున్నాన‌ని తెలిపింది. ఒక వీడియోలో క‌త్రిన వ్యాఖ్యానిస్తూ.. మ‌నం పరిణ‌తి చెందితే జీవిత అనుభవాలు చాలా నేర్పుతాయి. అది మిమ్మల్ని ఒక వ్యక్తిగా రూపొందిస్తుంది. జీవితం న‌న్ను ఒక వ్యక్తిగా కళాకారిణిగా మలిచింది. ప్రతి సినిమాతో .. జీవితం నాకు ఇచ్చిన ప్రతి అనుభవం.. గొప్ప‌ది. నేను సినిమాల నుండి నేర్చుకుని ఒక అడుగు ముందుకు వేశాను.. అని క‌త్రిన వ్యాఖ్యానించారు.
కత్రినా సల్మాన్ ఖాన్‌తో కలిసి టైగర్ 3 లో న‌టించింది. ఈ చిత్రం ఆశించినంత‌గా ఆడ‌లేదు. అయినా క‌త్రిన‌కు అవ‌కాశాల ప‌రంగా స‌మ‌స్య లేదు. తదుపరి మెర్రీ క్రిస్మస్ జనవరి 12న విడుదల కానుంది. ఈ సినిమాతో పాటు అబ్బాస్ అలీ జాఫ‌ర్ ద‌ర్శ‌క‌త్వంలో సూప‌ర్ హీరోయిన్ గాను క‌త్రిన న‌టించ‌నుంది.
