కత్రినా టవల్ సీన్.. ఊహించని ఫలితమే..

సల్మాన్ ఖాన్ టైగర్ 3 సినిమా డివైడ్ టాక్ అందుకున్న విషయం తెలిసిందే. ఏక్ థా టైగర్, టైగర్ జిందా హై వంటి సినిమాలతో సక్సెస్ అందుకున్న సల్మాన్ ఈసారి కూడా ఆ అదే తరహాలో మెప్పిస్తాడు అని అనుకుంటే ఊహించని విధంగా షాక్ ఇచ్చాడు. ఇక హీరోయిన్ కత్రినా కూడా ఈసారి అంచనాలను అందుకోలేక ఏ దశలోనూ మెప్పించలేకపోయింది.

గత రెండు సినిమాల్లో కత్రినా అందంగా కనిపించింది. పవర్ఫుల్ పెర్ఫెమెన్స్ కూడా మెప్పించింది. కానీ టైగర్ 3లో ఆమె అంతగా ఆకట్టుకోలేదు. చాలా సీన్స్ లో డల్ గా కనిపించిన ఆమె.. రిలీజ్ కు ముందు టవల్ సీన్ తో ఫైట్ అంటూ ఒక రేంజ్ లో హైప్ క్రియేట్ చేసింది. కానీ ఆ సీన్ లో కూడా జోయా పాత్ర అంచనాలను అందుకోలేకపోయింది. ముఖ్యంగా సల్మాన్ ఖాన్‌తో ఆమె కెమిస్ట్రీ కుదరలేదు.

కానీ టవల్ సీన్ కోసమైనా కత్రినాను చూసేందుకు కూడా ఓ వర్గం ఆడియెన్స్ టైగర్ 3 కోసం థియేటర్స్ లోకి వెళ్ళారు. కానీ ట్రైలర్ లో ఉన్నంత పస వెండితెరపై మాత్రం పూర్తి స్థాయిలో ఆకట్టుకోలేదు. ఇక గతంలో పఠాన్‌లో దీపికా పదుకొణె బికినీతో గట్టి ప్రభావం చూపింది. బేషరమ్ రంగ్‌లో ఆమె బికినీ ఎంతగా వివాదాస్పదం అయ్యిందో ప్రత్యేకంగా చెప్పనవసరం లేదు.

ఏది ఏమైనప్పటికీ ఆ కాంట్రవర్సీతోనే పఠాన్ కావాల్సినంత పబ్లిసిటీ వచ్చింది అని చెప్పవచ్చు. ఎప్పుడూ లేనంత ఘాటుగా దీపిక పదుకొనే ఆ పాటలో కనిపించింది. ఇక గ్లామర్ పరంగా అందులో ఆమె మంచి మార్కులు కొట్టేసింది. కానీ టైగర్ 3 లో మాత్రం సల్మాన్ కు జోడిగా కూడా కత్రినా కైఫ్ ఈసారి నిరాశపరిచింది. గ్లామర్ కూడా పెద్దగా ఆకట్టుకోలేకపోయింది.

నాలుగు పదుల వయసులోకి వచ్చిన కత్రినా కైఫ్ ఇంతకుముందు తన అందంతోనే సినిమాల రేంజ్ ను పెంచేసింది. కానీ ఈసారి టైగర్ 3లో మాత్రం ఆమె గ్లామర్ పెద్దగా ఉపయోగపడలేదు. ఇక కేవలం పండగ సీజన్ లొనే ఈ సినిమాకు కలెక్షన్స్ వస్తున్నాయి. ఈరోజు నుంచి మళ్లీ కలెక్షన్స్ తగ్గుతున్నట్లుగా తెలుస్తోంది. ఇక రేపటి పరిస్థితి ఎలా ఉంటుందో అనే దాని పైన సినిమా ఫలితం ఆధారపడి ఉంటుంది.