చీరకట్టులో బాపుబొమ్మలా కావ్య థాపర్

టాలీవుడ్ లో కమర్షియల్ హీరోయిన్ గా వరుస సినిమాలు చేస్తోన్న ముద్దుగుమ్మ కావ్య థాపర్. రీసెంట్ గా ఈ బ్యూటీ గోపీచంద్ ‘విశ్వం’ సినిమాతో ప్రేక్షకుల ముందుకొచ్చింది. అయితే కావ్య థాపర్ కి టైం సరిగా కలిసి రావడం లేదని చెప్పొచ్చు. అందుకే స్టార్ హీరోలతో మూవీస్ చేస్తోన్న బ్యాక్ టూ బ్యాక్ డిజాస్టర్స్ అందుకుంటుంది. కావ్య థాపర్ హీరోయిన్ గా నటించిన ‘ఈగల్’, ‘ఊరు పేరు భైరవకోన’, ‘డబుల్ ఇస్మార్ట్’, ‘విశ్వం’ ఈ ఏడాది రిలీజ్ అయ్యాయి.

అయితే ఈ సినిమాలన్నీ డిజాస్టర్ అయ్యాయి. సినిమాలలో గ్లామర్ పెర్ఫార్మెన్స్ తో ఆకట్టుకున్న కూడా కావ్య థాపర్ కి ఏ మాత్రం కలిసి రాలేదని చెప్పాలి. అయితే ఈ సినిమాలు ఫ్లాప్ అయిన కావ్య థాపర్ ఇండస్ట్రీలో అందరి దృష్టిలో పడింది. దీంతో టైర్ 2 హీరోలకి ఆమె ఛాయస్ గా మారింది. ఆమె మరికొన్ని కమర్షియల్ సినిమాలకి కూడా హీరోయిన్ గా గ్రీన్ సిగ్నల్ ఇచ్చిందనే టాక్ వినిపిస్తోంది.

డిజిటల్ ఎంట్రీ కూడా ఇచ్చిన కావ్య థాపర్ 2023లో విజయ్ సేతుపతి ఫర్జీలో నటించింది. ఈ సిరీస్ కి మంచి టాక్ వచ్చింది. ఇదిలా ఉంటే కావ్య థాపర్ సోషల్ మీడియాలో చాలా యాక్టివ్ గా ఉంటుంది. రెగ్యులర్ గా తన అప్డేట్స్ తో పాటు గ్లామర్ ఫోటోలని కూడా కావ్య థాపర్ ఇన్ స్టాగ్రామ్ లో షేర్ చేస్తూ ఉంటుంది. ఈ ఫోటోలకి లక్షల్లో లైక్స్ వస్తాయి.

ఎప్పుడు గ్లామర్ అవుట్ ఫిట్స్ తో కనిపించే కావ్య థాపర్ సడెన్ గా చక్కనైన చీరకట్టులో మెస్మరైజ్ చేసే ఫోటోలని ఇన్ స్టాగ్రామ్ లో షేర్ చేసింది. వైట్ కలర్ చీరలో ఆమె అచ్చమైన తెలుగమ్మాయిలా, అందమైన బాపు బొమ్మలా ఉందనే మాట వినిపిస్తోంది. నెటిజన్లు కూడా కావ్యా థాపర్ ఫోటోపై ఇంటరెస్టింగ్ కామెంట్స్ చేస్తున్నారు. ఇలా ట్రెడిషనల్ స్టైల్ క్యారెక్టర్ కావ్య థాపర్ కి పడితే కచ్చితంగా ఆకట్టుకుంటుందని అనుకుంటున్నారు.

ఒక్క సినిమాతో కమర్షియల్ బ్రేక్ పడితే ఆమె టాలీవుడ్ లో స్టార్ హీరోయిన్ గా మారిపోతుందని అంటున్నారు. ఈ ఏడాది ఆమెకి ఏ విధంగా కలిసి రాలేదు. వచ్చే ఏడాది అయిన కావ్య థాపర్ కెరియర్ ని టర్న్ చేసే సినిమా పడుతుందేమో వేచి చూడాలి.