2024 లో నాలుగు రిలీజ్ లు.. అయినా కూడా..?

రామ్ పూరీ జగన్నాథ్ కాంబోలో ఇస్మార్ట్ శంకర్ కు సీక్వెల్ గా వస్తున్న సినిమా డబుల్ ఇస్మార్ట్. ఇస్మార్ట్ శంకర్ లో ఉన్న హీరోయిన్స్ నే ఇందులో రిపీట్ చేస్తాడని అనుకోగా పూరీ ఫోకస్ లోకి కొత్త భామ కావ్య థాపర్ వచ్చి చేరింది. ఈ మాయ పేరేమిటో సినిమాతో తెలుగు తెరకు పరిచయమైన కావ్య థాపర్ ఏక్ మిని కథ సినిమాతో సక్సెస్ అందుకుంది. ఈ ఇయర్ ఈగల్, ఊరు పేరు భైరవకోన సినిమాలతో ప్రేక్షకుల ముందుకు వచ్చింది కావ్య. అందులో ఒక సినిమా సక్సెస్ అవ్వగా మరోటి ప్రేక్షకులను అలరించింది. ఇప్పుడు అమ్మడు మరో సినిమా రిలీజ్ కు రెడీ అయ్యింది.

రామ్ తో కలిసి డబుల్ ఇస్మార్ట్ సినిమా చేసిన కావ్య ఈ సినిమాతో తన గ్లామర్ యాంగిల్ ని చూపించాలని చూస్తుంది. పూరీ సినిమాల్లో హీరోయిన్స్ అంటే సంథింగ్ స్పెషల్ గా ఉంటారు. ఒక్కసారి పూరీ చేతుల్లో పడ్డాడు అంటే అప్పటివరకు ఉన్న ఇమేజ్ డబు అవుతుంది. అందుకే డబుల్ ఇస్మార్ట్ మీద అమ్మడు అంచనాలు పెట్టుకుంది. కెరీర్ లో అన్ని ప్రయోగాలు చేయాలని ఉందన్న కావ్య యాక్షన్ సినిమాల మీద తన ఆసక్తి బయట పెట్టింది.

ఇక చిరంజీవి, ఎన్టీఆర్ ల డాన్స్ అంటే ఇష్టం అంటున్న అమ్మడు చరణ్, నాని లాంటి స్టార్స్ తో నటించాలని ఉందని అంటుంది. డబుల్ ఇస్మార్ట్ లో అమ్మడు యాక్షన్ సీన్స్ కూడా చేసిందని టాక్. ఐతే రామ్ తో కలిసి నటించడం సంతోషంగా ఉందని అంటున్న అమ్మడు స్టార్ హీరోలతో కలిసి నటించాలని ఉందన్న కోరికను బయట పెట్టింది. ఐతే ఇస్మార్ట్ శంకర్ ఆడిషన్ కు వస్తే అప్పుడు ఛాన్స్ ఇవ్వని పూరీ డబుల్ ఇస్మార్ట్ లో అవకాశం ఇచ్చాడు.

ఇక ఈ ఇయర్ ఆల్రెడీ ఈగల్, భైరవకోన సినిమాలతో ప్రేక్షకుల ముందుకు వచ్చిన కావ్య గురువారం డబుల్ ఇస్మార్ట్ తో వస్తుంది. నెక్స్ట్ అమ్మడు గోపీచంద్ విశ్వం సినిమాలో కూడా నటిస్తుంది. సో 2024 లో అమ్మడు ఏకంగా నాలుగు సినిమాలతో ఆడియన్స్ ని అలరిస్తుంది. ఐతే ఫస్ట్ హాఫ్ లో వచ్చిన రెండు సినిమాలు ఆమె కెరీర్ కు అంత గొప్పగా ఉపయోగపడలేదు కానీ డబుల్ ఇస్మార్ట్ మాత్రం కచ్చితంగా అమ్మడికి మరిన్ని ఛాన్సులు వచ్చేలా చేస్తుందని చెప్పొచ్చు.