దసరా 2 హీరోయిన్ పై డౌట్లు అక్కర్లేదా..?

హీరో డైరెక్టర్ కలిసి ఒక సూపర్ హిట్ సినిమా తీస్తే ఆ కాంబోకి సెపరేట్ క్రేజ్ ఏర్పడుతుంది. అదే కాంబో మరోసారి రిపీట్ చేస్తే అంచనాలు తారాస్థాయిలో ఉంటాయి. అలాంటి అంచనాలతోనే వస్తున్న సినిమా నాని, శ్రీకాంత్ ఓదెల కలిసి చేయబోతున్న రెండో ప్రాజెక్ట్. దసరా తో ఈ ఇద్దరు కలిసి చేసిన హంగామా తెలిసిందే. అంతకుముందు వరకు నాని కేవలం క్లాస్ హీరోనే అతనికి మాస్ సినిమాలు సూట్ అవ్వవు అనుకోగా దసరా తో అలా అన్న నోర్లన్నీ మూపించేశాడు నాని. అంతేకాదు కెరీర్ లో మొదటిసారి 100 కోట్ల కలెక్షన్ క్లబ్ లో చేరాడు.

ఆ తర్వాత మళ్లీ హాయ్ నాన్న తన మార్క్ ఎమోషనల్ ఎంటర్టైనర్ తో అలరించాడు. ప్రస్తుతం నాని సరిపోదా శనివారం తో రాబోతున్నాడు. ఈ సినిమా కూడా తన కెరీర్ లో మరో 100 కోట్ల సినిమా అవుతుందని నాని గట్టి నమ్మకంతో ఉన్నాడు. ఐతే ఈ సినిమా తర్వాత నాని శ్రీకాంత్ ఓదెల దసరా 2 అదే దసరా కాంబోని రిపీట్ చేస్తున్నారు. ఇప్పటికే సినిమాకు సంబంధించిన ప్రీ ప్రొడక్షన్ వర్క్ పూర్తైనట్టు టాక్. త్వరలోనే సినిమా సెట్స్ మీదకు వెళ్తుందని తెలుస్తుంది.

ఐతే ఈ కాంబో సినిమా దసరా టీం నే రిపీట్ చేస్తారని టాక్. ఎలాగు హీరో, డైరెక్టర్ తో పాటు నిర్మాత కూడా అతనే కాబట్టి ఇక హీరోయిన్ ని కూడా కీర్తి సురేష్ ని తీసుకుంటారని టాక్. నాని చూచాయగా దసరా కాంబో మళ్లీ రిపీట్ అవుతుందని హీరోయిన్ విషయంలో కూడా క్లూ ఇచ్చాడు. సో మరోసారి నానితో కీర్తి కలిసి నటించబోతుందని తెలుస్తుంది.

ఆల్రెడీ నేను లోకల్, దసరా సినిమాలతో ఈ జోడీకి మంచి క్రేజ్ ఏర్పడింది. ఈసారి హ్యాట్రిక్ సినిమాతో అదరగొట్టబోతున్నారు. నాని తన న్యాచురల్ యాక్టింగ్ తో ఆకట్టుకుంటుంటే.. దానికి ఏమాత్రం తగ్గకుండా కీర్తి సురేష్ తన సహజ నటనతో ఇంప్రెస్ చేస్తుంది. సో ఈ ఇద్దరి జోడీ ఆ సూపర్ హిట్ కాంబోకి కూడా రిపీట్ అయితే ఇక రిజల్ట్ కూడా కచ్చితంగా అదే అవుతుందని చెప్పొచ్చు. ఆమధ్య ఓ ఈవెంట్ లో కాకిని చూపించి నెక్స్ట్ ఇయర్ ఈ కాకి అవార్డులన్నీ ఎత్తుకెళ్తుందని శ్రీకాంత్ ను చూపించి అన్నాడు. మరి నాని కాన్ఫిడెన్స్ చూస్తుంటే మరోసారి కూడా పెద్ద ప్లానింగ్ తో వస్తున్నట్టే అనిపిస్తుంది.