ఆ పాత్రకు నో చెప్పిన కీర్తిసురేష్!
ఇటీవల నాగ్‌ అశ్విన్‌తో కలిసి కీర్తి సురేష్ గోవాలో జరుగుతున్న ఇంటర్నేషనల్‌ ఫిల్మ్‌ ఫెస్టివల్‌ ఆఫ్‌ ఇండియాలో పాల్గొన్నారు. ఆ సందర్భంగా ఈ విషయాన్ని గురించి ప్రస్థావన వచ్చింది.
By: Tupaki Desk | 30 Nov 2024 10:30 AM GMT
మహానటి సినిమాతో కీర్తి సురేష్‌కి జాతీయ స్థాయిలో గుర్తింపు దక్కింది. ఆ సినిమాకు జాతీయ అవార్డు దక్కడంతో కీర్తి సురేష్ సౌత్‌ నుంచి నార్త్‌కి సైతం వెళ్లింది. తెలుగు, తమిళ్‌ సినిమాలతో పాటు హిందీ సినిమాలను సైతం చేస్తున్న ఈ అమ్మడు భారీ పారితోషికంను అందుకుంటూ ఉంది. కీర్తి సురేష్ పాన్‌ ఇండియా స్టార్‌డమ్‌ కి మహానటి దర్శకుడు నాగ్‌ అశ్విన్ కారణం అనడంలో సందేహం లేదు. అలాంటి నాగ్‌ అశ్విన్ రిక్వెస్ట్‌ చేసినా 'కల్కి 2898 ఏడీ' సినిమాలో ఒక పాత్రను చేసేందుకు కీర్తి సురేష్ నో చెప్పిందట. ఆ పాత్ర కీర్తి సురేష్‌కి అంతగా ఆసక్తి అనిపించలేదట, అందుకే సున్నితంగా ఆ పాత్రను తిరస్కరించిందట.
ఇటీవల నాగ్‌ అశ్విన్‌తో కలిసి కీర్తి సురేష్ గోవాలో జరుగుతున్న ఇంటర్నేషనల్‌ ఫిల్మ్‌ ఫెస్టివల్‌ ఆఫ్‌ ఇండియాలో పాల్గొన్నారు. ఆ సందర్భంగా ఈ విషయాన్ని గురించి ప్రస్థావన వచ్చింది. నాగ్‌ అశ్విన్ కల్కిలో ఒక పాత్ర కోసం తనను అడిగారు అని, అయితే ఆ పాత్ర తనకు అంతగా ఆసక్తి అనిపించలేదు. అందుకే నో చెప్పాను. అయితే ఏదో ఒక రకంగా ఆ సినిమాలో పార్ట్‌ అవుతాను అని నాకు తెలుసు. నాగి తనను ఏదో ఒక విధంగా కల్కిలో భాగం చేస్తాడని అనుకున్నాను. నేను అనుకున్నట్లుగానే బుజ్జి పాత్రకు నాతో డబ్బింగ్‌ చెప్పించడం ద్వారా కల్కి సినిమాలో తనను భాగస్వామి చేశాడు అంటూ కీర్తి సురేష్ చెప్పుకొచ్చింది.
ప్రభాస్‌ కారు బుజ్జికి వాయిస్‌ ఓవర్‌ చెప్పడం వల్ల ప్రేక్షకులకు చేరువ ఎలా అవుతావు అంటూ కొందరు నన్ను ప్రశ్నించారు. కానీ ఆ కారుకు వాయిస్‌ ఓవర్‌ ఇవ్వడం వల్ల కచ్చితంగా చాలా స్పెషల్‌గా నిలిచే అవకాశాలు ఉంటాయని నేను భావించాను. అందుకే నాగి అడిగిన వెంటనే ఓకే చెప్పాను అంటూ సన్నిహితుల వద్ద కీర్తి సురేష్ చెప్పుకొచ్చిందట. కీర్తి సురేష్ డబ్బింగ్‌తో బుజ్జి కారుకు మంచి పబ్లిసిటీ దక్కింది. సినిమాలో కారుకు పెద్దగా ప్రాముఖ్యత లేదు అంటూ కొందరు విమర్శించినా, విడుదలకు ముందు, విడుదల తర్వాత బుజ్జి కారు గురించి పెద్ద ఎత్తున చర్చ జరగడం, కీర్తి సురేష్ డబ్బింగ్‌ గురించి చర్చ జరగడం తెలిసిందే.
తెలుగులో పెద్దగా సినిమాలకు అంగీకరించని కీర్తి సురేష్ ఈమధ్య పూర్తిగా బాలీవుడ్‌కే పరిమితం అయింది. కెరీర్‌ ఆరంభం నుంచి స్కిన్‌ షో కు నో చెబుతూ వచ్చిన కీర్తి సురేష్ ఇటీవల హిందీ ప్రాజెక్ట్‌ కోసం కాస్త ఎక్కువగానే స్కిన్‌ షో చేసింది. ఈ మధ్య కాలంలో కీర్తి సురేష్ అందాల ఆరబోత ఫోటోలు సోషల్‌ మీడియాలో వైరల్‌ అవుతున్నాయి. ఇదే సమయంలో కీర్తిసురేష్ వచ్చే నెలలో గోవాలో పెళ్లి చేసుకోబోతున్నట్లుగా అధికారికంగా ప్రకటించడం జరిగింది. పెళ్లి తర్వాత కూడా సినిమాల్లో నటించేందుకు తాను సిద్ధంగా ఉన్నట్లుగా కీర్తి సురేష్ ఆ మధ్య ఒక ఇంటర్వ్యూలో చెప్పింది. మరి పెళ్లి తర్వాత ఈమెకు ఆఫర్లు వస్తాయా అనేది చూడాలి.
