రీల్‌ మహానటి ఖాతా లో కొత్త ఆస్తి!
రియల్‌ మహానటి సావిత్రి పాత్రలో నటించిన కీర్తి సురేష్ ను ఆమె అభిమానులు మరియు ప్రేక్షకులు రీల్‌ మహానటి అంటూ కీర్తిస్తున్నారు
By: Tupaki Desk | 12 Jun 2024 12:30 PM GMT
రియల్‌ మహానటి సావిత్రి పాత్రలో నటించిన కీర్తి సురేష్ ను ఆమె అభిమానులు మరియు ప్రేక్షకులు రీల్‌ మహానటి అంటూ కీర్తిస్తున్నారు. 'మహానటి' సినిమాలో కీర్తి సురేష్ నటనకు గాను ఎన్ని మార్కులు వేసినా తక్కువే అంటూ అప్పట్లో అభిమానులు ప్రశంసల వర్షం కురిపించిన విషయం తెల్సిందే.
హీరోయిన్ గా కీర్తి సురేష్ తమిళంలో ఫుల్‌ బిజీగా ఉంది. హిందీలో కూడా మెల్ల మెల్లగా బిజీ అయ్యేందుకు ప్రయత్నాలు చేస్తుంది. టాలీవుడ్‌ లో మాత్రం ఈ అమ్మడికి ఆశించిన స్థాయిలో పెద్ద సినిమాలు రావడం లేదు. అయినా కూడా తమిళనాట ఈ అమ్మడికి దక్కుతున్న ఆఫర్ల కారణంగా ప్రతి ఏటా ఈమె ఆదాయం మరింతగా పెరుగుతూ వస్తుంది.
తాజాగా చెన్నైలోని ఖరీదైన ఏరియాలో కీర్తి సురేష్ విలాసవంతమైన భవనం కొనుగోలు చేసినట్లు తమిళ మీడియా వర్గాల ద్వారా సమాచారం అందుతోంది. కీర్తి సురేష్ కొనుగోలు చేసిన ఆ భవనం ఖరీదు రూ.6 కోట్లు గా ప్రచారం జరుగుతుంది. అయితే అనధికారికంగా మాత్రం ఆ భవనం రేటు డబుల్‌ ఉన్నా ఆశ్చర్యం లేదు అనే టాక్ వినిపిస్తుంది.
కీర్తి సురేష్ హీరోయిన్ గానే కాకుండా ప్రతి ఏటా బ్రాండ్‌ అంబాసిడర్ గా చేయడం ద్వారా దాదాపుగా అయిదు కోట్ల రూపాయలను అర్జిస్తుందట. కనుక కీర్తి సురేష్ కు అలాంటి భవనాన్ని కొనుగోలు చేయడం పెద్ద విశేషం, కష్టం ఏమీ కాదు అనేది కొందరి అభిప్రాయం.
ఇక కీర్తి సురేష్ సినిమాల విషయానికి వస్తే హిందీలో ఈ అమ్మడు వరుణ్‌ దావన్ తో కలిసి ఒక సినిమాలో నటిస్తుంది. అది ఒక తమిళ సూపర్‌ హిట్‌ మూవీకి రీమేక్ అనే వార్తలు వస్తున్నాయి. ఇక తమిళంలో కూడా ఈ అమ్మడు పలు సినిమాలు చేస్తుంది. తెలుగు లో కూడా వచ్చే ఏడాదికి ఈమె ఒక సినిమాలో నటించే అవకాశాలు ఉన్నాయి. అందుకు సంబంధించిన చర్చలు జరుగుతున్నాయి.
