మహానటి విషయంలో ఆ డౌట్లు అక్కర్లేదు..!

తన సహజ నటనతో సౌత్ ఆడియన్స్ అలరిస్తూ వస్తున్న కీర్తి సురేష్ మహానటి సినిమాతో నేషనల్ అవార్డ్ పర్ఫార్మెన్స్ ఇచ్చింది. నాగ్ అశ్విన్ దర్శకత్వంలో తెరకెక్కిన మహానటి సినిమాలో కీర్తి సురేష్ ని సెలెక్ట్ చేశారని తెలియగానే అంత గొప్ప నటీమణి పాత్రలో కీర్తి ఎలా కనిపిస్తుందో అని అనుకున్నారు. కానీ సినిమా రిలీజ్ అయ్యాక చూసి ఆడియన్స్ సైతం షాక్ అయ్యేలా తన అభినయంతో మెప్పించింది. కొన్ని సినిమాలు కొందరి కోసమే అనేలా క్రేజ్ తెచ్చుకుంటాయి. అలానే సావిత్రి బయోపిక్ కీర్తి సురేష్ ముందు మరో హీరోయిన్ ను అనుకున్నా ఆమె కాదని చెప్పడంతో కీర్తికి ఛాన్స్ వచ్చింది.

ఇక వచ్చిన ఆ అవకాశాన్ని సద్వినియోగ పరచుకుని సత్తా చాటింది కీర్తి సురేష్. ఐతే ఈమధ్య కొంత గ్లామర్ రోల్స్ చేస్తున్న కీర్తి సురేష్ లోని ఆ సహజ నటిని మళ్లీ చూడగలమా అని కొందరు ఆడియన్స్ డౌట్ పడుతున్నారు. సౌత్ నుంచి ఈమధ్యనే బాలీవుడ్ వెళ్లిన కీర్తి సురేష్ అక్కడ గ్లామర్ డోస్ పెంచి బీ టౌన్ ఆడియన్స్ మెప్పు పొందాలని చూస్తుంది. ఐతే కీర్తి సురేష్ లోని ఈ మార్పు కొంతమంది ఫ్యాన్స్ కి నచ్చట్లేదు.

గ్లామర్ డాల్ గా మారిన కీర్తి మళ్లీ అభినయ ప్రాధాన్యత ఉన్న పాత్రలు వస్తే చేస్తుందా అన్న డౌట్ మొదలైంది. అయితే కీర్తి ప్లానింగే అది అన్నట్టుగా చెబుతున్నారు. ఓ పక్క గ్లామర్ రోల్స్ చేస్తూ సౌత్ లో వచ్చే ప్రతిభ చూపించే పాత్రలు చేస్తే మాత్రం సూపర్ అనిపించుకోవచ్చు. ఐతే ఒక్కసారి గ్లామర్ రోల్స్ చేస్తూ వచ్చాక కీర్తి మళ్లీ వీటి వైపు చూస్తుందా వీటిని ఓకే చేస్తుందా అంటే ఆమెలోని నటి తప్పకుండా ఈ రోల్స్ ని యాక్సెప్ట్ చేస్తుందని అంటున్నారు.

ఎంత బాలీవుడ్ వెళ్లినా సరే కీర్తికి మంచి పాపులారిటీ తెచ్చిన పాత్రలని మర్చిపోయే ఛాన్స్ లేదు. ఆ రిఫరెన్స్ లను లేదా ఆ సినిమాలను మళ్లీ కీర్తి సురేష్ మరోసారి చూసుకుంది అంటే చాలు. మళ్లీ అమ్మడు నటనా ప్రాధాన్యత ఉన్న పాత్రలకు ఓకే చెప్పేస్తుంది. తెలుగులో అయితే లాస్ట్ ఇయర్ దసరా చేసిన కీర్తి సురేష్ మరో సినిమా ఓకే చేయలేదు. కోలీవుడ్ లో కూడా కీర్తి సురేష్ దూకుడు తగ్గిందనే చెప్పాలి. ఐతే ఈమధ్యే బాలీవుడ్ ఎంట్రీ ఇచ్చిన అమ్మడు అక్కడ వరుస ఛాన్సులు అందుకునేలా గ్లామర్ షో చేస్తుంది.