'పుష్ప' 2.. కేశవ టెన్షన్ పోయేదెలా?
పుష్ప సిరీస్ లో జగదీష్ కేశవ పాత్ర పోషించడం, ఆ పాత్ర అల్లు అర్జున్ తో పాటు సినిమా అంతట ఉండడంతో చిత్ర నిర్మాతలు జగదీష్ ను బయటికి తీసుకొచ్చే ప్రయత్నాలు చేస్తున్నట్లు తెలుస్తోంది.
By: Tupaki Desk | 13 Dec 2023 2:45 AM GMT
'పుష్ప' సినిమాలో అల్లు అర్జున్ ఫ్రెండ్ కేశవ పాత్రలో నటించిన జగదీష్ ప్రతాప్ బండారి ఇటీవలే అరెస్ట్ అవడం సినీ ఆడియన్స్ ని షాకి కి గురి చేసింది. ఇండస్ట్రీలో జూనియర్ ఆర్టిస్ట్ గా పని చేస్తున్న ఓ మహిళ ఆత్మహత్యకు పాల్పడిన కేసులో జగదీష్ ని పోలీసులు అరెస్ట్ చేశారు. జగదీష్ ఫోన్ లో ఆ మహిళలకు సంబంధించిన ఫోటోలు లభించడంతో సెక్షన్ 306 కింద పంజాగుట్ట పోలీసులు అతనిపై కేసు నమోదు చేసి రిమాండ్ కి తరలించారు.
ఈ సంఘటన కాస్త పుష్ప మూవీ యూనిట్ కి భారీ షాక్ ఇచ్చింది. పోలీసులు జగదీష్ ని 14 రోజుల రిమాండ్ కు పంపారు. మరోవైపు పుష్ప సీక్వెల్ లో అతని పాత్రకి సంబంధించిన షూటింగ్ ఇంకా జరగాల్సి ఉంది. పుష్ప సిరీస్ లో జగదీష్ కేశవ పాత్ర పోషించడం, ఆ పాత్ర అల్లు అర్జున్ తో పాటు సినిమా అంతట ఉండడంతో చిత్ర నిర్మాతలు జగదీష్ ను బయటికి తీసుకొచ్చే ప్రయత్నాలు చేస్తున్నట్లు తెలుస్తోంది అని ఒక వార్త కూడా ప్రచారం లోకి వచ్చింది అని అంటున్నారు . ఇప్పుడు జగదీష్ 14 రోజుల రిమాండ్ లో ఉన్నాడు.
సినిమా షూటింగ్ సజావుగా సాగడానికి అతన్ని బెయిల్ పై బయటకు తీసుకురావడానికి మరో రెండు వారాలు పడుతుందని తాజా సమాచారం వినిపిస్తోంది. ఈ క్రమంలోనే అతనికి బెయిల్ ఇప్పించేందుకు చిత్ర నిర్మాణ బృందం కూడా ప్రయత్నిస్తోందని అనే వార్త కూడా ప్రచారం లో ఉంది , రిమాండ్ పూర్తయిన తర్వాత అతనికి బెయిల్ వచ్చే అవకాశం ఉందని తెలుస్తోంది అని కూడా అంటున్నారు . ఇక ప్రస్తుతానికి సుకుమార్ జగదీష్ పాత్ర అవసరం లేని సన్నివేశాలను చిత్రీకరిస్తున్నట్లు సమాచారం.
కాగా మహిళా ఆత్మహత్య కేసులో జగదీష్ పాత్ర ఎంతవరకు ఉందనేది కోర్టులో నిరూపితం కావలసి ఉంది. అయితే ప్రస్తుతం పుష్ప 2 చిత్ర బృందం షూటింగ్ను సజావుగా ముగించేలా అతన్ని బయటకు తీసుకురావడంపై దృష్టి సారించినట్లు టాలీవుడ్ సినీ వర్గాల్లో లేటెస్ట్ టాక్ వినిపిస్తోంది. కాగా పుష్ప సినిమాలో అల్లు అర్జున్ బెస్ట్ ఫ్రెండ్ గా కేశవగా నటించాడు జగదీష్.
సినిమాలో మెయిన్ హైలెట్స్ లో కేశవ పాత్ర కూడా ఒకటి. నిజానికి పుష్ప మూవీ అంతా ఫ్లాష్ బ్యాక్ మోడ్ లోనే ఉంటుంది. ఆ ఫ్లాష్ ప్యాక్ మొత్తాన్ని చెప్పేది కేశవ పాత్రే. ఇక పుష్ప 2 లో అయితే అతని పాత్ర పార్ట్ 1 కన్నా పార్ట్ 2లోనే ఎక్కువగా ఉంటుందని సమాచారం. ప్రస్తుతం శరవేగంగా షూటింగ్ జరుపుకుంటున్న పుష్ప 2 మూవీని మైత్రి మూవీ మేకర్స్ సుమారు రూ.400 కోట్ల భారీ బడ్జెట్ తో నిర్వహిస్తున్నారు. వచ్చే ఏడాది ఆగస్టు 15న ఈ చిత్రం ప్రేక్షకుల ముందుకు రానుంది.
