మహేష్ బిగ్గెస్ట్‌ డిజాస్టర్.. సితార ఫేవరేట్‌!
సూపర్ స్టార్‌ మహేష్ బాబు ఇన్నేళ్ల సినీ కెరీర్‌ లో ఎన్ని సూపర్ హిట్స్‌ ఉన్నాయో అంతకు మించి ఫ్లాప్స్ ఉన్నాయి.
By: Tupaki Desk | 28 Aug 2024 3:30 PM GMT
సూపర్ స్టార్‌ మహేష్ బాబు ఇన్నేళ్ల సినీ కెరీర్‌ లో ఎన్ని సూపర్ హిట్స్‌ ఉన్నాయో అంతకు మించి ఫ్లాప్స్ ఉన్నాయి. కొన్ని డిజాస్టర్ సినిమాలు కూడా ఉన్నాయి. మహేష్ బాబు డిజాస్టర్ సినిమా అనగానే చాలా మంది ఖలేజా, స్పైడర్‌ సినిమాల పేర్లు చెబుతారు. త్రివిక్రమ్‌ దర్శకత్వంలో రూపొంది ఎన్నో అంచనాల నడుమ విడుదల అయిన ఖలేజా సినిమా అతి పెద్ద డిజాస్టర్ గా నిలిచింది. కమర్షియల్‌ లెక్కలు పక్కన పెడితే మహేష్ బాబు ఫ్యాన్స్ కు తీరని గుండె కోత మిగిల్చిన సినిమా గా ఖలేజా అప్పట్లో నిలిచింది. థియేటర్‌ లో ఫెయిల్‌ అయిన ఖలేజా సినిమా టీవీలో మాత్రం సూపర్ హిట్‌ అయ్యింది.
గతంలో ఖలేజా సినిమాను ఇష్టపడని వారు కూడా టీవీల్లో చూసి చూసి ఫ్యాన్స్ అయ్యారు. తాజాగా మహేష్ బాబు గారాల పట్టి సితార కూడా ఖలేజా పేరు చెప్పింది. ఇటీవల ఒక ఇంటర్వ్యూలో నాన్న గారు నటించిన సినిమాల్లో నీ ఆల్ టైమ్‌ ఫేవరేట్‌ మూవీ ఏది అంటూ ప్రశ్నించిన సమయంలో క్షణం కూడా ఆలోచించకుండా ఖలేజా అంటూ చెప్పేసింది. ఖలేజా సినిమా గురించి మరిన్ని విషయాలను కూడా సితార మాట్లాడి మహేష్ బాబు ఫ్యాన్స్ ను ఆశ్చర్య పరిచింది. మహేష్ బాబును ఒక దేవుడిగా అందులో దర్శకుడు త్రివిక్రమ్‌ చూపించాడు, ఇప్పుడు అదే చాలా మందికి నచ్చుతుంది.
ప్రస్తుతం ఉన్న రీ రిలీజ్ ట్రెండ్‌ ఫాలో అయ్యి ఖలేజా సినిమా ను 4కే పిక్చర్‌ క్వాలిటీతో, హై సౌండ్‌ క్వాలిటీతో విడుదల చేస్తే కచ్చితంగా బ్లాక్ బస్టర్‌ గా నిలిచే అవకాశం ఉందని మహేష్ బాబు ఫ్యాన్స్ కొందరు కామెంట్స్ చేస్తున్నారు. ఖలేజా గురించి ఇప్పుడే కాదు గతంలో కూడా పలు సార్లు మీడియాలో వార్తలు వచ్చాయి.. వస్తూనే ఉన్నాయి. సోషల్‌ మీడియాలో ఖలేజా జోక్స్‌ ఇప్పటికి ట్రెండ్‌ అవుతూ ఉంటాయి. అనుష్క హీరోయిన్ గా నటించిన ఖలేజా లో మహేష్ బాబు లుక్ కి చాలా మంది ఫ్యాన్స్ ఉంటారు. ఆయన కామెడీ టైమింగ్‌ కి ఫిదా అయ్యే వారు చాలా మంది ఉన్నారు.
మహేష్ బాబు ఈ ఏడాది ఆరంభంలో గుంటూరు కారం సినిమాతో ప్రేక్షకుల ముందుకు వచ్చిన విషయం తెల్సిందే. త్రివిక్రమ్‌ దర్శకత్వంలో రూపొందిన ఆ సినిమా ఆశించిన స్థాయిలో హిట్‌ అవ్వలేదు. ఖలేజా తర్వాత వీరి కాంబో మూవీ కావడంతో అంచనాలు భారీగా పెరిగాయి. కానీ సినిమా ఫలితం తారుమారు అయ్యింది. ప్రస్తుతం మహేష్ బాబు తన తదుపరి సినిమాను రాజమౌళి దర్శకత్వంలో చేసేందుకు రెడీ అవుతున్నాడు. గతంలో ఎప్పుడూ లేని విధంగా రాజమౌళి సినిమా కోసం మహేష్ బాబు గడ్డం పెంచాడు. అంతే కాకుండా సరికొత్త లుక్ లో కనిపించడం కోసం ప్రీ పేర్‌ అవుతున్నాడు. ఈ ఏడాది చివర్లోనే సినిమా పట్టాలెక్కే అవకాశం ఉందని, 2026 లో సినిమా విడుదల అయ్యే విధంగా ప్లాన్‌ చేస్తున్నారట.
