ఖుషి డైరెక్టర్ నెక్స్ట్ ఎవరితో..?

టాలీవుడ్ లో ఉన్న సెన్సిబుల్ డైరెక్టర్స్ లో ఒకరిగా పేరు తెచ్చుకున్న శివ నిర్వాణ. కొత్త కథలతో ప్రేక్షకులను మెప్పిస్తూ వస్తున్నాడు. నిన్ను కోరి, మజిలీ సినిమాలతో హిట్ అందుకున్న ఈ డైరెక్టర్ టక్ జగదీష్ తో కాస్త వెనకపడినట్టు అనిపించినా మళ్లీ ఖుషితో ట్రాక్ ఎక్కేశాడు. ఈ డైరెక్టర్ సినిమాలను చూస్తే పెళ్లి తర్వాత కథలను చెబుతున్నాడు. మామూలుగా అయితే ఒక మార్క్ తెలుగు సినిమాల్లో హీరో హీరోయిన్ పెళ్లితోనే సినిమాలకు శుభం కార్డ్ పడుతుంది కానీ శివ నిర్వాణ అక్కడ నుంచే కథలను మొదలు పెడతాడు.

ఖుషి తో విజయ్ దేవరకొండ, సమంతల లవ్ ఆఫ్టర్ మ్యారేజ్ కన్ ఫ్లిక్ట్స్ ఇలా రొటీన్ కథనే తన పంథాలో తీసుకెళ్లాడు. నానితో నిన్ను కోరితో హిట్ ఇచ్చిన శివ నిర్వాణ టక్ జగదీష్ తో జస్ట్ ఓకే అనిపించాడు. ఇక నాగ చైతన్యకు మజిలీ హిట్ సూపర్ బూస్ట్ ఇచ్చింది. చైతు కెరీర్ లో మజిలీ హిట్ చాలా కీలకమని తెలిసిందే. ఖుషి తర్వాత శివ నిర్వాణ ఎవరితో సినిమా చేస్తున్నాడన్న విషయం క్లారిటీ రాలేదు. అసలైతే నాగ చైతన్యతోనే శివ సినిమా ఉంటుందని వార్తలు వచ్చినా వాటిపై క్లారిటీ రాలేదు.

నాగ చైతన్య ప్రస్తుతం చందు మొండేటితో తండేల్ సినిమా చేస్తున్నాడు. ఈ సినిమా విషయంలో మేకర్స్ ఏమాత్రం కాంప్రమైజ్ అవ్వకుండా తెరకెక్కిస్తున్నారు. ఆ సినిమా తర్వాత శివ నిర్వాణతో నాగ చైతన్య సినిమా ఉంటుందేమో చూడాలి. యువ హీరోలతో సెన్సిబుల్ సినిమాలతో ప్రేక్షకులను ఆకట్టుకుంటున్న శివ నిర్వాణ తన టార్గెట్ అయిన ఫ్యామిలీ, యూత్ ఆడియన్స్ ని మాత్రం సాటిస్ఫై చేస్తున్నాడు.

ఖుషి తర్వాత వెంటనే మరో సినిమా చేయకుండా మరో అందమైన కథను సిద్ధం చేసేందుకు టైం తీసుకుంటున్నాడు శివ నిర్వాణ. మరి తన నెక్స్ట్ సినిమా చైతన్యతో చేస్తాడా లేదా మరొకరితో చేస్తాడా అన్నది తెలియదు కానీ ఏం చేసినా సరే శివ నిర్వాణ తన మార్క్ చూపిస్తాడని చెప్పడంలో మాత్రం సందేహం లేదు. శివ నిర్వాణ నెక్స్ట్ సినిమా అప్డేట్ కోసం ఆయన సినిమాలను ఫాలో అవుతూ ప్రేమలో పడిన ఆడియన్స్ కూడా ఎదురుచూస్తున్నారు. ఈసారి శివ తన రెగ్యులర్ కథలను దాటి కొత్త కథతో వస్తున్నాడని ఫిల్మ్ నగర్ టాక్. టైర్ 2 హీరోతో కాంబో సెట్ అయ్యిందని చెబుతున్నారు. త్వరలోనే ఆ సినిమాకు సంబంధించిన డీటెయిల్స్ బయటకు రానున్నాయని తెలుస్తుంది.