కియ‌రా అహంకారం ప్ర‌దర్శించిందా?

ఏదో స‌ర‌దాకి లేదా ఊసు పోక ఏదో ఒక ప‌ని చేసేస్తామంటే కుద‌ర‌దు. అలా చేసేవి క‌చ్ఛితంగా వివాదాన్ని మోసుకురావొచ్చు. అలాంటివి ఈ సోష‌ల్ మీడియా యుగంలో చినికి చినికి గాలివాన‌గా మారతాయి. నెటిజ‌నులు ఏదీ తేలిగ్గా తీసుకోవ‌డం లేదు.. ప్ర‌తిదీ త‌ర‌చి త‌ర‌చి చూస్తున్నారు.. సూటిగా విమ‌ర్శిస్తున్నారు. ఇప్పుడు స్టార్ హీరోయిన్ కియ‌రా అద్వాణీ కూడా అలానే బుక్క‌యింది.

కియారా అద్వానీ తాజా ఇన్‌స్టా పోస్ట్ సోష‌ల్ మీడియాలో పెద్ద డిబేట్ కి తెర‌లేపింది. ఇంత‌కీ కియ‌రా ఏం చేసింది? అంటే... సింధీ లైఫ్‌స్టైల్ కు సంబంధించిన‌ స్నీక్ పీక్ లో చూపిస్తూ `గోల్డెన్ టూత్ బ్రష్` ఫోటోని షేర్ చేసిన కియ‌రా..``నువ్వే చెప్పు... మీరు సింధీ అని చెప్పకుండానే సింధీగా మారాను`` అని క్యాప్షన్ ఇచ్చింది.

గేమ్ ఛేంజ‌ర్ బ్యూటీ షేర్ చేసిన‌ మెరిసే బంగారు టూత్ బ్రష్ పెద్ద చ‌ర్చ‌కు కార‌ణమైంది. ఇది కియ‌రాలోని అప‌రిప‌క్వ‌త‌ను, సాంస్కృతిక అహంకారం రెండింటినీ సూచించింద‌నేది నెలిజనుల విమ‌ర్శ‌. కియ‌రా తెలివైన ప‌బ్లిసిటీ బాగానే ఉంది కానీ, ఒక్కోసారి ఎవ‌రికీ హాని క‌లిగించ‌క‌పోయినా ఆ ప‌ని వ‌ల్ల తాను తిరిగి హ‌ర్ట‌య్యే ప‌రిస్థితి వ‌స్తుంద‌ని ప్రూవ్ అయింది. అయితే కియ‌రా ఏ ఉద్ధేశంతో ఆ వ్యాఖ్య‌ను షేర్ చేసినా కానీ, ఇత‌రులు త‌మ చిత్త‌శుద్ధి, ప‌రిశీల‌నా ధృక్ప‌థంతో ఏ స‌మ‌స్యా లేకుండా చేయ‌గ‌ల‌రు. వృత్తి ప‌రంగా కియ‌రా న‌టించిన గేమ్ ఛేంజ‌ర్ విడుద‌ల‌కు రావాల్సి ఉంది. శంక‌ర్ తెర‌కెక్కించిన ఈ చిత్రంలో రామ్ చ‌ర‌ణ్ క‌థానాయ‌కుడు. ఒక యువ ఐఏఎస్ రాజ‌కీయ నాయ‌కుడిగా మారాక ఏం జ‌రిగింద‌నేది తెర‌పై వీక్షించ‌వ‌చ్చు. ఇందులో కియ‌రా అద్వాణీ చ‌ర‌ణ్ కి కుడి భుజంలా బాధ్య‌తాయుతంగా ఉండే అమ్మాయిగా క‌నిపించ‌నుంది.