కియరా గ్లామర్ ఫైర్..!

అందాల భామ కియరా అద్వాని ఆఫ్టర్ మ్యారేజ్ సినిమాలైతే చేస్తుంది కానీ అందుకు తగినట్టుగా సక్సెస్ లు మాత్రం అందుకోవట్లేదు. ముఖ్యంగా సౌత్ పై ప్రేమ కొద్దీ అమ్మడు చేస్తున్న ప్రయత్నాలన్నీ రివర్స్ అవుతున్నాయి. అటు బాలీవుడ్ లో బిజీగా ఉన్నప్పుడే మహేష్ బాబు కోసం భరత్ అనే నేను సినిమా చేసిన కియరా ఆ సినిమాతో హిట్ అందుకుంది. ఐతే ఆ నెక్స్ట్ సినిమా రామ్ చరణ్ తో వినయ విధేయ రామ చేసింది. ఆ సినిమా రిజల్ట్ అందరికీ తెలిసిందే.

ఐతే మళ్లీ కొద్దిపాటి గ్యాప్ తో మరోసారి రామ్ చరణ్ తోనే సినిమా చేసింది కియరా అద్వాని. గేమ్ ఛేంజర్ లో రామ్ చరణ్ తో అమ్మడు కలిసి నటించింది. ఆ సినిమా ఫలితం కూడా అమ్మడిని నిరాశ పరచింది. మరోపక్క బాలీవుడ్ లో లాస్ట్ ఇయర్ ఏ సినిమా పడలేదు. ఈ ఇయర్ వార్ 2 ఉంది. యష్ టాక్సిక్ లో కూడా కియరా హీరోయిన్ గా చేస్తుంది. ఈ రెండు సినిమాల మీదే కియరా తన హోప్స్ పెట్టుకుందని చెప్పొచ్చు.

ఇక సినిమాలతో సంబంధం లేకుండా అమ్మడు ఫోటో షూట్స్ తో గ్లామర్ అప్పీల్ చేస్తుంది. కియరా సోషల్ మీడియా ఫోటోస్ కి సూపర్ డిమాండ్ ఉంటుంది. లేటెస్ట్ గా అమ్మడు వైట్ కలర్ డ్రెస్ అది కూడా అక్కడక్కడ స్పెషల్ డిజైన్ తో ఉంది. ఈ ఫోటోస్ చూసిన ఎవరైనా సరే కియరా మాయలో పడిపోక తప్పదు. మామూలుగా అయితే పెళ్లయ్యాక ఎవరికైనా అందం తగ్గుతుందని అంటారు కానీ కియరా విషయంలో అది రివర్స్ అవుతుంది.

రోజు రోజుకి అమ్మడి అందం రెట్టింపు అవుతున్నట్టు ఉంది. సినిమాలు సరిగా ఆడకపోయినా తన ఫోటో షూట్స్ తో ఆడియన్స్ హృదయాల్లో సూపర్ హిట్ అనిపించుకుంటుంది అమ్మడు. వార్ 2, టాక్సిక్ ఈ రెండు సినిమాలతో కియరా మళ్లీ తిరిగి సక్సెస్ ట్రాక్ లోకి రావాలని చూస్తుంది. మరి ఈ సినిమాలైనా కియరాని కాపాడుతాయేమో చూడాలి. ఐతే వరుస సినిమాలు నిరాశపరుస్తున్నా తన ఫోకస్ ఏమాత్రం తగ్గించట్లేదు కియరా. అటు సినిమాలు ఇటు ఫోటో షూట్స్ అంటూ రెగ్యులర్ గా ఆడియన్స్ తో టచ్ లో ఉంటుంది. కియరా కష్టాన్ని చూసిన ఎవరైనా సరే హిట్టు పడాలని కోరతారు. తప్పనిసరిగా అమ్మడికి రాబోయే రోజులు కలిసి వచ్చేలా ఉన్నాయని చెప్పొచ్చు.