కియరాకి.. దెబ్బ మీద దెబ్బ

బాలీవుడ్ లో స్టార్ హీరోయిన్ గా దూసుకుపోతోన్న అందాల భామ కియరా అద్వాని. ఈ బ్యూటీ హిందీలో వరుస సినిమాలు చేస్తూ బిజీగా ఉంది. ఇటు తెలుగులో కూడా స్టార్ హీరోలతో జత కడుతోంది. ప్రస్తుతం గేమ్ చేంజర్ మూవీలో రామ్ చరణ్ కి జోడీగా ఈ అమ్మడు నటిస్తోంది. పాన్ ఇండియా రేంజ్ లో ఈ మూవీ తెరకెక్కుతోంది.

ఇదిలా ఉంటే ఈ బ్యూటీ గత ఏడాది తన బాయ్ ఫ్రెండ్ సిద్దార్ద్ మల్హోత్రాని పెళ్లి చేసుకొని కొత్త జీవితం స్టార్ట్ చేసింది. పెళ్లి తర్వాత కూడా హీరోయిన్ గా వరుస ప్రాజెక్ట్స్ కమిట్ అవుతూనే ఉంది.

రీసెంట్ గా కార్తిక్ ఆర్యన్ తో కలిసి నటించిన సత్య ప్రేమ్ కి కథ మూవీ ప్రేక్షకుల ముందుకి వచ్చింది. లవ్ స్టొరీతో తెరకెక్కిన ఈ మూవీకి పాజిటివ్ టాక్ వచ్చిన కూడా ఇంకా బ్రేక్ ఎవెన్ అందుకోలేదు.

దీంతో డిజాస్టర్ కేటగిరీలోకి ఈ మూవీ చేరినట్లే కనిపిస్తోంది. దీనికంటే ముందుగా కియరా అద్వాని చేసిన భూల్ బులయ్యా 2 జగ్గింగ్ జియో గోవింద్ నామ్ మేరా సినిమాలు కూడా డిజాస్టర్ అయ్యాయి. తాజాగా సత్య ప్రేమ్ కి కథతో వరుసగా నాలుగు ఫ్లాప్ లని ఖాతాలో వేసుకుంది. ప్రస్తుతం ఆమె ఆశలన్నీ గేమ్ చేంజర్ మీదనే పెట్టుకుంది.

పాన్ ఇండియా లెవల్ లో ఈ మూవీ రిలీజ్ అవుతోన్న నేపథ్యంలో మళ్ళీ దీంతో బ్లాక్ బస్టర్ కొడతానని భావిస్తోంది. హిందీలో కేవలం కియరా అద్వాని మాత్రమే కాకుండా చాలా మంది స్టార్స్ గత కొన్నేళ్ళుగా సరైన సక్సెస్ ని అందుకోలేకపోతున్నారు. దీనికి కారణం పరిమితికి మించిన బడ్జెట్ లతో పాటు ప్రేక్షకులని ఎంగేజ్ చేసే కంటెంట్ లు రాకపోవడం అనే మాట వినిపిస్తోంది.

సుశాంత్ సింగ్ రాజ్ పుత్ మరణం తర్వాత బాలీవుడ్ ఇండస్ట్రీకి ఏమైందో తెలియదు కాని సక్సెస్ రేట్ దారుణంగా పడిపోయింది. వందల సంఖ్యలో సినిమాలు వస్తున్న సూపర్ హిట్ అవుతున్నవి మాత్రం సింగిల్ డిజిట్ దాటడం లేదు. ఈ ఏడాది బాలీవుడ్ లో కాస్తా ఎక్కువ సౌండ్ చేసిన సినిమా అంటే పఠాన్ మాత్రమే అని చెప్పాలి.