సముద్ర దెయ్యాల‌తో జీవీ ఒంట‌రి పోరాటం?
తాజాగా రిలీజైన పోస్ట‌ర్ తోనే ఆస‌క్తిని పెంచాడు. ఇది హారర్ థ్రిల్ల‌ర్ అడ్వెంచర్ మూవీ అని అర్థ‌మ‌వుతోంది మ‌రిన్ని వివ‌రాల్లోకి వెళితే..
By: Tupaki Desk | 10 Oct 2023 3:32 PM GMT
వ‌రుస‌గా అగ్ర హీరోలు పాన్ ఇండియా మార్కెట్ల‌పై క‌న్నేసారు. చూస్తుంటే త‌మిళ యంగ్ హీరో జీవీ ప్రకాష్ కూడా పాన్ ఇండియా మార్కెట్ ని కొట్టాల‌నుకుంటున్న‌ట్టే క‌నిపిస్తోంది. తాజాగా అత‌డు తన గేమ్ ప్లాన్ ని పూర్తిగా మార్చాడు. మారిన ట్రెండ్ కి త‌గ్గ‌ట్టే అత‌డు యూనివ‌ర్శ‌ల్ కాన్సెప్టును ఎంచుకుని తన వంతు ప్ర‌య‌త్నం చేస్తున్నాడు. తాజాగా రిలీజైన పోస్ట‌ర్ తోనే ఆస‌క్తిని పెంచాడు. ఇది హారర్ థ్రిల్ల‌ర్ అడ్వెంచర్ మూవీ అని అర్థ‌మ‌వుతోంది మ‌రిన్ని వివ‌రాల్లోకి వెళితే..
సంగీత దర్శకుడు జివి ప్రకాష్ హీరోగా మారి తన స్థాయికి త‌గ్గ సినిమాలు చేస్తున్నాడు. ఇప్పటికే అత‌డు కెరీర్ లో కొన్ని విజ‌యాలు సాధించాడు. స‌ర్వ‌త్రా సహజ నటుడిగా ప్రశంసలు అందుకున్నాడు. అతను ఇప్పుడు విభిన్నమైన యూనిక్ నెస్ ఉన్న కథతో కొత్త ప్ర‌య‌త్నం ప్రారంభించాడు. 'కింగ్ స్ట‌న్' ఈ కేట‌గిరీకే చెందుతుంది. కమల్ ప్రకాష్ ఈ చిత్రాన్ని తెర‌కెక్కిస్తున్నారు. ఇందులో జీవీ ప్రకాష్ కంటెంట్-ఆధారిత కథానాయకుడిగా నటించాడు. ఉలగ నాయగన్ కమల్ హాసన్ నేడు ఈ సినిమా టైటిల్ లుక్‌ను విడుదల చేశారు. ఈ చిత్ర ప్రారంభోత్సవంలో పాల్గొని తొలి షాట్‌కు క్లాప్ కొట్టి షూటింగ్‌ను ప్రారంభించారు.
ఇందులో జి.వి.ప్రకాష్ కుమార్ ప్రధాన పాత్రలో నటిస్తుండగా, దివ్య భారతి అతని సరసన కథానాయికగా నటిస్తోంది. ఇతర స్టార్ కాస్ట్‌లో ‘మెర్కు తొడార్చి మలై’ ఫేమ్ ఆంటోనీ, చేతన్, కుమారవేల్, మలయాళ నటుడు సాబుమోన్ త‌దిత‌రులు ఉన్నారు. గోకుల్ బెనోయ్ సినిమాటోగ్రఫీని అందిస్తుండగా, జి.వి. ప్రకాష్ కుమార్ సంగీతం సమకూరుస్తున్నారు. ఈ చిత్రానికి ధివేక్ డైలాగ్స్ రాస్తుండగా, శాన్ లోకేష్ ఎడిటింగ్ చేస్తున్నారు. ఎస్.ఎస్.మూర్తి ఆర్ట్ డైరెక్టర్, దిలీప్ సుబ్బరాయన్ యాక్షన్ కొరియోగ్రాఫర్.
కింగ్స్టన్ క‌థాంశం ఆస‌క్తిక‌రం. ఇది సముద్ర-సాహసాల‌తో కూడుకున్న హారర్ స్టోరి అని తెలుస్తోంది. దీనిని జీ స్టూడియోస్‌తో కలిసి జి.వి. ప్రకాష్ కుమార్ ప్యారలల్ యూనివర్స్ పిక్చర్స్ నిర్మిస్తోంది. ఈ చిత్రానికి వెంకట్ ఆరుముగం ఎగ్జిక్యూటివ్ ప్రొడ్యూసర్ కాగా, దినేష్ గుణ క్రియేటివ్ ప్రొడ్యూసర్. దర్శకుడు కమల్ ప్రకాష్ మాట్లాడుతూ.. నాలాంటి కొత్త దర్శకుడికి కింగ్స్టన్ లాంటి డ్రీమ్‌ స్క్రిప్ట్ రాసి దర్శకత్వం వహించే అవకాశం క‌ల్పించ‌డం మాములు విషయం కాదు. విజన్‌ని పూర్తిగా విశ్వసించినందుకు జి వి ప్రకాష్ - జీ స్టూడియోస్‌కు చాలా కృతజ్ఞతలు తెలియజేస్తున్నాము. మా అత్యంత ప్రతిభావంతులైన తారాగణం - సిబ్బంది మద్దతుతో స‌క్సెస్ చేయడానికి ఎదురుచూస్తున్నాము అని అన్నారు. జీ స్టూడియోస్ సౌత్ మూవీస్ హెడ్ అక్షయ్ కేజ్రీవాల్ మాట్లాడుతూ, ''జివి ప్రకాష్ అలాగే ప్యారలల్ యూనివర్స్ పిక్చర్స్‌తో కలిసి ఈ ప్రతిష్టాత్మక మైలురాయి ప్రాజెక్ట్ ను ప్రకటించడం మాకు చాలా ఆనందంగా గర్వంగా ఉంది. కింగ్స్టన్ అద్భుతమైన కథనం .. భారీ నిర్మాణ విలువ‌ల‌తో పాటు ఒక ప్రత్యేకమైన ప్రపంచంలోకి తీసుకెళ్లే సినిమా ఇది. ఇది సినిమాటిక్ అనుభూతిని అందిస్తుంది. జీ స్టూడియోస్‌తో కలిసి ప్రజలను అలరించే ప్రేరేపించే కంటెంట్‌ని రూపొందించడం మా లక్ష్యం. ఈ చిత్రం ఆ దిశలో సానుకూల అడుగు'' అని అన్నారు.
నిర్మాత-నటుడు-సంగీత దర్శకుడు జి.వి. ప్రకాష్ కుమార్ మాట్లాడుతూ ''నిర్మాత కావాలనేది నా చిరకాల కోరిక. సరైన కథ కోసం ఎదురుచూశాను. కింగ్స్టన్ స్క్రిప్ట్ విన్న తర్వాత, ఇది పిల్లల నుండి పెద్దల వరకు ప్రేక్షకులంద‌రినీ మెప్పిస్తుందని నాకు నమ్మకం కలిగింది. నేను వెంటనే దానిని నిర్మించాలని నిర్ణయించుకున్నాను. వెంటనే ప్రక్రియను ప్రారంభించాను. ఏదైనా సినిమా ప్రాజెక్ట్ ప్రారంభ క్షణం ప్రత్యేకంగా ఉండాలి. నా ప్రొడక్షన్ హౌస్‌ని ప్రారంభించి, ఘనవిజయం సాధించినందుకు నన్ను అభినందించిన మా ఉలగ నాయకన్ కమల్‌హాసన్ మాతో ఉండటం చాలా అదృష్టం.. ఆశీర్వాదం. నా ప్రొడక్షన్ హౌస్‌తో పాటు ఈ చిత్రాన్ని నిర్మించనున్న జీ స్టూడియోస్‌కి కూడా కృతజ్ఞతలు. సంగీత దర్శకుడిగా, నటుడిగా నా ప్రయాణానికి అందరూ తమ ప్రేమను, మద్దతును అందించారు. ఇప్పుడు నిర్మాతగా నా కొత్త వెంచర్‌కి అదే కావాలి. అందరికి ధన్యవాదాలు'' అని అన్నారు. సీ-అడ్వెంచర్ హారర్ థ్రిల్లర్‌లో తమ స‌త్తా చాటుకునేందుకు టీమ్ ఉత్సాహంగా ఉంది. జి.వి. ప్రకాష్ కుమార్ తన 25వ చిత్రం ‘కింగ్స్టన్’ని నిర్మించే తన కొత్త ప్రొడక్షన్ హౌస్ - ప్యారలల్ యూనివర్స్ పిక్చర్స్‌ని ప్రారంభించడం ద్వారా ఇప్పటికే అందరి దృష్టిని ఆకర్షించాడు.
