"క" బీభత్సం.. జెట్ స్పీడ్ లో బ్రేక్ ఈవెన్

టాలీవుడ్ యంగ్ హీరో కిరణ్ అబ్బవరం లేటెస్ట్ మూవీ "క" (KA) ద్వారా మరోసారి తనకంటూ ప్రత్యేకమైన గుర్తింపు పొందాడు. దీపావళి కానుకగా ప్రేక్షకుల ముందుకు వచ్చిన ఈ సినిమా, విడుదలైన నాలుగు రోజుల్లోనే ప్రపంచవ్యాప్తంగా బ్రేక్ ఈవెన్ సాధించి డిస్ట్రిబ్యూటర్లకు లాభాలను అందించింది. ఈ సక్సెస్‌ను తెలియజేస్తూ, తాజా పోస్టర్‌లో "దివాలి విన్నర్" అని, "అన్ని ఏరియాల్లో బ్రేక్ ఈవెన్" అని ఒక క్లారిటీ ఇచ్చారు. వ

"క" చిత్రం తొలిరోజు నుంచి ప్రేక్షకుల మన్ననలు పొందుతూ, మంచి వసూళ్లను రాబడుతోంది. దీపావళి సమయానికి విడుదల కావడంతో సినిమా పై భారీ అంచనాలు ఏర్పడ్డాయి. కిరణ్ అబ్బవరం నటనతో పాటు, సుజిత్, సందీప్ దర్శకత్వంలో రూపొందించిన మిస్టరీ థ్రిల్లర్ కథ ప్రేక్షకులను ఆకట్టుకుంది. చిత్రంలోని సస్పెన్స్, థ్రిల్లింగ్ మూమెంట్స్ ప్రేక్షకుల్ని సినిమా చివరి వరకు కట్టిపడేసాయి.

ఈ సినిమా నాలుగు రోజుల గడువులోనే ప్రపంచవ్యాప్తంగా అన్ని ఏరియాల్లో బ్రేక్ ఈవెన్ సాధించడం విశేషం. మొదటి రోజు రూ. 6 కోట్లకు పైగా గ్రాస్ వసూళ్లు రాబట్టి, తదుపరి రోజుల్లో వసూళ్ల జోరు కొనసాగించింది. ఏ రోజు లెక్క తగ్గలేదు. పైగా రోజురోజుకు లెక్క పెరుగుతూ వెళ్ళింది. దీపావళి సందర్భంగా విడుదలైన ఇతర సినిమాల మధ్య కూడా "క" సినిమా తన ప్రత్యేకతను నిలబెట్టుకుంది.

కిరణ్ అబ్బవరం మొదటిసారి ఈ రేంజ్‌లో వసూళ్లను అందుకున్నందుకు అభిమానులు ఆనందం వ్యక్తం చేస్తున్నారు. అంతేకాకుండా, ఈ చిత్రం విడుదలైన మొదటి రోజే 82 ప్రీమియర్ షోలలో హౌస్ ఫుల్ సాధించడం విశేషం. పబ్లిక్ డిమాండ్ మేరకు థియేటర్ల సంఖ్యను కూడా పెంచారు, దీని వల్ల ఈ చిత్రం మరింత ప్రజాదరణ పొందింది. ఇక 4 రోజుల్లో బాక్సాఫీస్ లెక్క 26.52కోట్లకు చేరడం విశేషం.

కిరణ్ అబ్బవరం తన అభిమానులకు కృతజ్ఞతలు తెలుపుతూ, "క" సినిమాకు సీక్వెల్ కూడా ఉంటుందని, అర్థాంతరంగా కథ ముగిసినందున సీక్వెల్ పై ఆసక్తి పెంచాడు. ప్రేక్షకుల మద్దతుతో ఈ చిత్రాన్ని మరింతగా ప్రేక్షకుల ముందుకు తీసుకెళ్లేందుకు చిత్రబృందం ప్రణాళికలు సిద్ధం చేస్తోంది. ఇతర ఇండస్ట్రీ ప్రేక్షకుల నుండి కూడా సినిమా విడుదలపై ఆసక్తి రావడంతో, నవంబర్ 8న మలయాళంలో ఈ చిత్రాన్ని విడుదల చేయనున్నట్లు చిత్ర బృందం ప్రకటించింది. సస్పెన్స్ థ్రిల్లర్‌గా రూపొందిన ఈ చిత్రం అందరి దృష్టిని ఆకర్షిస్తోంది. సామ్ సీఎస్ అందించిన సంగీతం, చిత్రంలోని సాంకేతిక విలువలు, విజువల్ ట్రీట్ సినిమాకు ప్రత్యేక ఆకర్షణగా నిలిచాయి. మొత్తం మీద కిరణ్ అబ్బవరం కెరీర్‌లో ఈ సినిమా మరో బిగ్గెస్ట్ హిట్ గా నిలిచింది.