'పుష్ప 2' శ్రీలీల కిస్సిక్ పూర్తి..!
గత మూడు నాలుగు రోజులుగా షూట్‌ చేస్తున్న పుష్ప 2 ఐటెం సాంగ్ పూర్తి అయింది.
By: Tupaki Desk | 13 Nov 2024 7:13 AM GMT
ప్రస్తుతం ఇండియన్‌ సినీ ప్రేక్షకులు ఎంతో ఆసక్తిగా ఎదురు చూస్తున్న సినిమాల జాబితాలో అల్లు అర్జున్‌ హీరోగా నటిస్తున్న పుష్ప 2 సినిమా ముందు వరుసలో ఉంటుంది అనడంలో సందేహం లేదు. పుష్ప పార్ట్‌ 1 బాక్సాఫీస్ వద్ద భారీ వసూళ్లు నమోదు చేసింది. ముఖ్యంగా బాలీవుడ్‌ ప్రేక్షకులు పుష్ప సినిమాకు వంద కోట్ల వసూళ్లు కట్టబెట్టారు. జీరో ప్రమోషన్స్‌ తో ఉత్తర భారతంలో వంద కోట్ల వసూళ్లు సాధించిన పుష్ప కి సీక్వెల్‌గా రాబోతున్న పుష్ప 2 సినిమా అక్కడ ఏ స్థాయిలో వసూళ్లు సాధిస్తాయో అంటూ అంతా ఆసక్తిగా ఎదురు చూస్తున్నారు. ఈ సినిమా ట్రైలర్‌ను నవంబర్‌ 17న విడుదల చేయడానికి ఏర్పాట్లు జరుగుతున్నాయి.
ట్రైలర్‌ విడుదలకు ముందే షూటింగ్‌ కి గుమ్మడి కాయ కొట్టేశారు. గత మూడు నాలుగు రోజులుగా షూట్‌ చేస్తున్న పుష్ప 2 ఐటెం సాంగ్ పూర్తి అయింది. అల్లు అర్జున్‌, శ్రీలీల నువ్వా నేనా అన్నట్లుగా డాన్స్ చేశారని యూనిట్‌ సభ్యులు చెబుతున్నారు. కిస్సిక్ అంటూ సాగే ఈ పాటతో పుష్ప 2 పై అంచనాలు మరింతగా పెరగడం ఖాయం. ట్రైలర్‌ విడుదల తర్వాత ప్రత్యేక రోజు ఏదైనా చూసి కిస్సిక్ ఐటెం సాంగ్‌ను ప్రేక్షకుల ముందుకు తీసుకు వచ్చే అవకాశాలు ఉన్నాయి. ఇప్పటికే ఉన్న అంచనాల కారణంగా రూ.1400 కోట్ల ప్రీ రిలీజ్ బిజినెస్ చేసిన పుష్ప 2 ట్రైలర్‌, ఐటెం సాంగ్ తర్వాత మరింతగా బజ్‌ పెరిగే అవకాశాలు ఉన్నాయి.
ఓపెనింగ్‌ వసూళ్లు రూ.500 కోట్లు ఉండాలనే పట్టుదలతో మేకర్స్ ప్లాన్‌ చేస్తున్నారు. అందుకు తగ్గట్లుగానే దాదాపు అయిదు ఆరు కోట్ల రూపాయలు ఖర్చు చేసి ఐటెం సాంగ్‌ను తెరకెక్కించారని తెలుస్తోంది. ఐటెం సాంగ్‌లో నటించినందుకు గాను శ్రీలీలకు ఏకంగా రూ.2 కోట్ల పారితోషికంను మైత్రి మూవీ మేకర్స్ వారు ఇచ్చారని తెలుస్తోంది. దాదాపు రూ.100 కోట్లను ప్రమోషన్‌ కోసం ఖర్చు చేస్తున్న మైత్రి వారు పుష్ప 2 కి ఓవరాల్‌గా రూ.500 కోట్ల బడ్జెట్‌ ను కేటాయించారని తెలుస్తోంది. అల్లు అర్జున్‌ కెరీర్‌లోనే కాకుండా టాలీవుడ్‌లోనూ ఇది చాలా పెద్ద సినిమా అంటూ ప్రత్యేకతను చాటుకుంది. ముందు ముందు పుష్ప రికార్డులకు బాక్సాఫీస్ బద్దలు కావడం ఖాయం.
రికార్డ్‌ బ్రేకింగ్‌ వసూళ్లు పుష్ప 2 సాధించబోతుందనే నమ్మకం వ్యక్తం అవుతోంది. శ్రీలీల ఐటం సాంగ్ తో వసూళ్లు మరింతగా పెరిగే అవకాశాలు ఉన్నాయని కొందరు కామెంట్స్ చేస్తున్నారు. మొత్తానికి పుష్ప 2 సినిమా స్థాయి రోజు రోజుకు పెరుగుతూనే ఉంది. ఐటెం సాంగ్ షూటింగ్‌ పూర్తి చేసుకోవడంతో ఏ క్షణంలో అయినా పాట విడుదలకు సంబంధించిన ప్రకటన వచ్చే అవకాశాలు ఉన్నాయని తెలుస్తోంది. సుకుమార్‌ దర్శకత్వంలో రూపొందుతున్న ఈ సినిమాకు ఎప్పటిలాగే దేవి శ్రీ ప్రసాద్‌ సంగీతాన్ని అందించాడు. అయితే రీ రికార్డింగ్‌ కోసం తమన్‌ ను వాడుతున్నారని తెలుస్తోంది. ప్రస్తుతం చెన్నైలో తన స్టూడియోలో పుష్ప 2 కోసం తమన్‌ వర్క్ చేస్తున్నాడట.
