జైలర్ తర్వాత నెల్సన్ ఆప్షన్స్..!

కోలీవుడ్ లో యంగ్ డైరెక్టర్స్ హవా కొనసాగిస్తున్నారు. కొన్నాళ్లుగా సీనియర్ హీరోలైన కమల్, రజినిలు తిరిగి ఫాం లోకి రావాలని ప్రయత్నిస్తుంటే వారి స్టార్ డం కి సరిపోయే కథతో సినిమాలు చేస్తూ వారిని ఫ్యాన్స్ కి దగ్గర చేస్తున్నారు. ఆల్రెడీ లోకేష్ కనగరాజ్ లాస్ట్ ఇయర్ కమల్ కి విక్రం తో సూపర్ కమ్ బ్యాక్ ఇచ్చేలా చేయగా లేటెస్ట్ గా జైలర్ తో సూపర్ స్టార్ రజిని బాక్సాఫీస్ స్టామినా ఏంటో తెలిసేలా చేశాడు నెల్సన్ దిలీప్ కుమార్. రెండు సినిమాలు ఇద్దరు సూపర్ స్టార్స్ ని తిరిగి సక్సెస్ ట్రాక్ లోకి వచ్చేలా చేశాయి.

ఈ సినిమాలతో డైరెక్టర్స్ కూడా స్టార్ క్రేజ్ తెచ్చుకుంటున్నారు. ఆల్రెడీ విక్రం తర్వాత లోకేష్ బిజీ బిజీ అయ్యాడు. ఇప్పుడు నెల్సన్ దిలీప్ కుమార్ కూడా జైలర్ తర్వాత వరుస సినిమాలతో బిజీ అవుతున్నాడు. జైలర్ తర్వాత నెల్సన్ నెక్స్ట్ సినిమా ఎవరితో చేస్తాడన్నది ఆసక్తికరంగా మారింది. జైలర్ సూపర్ హిట్ టాక్ రాగానే కమల్ హాసన్ ఇంటికి పిలిపించుకునిమరి నెల్సన్ ని ప్రత్యేకంగా అభినందించారట. నెల్సన్ నెక్స్ట్ సినిమా కమల్ హాసన్ తోనే ఉంటుందని ఓ టాక్ మొదలైంది.

నెల్సన్ కూడా కమల్ కి సరిపోయే కథ ఆల్రెడీ సిద్ధంగా ఉందని కూడా అంతకుముందు చెప్పాడు. సో నెల్సన్ కమల్ హాసన్ కాంబో మొదలు పెట్టడం పక్కా అని తెలుస్తుంది. అయితే కమల్ సినిమా కన్నా ముందు నెల్సన్ ధనుష్ తో ఒక సినిమా చేసే అవకాశాలు ఉన్నాయని తెలుస్తుంది. కోలీవుడ్ లో వెరైటీ సినిమాలతో ఆడియన్స్ ని అలరిస్తున్న ధనుష్ తన నెక్స్ట్ సినిమా నెల్సన్ డైరెక్షన్ లో చేస్తారని తెలుస్తుంది. ఆల్రెడీ రీసెంట్ గా శేఖర్ కమ్ముల డైరెక్షన్ లో సినిమా ఓకే చేసిన ధనుష్ ఆ సినిమాతో పాటుగా నెల్సన్ డైరెక్షన్ లో కూడా సినిమా చేస్తారని తెలుస్తుంది.

నెల్సన్ ధనుష్ సినిమా కూడా కమల్ విక్రం, రజిని జైలర్ సినిమాల తరహాలో ఫ్యాన్స్ కి ఫుల్ ఫీస్ట్ అందించేలా ప్లాన్ చేస్తున్నాడట నెల్సన్ దిలీప్ కుమార్. కమల్ తో సినిమా కూడా అంచనాలకు తగినట్టుగానే ఉంటుందని చెప్పుకుంటున్నారు. ముందు టీవీ ఛానల్ లో పనిచేసిన నెల్సన్ తన ప్రతిభతో దర్శకుడిగా సూపర్ సక్సెస్ అయ్యాడు. తప్పకుండా నెల్సన్ దిలీప్ కుమార్ కోలీవుడ్ స్టార్ డైరెక్టర్స్ లో ఒకడిగా పాన్ ఇండియా రేంజ్ లో సత్తా చాటుతాడని చెప్పొచ్చు.