ఎన్టీఆర్ ఒప్పుకునే దాకా నిరాహార దీక్ష చేస్తా..!

తనతో ఆ సినిమా చేసేదాకా ఎన్టీఆర్ ఇంటి ముందు అవసరమైతే నిరాహార దీక్ష చేస్తా అంటున్నారు రైటర్ కమ్ ప్రొడ్యూసర్ కోనా వెంకట్. ఇంతకీ అసలు విషయం ఏంటి అంటే రైటర్ గా కోనా వెంకట్ ఎన్నో సూపర్ హిట్ సినిమాలు తెలుగు ప్రేక్షకులను అలరించారు. ఆయన కోనా ఫిల్మ్ ఫ్యాక్టరీ బ్యానర్ లో అభిరుచి గల సినిమాలు చేస్తూ వస్తున్నారు. 2014 లో గీతాంజలి చేసిన కోనా వెంకట్ 10 ఏళ్ల తర్వాత గీతాంజలి మళ్లీ వచ్చింది అంటే ఆ సినిమా సీక్వెల్ చేశారు.

గీతాంజలి సక్సెస్ అవ్వడంతో ఆ సినిమా సీక్వల్ మీద కూడా అదే రేంజ్ అంచనాలు ఉన్నాయి. ఈమధ్యనే రిలీజైన గీతాంజలి మళ్లీ వచ్చింది ట్రైలర్ ప్రేక్షకులను అలరించింది. ఇక ఈ సినిమా ప్రమోషన్స్ లో భాగంగా కోనా వెంకట్ అదుర్స్ 2 పై ఇంట్రెస్టింగ్ కామెంట్స్ చేశారు. వి.వి.వినాయక్ డైరెక్షన్ లో ఎన్టీఆర్ హీరోగా వచ్చిన అదుర్స్ ప్రేక్షకులను విపరీతంగా ఆకట్టుకుంది.

వెంకీ 2 చేసే అవకాశం ఉందా అన్న రిపోర్టర్ ప్రశ్నకు సమాధానంగా వెంకీ 2 ఏమో కానీ అదుర్స్ 2 కచ్చితంగా ఉంటుందని అన్నారు కోనా వెంకట్. అదుర్స్ లో చారి పాత్రకు ఎన్టీఆర్ తప్ప మరో హీరో న్యాయం చేయలేడని. ఇండియాలో ఏ నటుడు ఆ పాత్రకు సూటవ్వడని. ఆ ఆహార్యం, ఆ డైలాగ్ మాడ్యులేషన్ ఒక్క ఎన్టీఆర్ వల్లే అవుతుందని అన్నారు. అదుర్స్ 2 కథ రాస్తే మాత్రం ఎన్టీఆర్ ఇంటి ముందు టెంట్ వేసి ఆ సినిమా చేస్తా అనే వరకు నిరాహార దీక్ష చేస్తానని సరదాగా చెప్పారు కోనా వెంకట్.

అదుర్స్ సినిమాలో ఎన్టీఆర్ నటించిన చారి పాత్ర తారక్ ఫ్యాన్స్ కే కాదు సగటు సినీ ప్రేక్షకులను మెప్పించింది. అదుర్స్ 2 తీస్తే మాత్రం ఆ సినిమా లవర్స్ కు పండుగ అన్నట్టే. ప్రస్తుతం గ్లోబల్ రేంజ్ క్రేజ్ తెచ్చుకున్న ఎన్టీఆర్ అదుర్స్ తరహా సినిమాలు చేసే అవకాశం ఉంటుందా లేదా అన్నది చూడాలి. ప్రస్తుతం ఎన్టీఆర్ కొరటాల శివ డైరెక్షన్ లో దేవర సినిమా చేస్తున్నాడు. ఆ సినిమా అక్టోబర్ 10న రిలీజ్ లాక్ చేశారు. కోనా వెంకట్ అడగడం కాదు అదుర్స్ 2 కథ ఇంప్రెస్ చేస్తే ఆడియన్స్ ను ఎంటర్టైన్ చేసేందుకు ఎన్టీఆర్ కూడా అలాంటి పాత్ర ఓకే చేసే అవకాశం ఉంటుంది.