కోడ‌లితో కొణిదెల ఫ్యామిలీ తొలి దీపావ‌ళి

సుదీర్ఘ కాలం ప్రేమాయ‌ణం సాగించిన వరుణ్ తేజ్ -లావణ్య త్రిపాఠి జంట‌ 1 నవంబర్ 2023 న ఇటలీ- టుస్కానీలో గ్రాండ్ వేడుకలో వివాహం చేసుకున్నారు. కొత్త జంట నవంబర్ 5న హైదరాబాద్‌లోని ఎన్ కన్వెన్షన్ సెంటర్‌లో గ్రాండ్ వెడ్డింగ్ రిసెప్షన్‌ను ఏర్పాటు చేసింది. ఈ మాసం అంతా న‌వ‌వ‌ధూవ‌రుల సెల‌బ్రేష‌న్స్ అన్ స్టాప‌బుల్ గా కొన‌సాగుతున్నాయి.

ఇంత‌కుముందు మెగాస్టార్ చిరంజీవి స్వ‌యంగా దీపావ‌ళి పార్టీని ఎరేంజ్ చేసి మ‌రోసారి కొత్త జంట‌ను ఆశీర్వ‌దించారు. గ‌త రాత్రి కోడ‌లు పిల్ల‌ లావ‌ణ్య త్రిపాఠితో కొణిదెల కుటుంబం దీపావ‌ళి ఉత్స‌వాల‌ను జ‌రుపుకుంటున్న ఫోటోలు ఇప్పుడు అంత‌ర్జాలంలో వైర‌ల్ అవుతున్నాయి. వీటిలో వ‌రుణ్ తేజ్- లావ‌ణ్య జంట‌తో పాటు నాగ‌బాబు కొణ‌దెల‌, ఆయ‌న శ్రీ‌మ‌తి ప‌ద్మ‌జ‌, నిహారిక కొణిదెల కూడా ఎంతో ఆనందంగా క్రాక‌ర్స్ ని కాలుస్తూ ఉత్స‌వం జ‌రుపుకుంటున్నారు. పెళ్లి త‌ర్వాత వ‌రుణ్ - లావ‌ణ్య దంప‌తుల‌కు ఇది ఎంతో ప్ర‌త్యేక దీపావ‌ళి. కోడ‌లు అడుగుపెట్టాక కొణిదెల ఇంట్లో తొలి దీపావ‌ళి కావ‌డంతో ఆ ఆనందానికి అవ‌ధుల్లేవ్.

ఈ వేడుక‌ల కోసం కొణిదెల కుటుంబం ఎంపిక చేసుకున్న దుస్తుల థీమ్ ఆక‌ట్టుకుంది. నాగ‌బాబు ఫుల్ బ్లాక్ లో యువ‌కుడిలా క‌నిపిస్తుంటే, వ‌రుణ్ తేజ్ పూర్తిగా ట్రెడిష‌న‌ల్ కుర్తాలో క‌నిపించారు. లావ‌ణ్య త్రిపాఠి చీర‌లో కొత్త పెళ్లి కూతురు వైబ్స్ ని తెచ్చారు. ఇక నిహారిక కొణిదెల రెడ్ డిజైన‌ర్ శారీలో ఎంతో అందంగా క‌నిపిస్తున్నారు. శ‌బ్ధ కాలుష్యం లేని దీపావ‌ళిని కొణిదెల కుటుంబం జ‌రుపుకుంద‌ని ఈ ఫోటోలు చూస్తే అర్థ‌మ‌వుతోంది. వ‌రుణ్ .. లావ‌ణ్య త‌దుప‌రి కెరీర్ పై దృష్టి సారించ‌నున్నారు. వ‌రుణ్ తేజ్ వ‌రుస చిత్రాల‌తో బిజీ కానుండ‌గా, లావ‌ణ్య న‌ట‌న‌లోకి తిరిగి వ‌స్తుందా లేదా? అన్న‌దానిపై మ‌రింత స్ప‌ష్ఠత రావాల్సి ఉంది.