అసలు ఎవరీ డాన్లీ..?

ప్రస్తుతం ఇండియాలో బాగా వినిపిస్తోన్న పేరు డాన్ లీ. ప్రభాస్, సందీప్ రెడ్డి వంగా కాంబినేషన్ లో తెరకెక్కనున్న ‘స్పిరిట్’ సినిమాలో డాన్ లీ ప్రతినాయకుడిగా కనిపించబోతున్నాడనే ప్రచారం గత కొంతకాలంగా వినిపిస్తోంది. తాజాగా ఆయన ఇన్ స్టాగ్రామ్ లో ‘సలార్ 2’ ఫ్యాన్ మేడ్ పోస్టర్ పెట్టి థంబ్ ఎమోజీ షేర్ చేయడంతో ‘సలార్ 2’ లో భాగం కాబోతున్నాడని మరో టాక్ కూడా తెరపైకి వచ్చింది. అయితే ప్రభాస్, డాన్ లీ కాంబినేషన్ లో మూవీ అయితే దాదాపు ఖాయం అయ్యిందనే మాట ఇండస్ట్రీ వర్గాలలో వినిపిస్తోంది.

అది స్పిరిట్ అనే మాట గట్టిగా వినిపిస్తోంది. ప్రభాస్ తో డాన్ లీ నటిస్తున్నాడనే విషయం తెరపైకి రావడంతో సోషల్ మీడియాలో అతని గురించి సెర్చ్ చేయడం మొదలుపెట్టారు. అసలు ఎవరీ డాన్ లీ అనేది తెలుసుకుపోవడానికి ప్రత్యేకంగా ఆసక్తి చూపిస్తున్నారు. సౌత్ కొరియాకి చెందిన డాన్ లీ 19 ఏళ్ళ వయస్సులో అమెరికా వెళ్లి 10 ఏళ్ళు అక్కడ మార్షల్ ఆర్ట్స్ నేర్చుకున్నారు. తరువాత కొంతకాలం అమెరికాలో ట్రైనర్ గా పని చేశారు.

2004లో ‘డాన్స్ విత్ ది వింగ్’ అనే సినిమాతో తెరంగేట్రం చేశాడు. కొరియన్ భాషలోనే నటుడిగా అతను కెరియర్ స్టార్ట్ చేశారు. క్యారెక్టర్ ఆర్టిస్ట్ గా చేస్తూ అంచెలంచెలుగా ఎదుగుతూ హీరోగా మారారు. 2012లో ‘ది నైబర్స్’ సినిమాతో డాన్ లీ బెస్ట్ సపోర్టింగ్ రోల్ అవార్డు అందుకున్నారు. అక్కడి నుంచి విభిన్న పాత్రలు చేస్తూ హాలీవుడ్ స్థాయికి ఎదిగాడు. హాలీవుడ్ లో మార్వెల్ సిరీస్ నుంచి 2021లో వచ్చిన ‘ఎటర్నల్’ మూవీ లో ఒక సూపర్ హీరోగా డాన్ లీ నటించాడు.

ఈ సినిమాతో వరల్డ్ వాల్డ్ గా అతనికి మంచి గుర్తింపు వచ్చింది. అలాగే 2016లో చేసిన ‘ట్రైన్ అండ్ బుసాన్’ కూడా అతనికి అంతర్జాతీయ స్థాయిలో ఇమేజ్ తీసుకొచ్చింది. చివరిగా ఈ ఏడాది ‘ది రౌండ్ అప్ పనిష్మెంట్’ అనే సినిమాతో ఆయన ప్రేక్షకుల ముందుకొచ్చారు. ఇప్పుడు స్పిరిట్ సినిమాతో ఇండియన్ మూవీ ఇండస్ట్రీలోకి ఎంట్రీ ఇస్తున్నాడు. డాన్ లీ అసలు పేరు లీ డాంగ్-సియోక్. 53 ఏళ్ళ డాన్ లీ 5.10 అడుగుల ఎత్తు 90 కేజీల వెయిట్ తో ఉంటాడు.

‘స్పిరిట్’ సినిమాలో అతను నటించడం ద్వారా దానికి ఇంటర్నేషనల్ లెవల్ లో హైప్ లభిస్తోందని చెప్పవచ్చు. కచ్చితంగా ఈ చిత్రంలో ప్రభాస్, డాన్ లీ కాంబినేషన్ సంచలనం సృష్టిస్తుందని ట్రేడ్ పండితులు అంచనా వేస్తున్నారు. ‘స్పిరిట్’ మూవీ 2000 కోట్లకి పైగా కలెక్షన్స్ ని అందుకున్న ఆశ్చర్యపోవాల్సిన అవసరం లేదని అంటున్నారు.