న‌టి.. కోరుకున్న‌వాడిని క‌ట్టుకుంటే పండుగే పండ‌గ
ఈ జంట 2019 నుండి రిలేష‌న్ షిప్ లో ఉన్నారు. ఇటీవ‌లే పెళ్లాడారు. ఆ త‌ర్వాత మొద‌టి క‌ర్వా చౌత్ ఈ ఏడాది వైభ‌వంగా జ‌రుపుకున్నారు.
By: Tupaki Desk | 2 Nov 2024 4:18 AM GMT
ప‌వ‌న్ క‌ళ్యాణ్ స‌ర‌స‌న తీన్ మార్, సుమంత్ స‌ర‌స‌న బోణి చిత్రాల్లో న‌టించింది కృతి క‌ర్భంద. కానీ ఇవేవీ త‌న కెరీర్ గ్రాఫ్ పెర‌గడానికి స‌హ‌క‌రించ‌లేదు. ఈ బ్యూటీ సౌత్ లో పెద్ద స్టార్ అవ్వాల‌ని క‌ల‌గ‌న్నా అది నెర‌వేరేలేదు. చివ‌రిగా చ‌ర‌ణ్ `బ్రూస్ లీ` చిత్రంలో సిస్ట‌ర్ పాత్ర‌లో న‌టించినా అదీ కెరీర్ కి క‌లిసి రాలేదు.
కానీ కృతికి టాలీవుడ్ ఆఫ‌ర్లు బాలీవుడ్ లో అవ‌కాశాలు రావ‌డానికి క‌లిసొచ్చాయి. మ‌ల్టీస్టార‌ర్ హౌస్ ఫుల్ 4 -పాగ‌ల్ పానీ.. చెహ్రే లాంటి భారీ చిత్రాల్లో న‌టించింది. త‌మిళంలో `వాన్` అనే చిత్రంలోనూ నాయిక‌గా న‌టించింది. తానిష్ - 14 పేరే లాంటి చిత్రాల‌లో చివ‌రిగా న‌టించింది. ఇప్పుడు న‌టిగా త‌న కెరీర్ దాదాపు ముగిసింది.
కానీ వ్యక్తిగత జీవితంలో కృతి తాను కోరుకున్న‌వాడిని పెళ్లాడింది. కృతి క‌ర్బందా సహనటుడు పుల్కిత్ సామ్రాట్ తో డేటింగ్ చేసింది. వీరే కి వెడ్డింగ్- పాగల్‌పంతి -తాయిష్ చిత్రాల‌లో పుల్కిత్ కృతికి సహనటుడు. ఈ జంట 2019 నుండి రిలేష‌న్ షిప్ లో ఉన్నారు. ఇటీవ‌లే పెళ్లాడారు. ఆ త‌ర్వాత మొద‌టి క‌ర్వా చౌత్ ఈ ఏడాది వైభ‌వంగా జ‌రుపుకున్నారు. అలాగే కృతి క‌ర్భంద్ తొలి బ‌ర్త్ డేని వైల్డ్ గా సెల‌బ్రేట్ చేసాడు పుల్కిత్. ఇటీవ‌ల అందుకు సంబంధించిన ఫోటోలు అంత‌ర్జాలంలో వైర‌ల్ అయ్యాయి.
ఇప్పుడు దీపావ‌ళిని పుర‌స్క‌రించుకుని ఈ అంద‌మైన జంట ఫోటోషూట్ అంత‌ర్జాలంలో వైర‌ల్ అవుతోంది. సాంప్ర‌దాయం ఉట్టిప‌డేలా ఈ జోడీ పండుగ‌ను సెల‌బ్రేట్ చేసింది. రాకుమారుడి స‌ర‌స‌న రాకుమారిలా కృతి ఎంతో అందంగా వెలిగిపోతోంది. ప్ర‌స్తుతం కృతి దీపావ‌ళి వేడుక‌ల‌కు సంబంధించిన ఫోటోలు ఇంట‌ర్నెట్ లో వైర‌ల్ గా దూసుకెళుతున్నాయి.
