ట్రాజెడీ క్వీన్ మీనాకుమారి బ‌యోపిక్ లో కృతి స‌నోన్

త‌న‌దైన అందం న‌ట‌న‌తో తెలుగు చిత్ర‌సీమ‌లో ప్ర‌త్యేక గుర్తింపు తెచ్చుకుంది కృతిస‌నోన్. వ‌న్ నేనొక్క‌డినే-దోచేయ్ - ఆదిపురుష్ చిత్రాల్లో న‌టించిన ఈ బ్యూటీ ఇప్పుడు మ‌రో క్రేజీ ఆఫ‌ర్ ని అందుకుంద‌ని తెలిసింది. తాజా స‌మాచారం మేర‌కు నాటి మేటి క‌థానాయిక మీనాకుమారి బ‌యోపిక్ లో కృతి న‌టించ‌నుంద‌ని హిందీ మీడియాలో గుస‌గుస‌లు వినిపిస్తున్నాయి.

అంతేకాదు ఈ చిత్రంతో పాపుల‌ర్ ఫ్యాష‌న్ మ‌నీష్ మ‌ల్హోత్రా ద‌ర్శ‌కుడిగా ప‌రిచ‌యం కానున్నారు. ఆయ‌న చాలా కాలంగా మీనాకుమారి జీవిత‌క‌థ‌తో సినిమాని తెర‌కెక్కించాల‌ని అనుకుంటున్నారు. మీనాకుమారి కుటుంబీకులు వార‌సుల‌కు ఎలాంటి అగౌర‌వం క‌ల‌గ‌కుండా స్క్రిప్టు ద‌శ‌లో మ‌నీష్ చాలా జాగ్ర‌త్త‌లు తీసుకుంటున్నార‌ని తెలిసింది. ఈ చిత్రాన్ని మ‌నీష్ మ‌ల్హోత్రా స్వ‌యంగా నిర్మించ‌నున్నారు. 90ల‌లో హిందీ చిత్ర‌సీమ‌ను ఏలిన మేటి క‌థానాయిక మీనాకుమారి. ట్రాజిక్ క్వీన్ గా చిత్ర‌ప‌రిశ్ర‌మ‌లో పాపుల‌ర‌య్యారు. 38ఏళ్ల చిన్న వ‌య‌సులో ఈ మేటి న‌టి లివ‌ర్ సిర్రోసిస్ అనే రుగ్మ‌త‌తో మృతి చెందారు. కెరీర్ లో ఎన్నో బ్లాక్ బ‌స్ట‌ర్ హిట్ చిత్రాల్లో న‌టించిన మీనాకుమారి దాదాపు 150 సినిమాల్లో న‌టించారు.

అయితే మీనాకుమారి బ‌యోపిక్ కి సంబంధించిన అధికారిక ప్ర‌క‌ట‌న వెలువడాల్సి ఉంది. రెగ్యుల‌ర్ మసాలా చిత్రాల్లో న‌టిస్తున్న కృతి స‌నోన్ కి మేటిన‌టి జీవిత‌క‌థ‌లో న‌టించే ఆఫ‌ర్ బిగ్ ఛేంజోవ‌ర్ అన‌డంలో సందేహం లేదు. మ‌హాన‌టి చిత్రంలో కీర్తి సురేష్ ఎంతో అద్భుతంగా మేటి న‌టి సావిత్రి జీవిత‌క‌థ‌లో ఒదిగిపోయి న‌టించింది. ఆ స్థాయిలో కృతి స‌నోన్ పెర్ఫామెన్స్ వ‌ర్క‌వుట‌వుతుంద‌ని భావిద్దాం. కృతి త‌దుప‌రి ప‌లు భారీ ప్రాజెక్టుల్లోను న‌టిస్తూ బిజీగా ఉంది. ఇందులో టైగ‌ర్ ష్రాఫ్ స‌ర‌స‌న గ‌ణ‌ప‌త్ 1 భారీ యాక్ష‌న్ ఎంట‌ర్ టైన‌ర్. అలాగే దినేష్ విజ‌న్ తెర‌కెక్కించ‌నున్న భారీ చిత్రంలోను కృతి న‌టించ‌నుంది.