వైన్ గ్లాస్‌తో రెచ్చిపోయిన CREW గాళ్

విమానంలో అంద‌మైన ఎయిర్ హోస్టెస్ లైఫ్‌లో జ‌రిగే మ్యాజిక్ గురించి సినిమా తీయాల‌న్న ఆలోచ‌న ఎంతో ఎగ్జ‌యిట్ చేస్తోంది. ప్ర‌స్తుతం బాలీవుడ్ లో అలాంటి ప్ర‌య‌త్న‌మే- క్రూ. ఈ మార్చిలో థియేటర్లలోకి రానుంది ఈ చిత్రం. ఇంత‌కుముందే టీజ‌ర్ విడుద‌లై యువ‌త‌రం హృద‌యాల్ని ట‌చ్ చేసింది. రిలీజ్ ప్ర‌మోష‌న్స్ లో భాగంగా మేకర్స్ మొదటి పాటను విడుద‌ల చేయ‌నున్నారు. 'నైనా' అనే టైటిల్‌తో ఈ పాటను మార్చి 4న విడుదల కానుంది. ఈ పాట నుండి స్నీక్ పీక్‌ను అందిస్తున్నామ‌ని కృతి ఇటీవల తన ఇన్‌స్టాగ్రామ్ లో వెల్లడించింది. టీజ‌ర్ ఆద్యంతం కృతి మెరుపులు మెరిపించ‌నుంద‌ని ప్రోమో చెబుతోంది. చిన్న‌పాటి ప్రోమోలో కృతి చేతిలోకి వైన్ గ్లాస్ తీసుకుని సిప్ చేస్తూ కనిపించింది. ట‌బు, క‌రీనా లాంటి సీనియ‌ర్ల‌తో క‌లిసి కృతి క్రూ మెంబ‌ర్ గా అద్భుతాలు చేయ‌నుంది.

వీడియోను షేర్ చేసిన కృతి ఇలా రాసింది. ''ఇది ఇంతకంటే వేడిగా ఉండదు. ఇస్స్ నైనా కా క్యా కెహనా!'' అంటూ ఆస‌క్తిక‌ర ట్యాగ్ ని జోడించింది. కృతి మునుపెన్నడూ చూడని హాట్ అవతారంలో క‌నిక‌ట్టు చేయ‌బోతోంద‌ని టీజ‌ర్ చెబుతోంది. ఈ చిత్రంలో 'నైనా' పాట ఒక అంద‌మైన జ్ఞాప‌కం కాబోతోంద‌ని అర్థ‌మ‌వుతోంది. అద్భుతమైన వైట్ కో-ఆర్డ్ సెట్‌ దుస్తులు ధరించి కృతి ఎంతో అందంగా వేడిగా క‌నిపిస్తోంది. అభిమానులను పాట రిలీజ్ కోసం వేచి ఉండేలా మ్యాజిక్ చేస్తోంది.

ప్రేక్షకులు కమర్షియల్ ఫ్యామిలీ ఎంటర్‌టైనర్ 'క్రూ' నుండి చాలా ఆశిస్తున్నారు. ఇది గ్లామ‌ర్ ఫీస్ట్ కానుంద‌ని అంతా భావిస్తున్నారు. ఇప్ప‌టికే దిల్జిత్ దోసాంజ్ హాస్యభరితమైన‌ వీడియో, కరీనా కపూర్ ఖాన్‌తో కలిసి పాటలోని ఒక అద్భుతమైన స్టిల్ ని విడుదల చేయ‌గా అవి వైర‌ల్‌గా మారాయి.

కేవలం ఐదు సెకన్ల 'నైనా' ప్రోమో గుబులు పెంచింది. ఇప్పటికే ఈ సీజన్‌లో అతిపెద్ద హిట్ ట్రాక్‌గా నిలుస్తుందని ప్రూవ్ చేసింది. ఈ పాట‌ డ్యాన్స్ ఫ్లోర్‌లను మండించడం ఖాయం! అన్న అంచ‌నాలేర్ప‌డ్డాయి. టబు, కరీనా కపూర్ ఖాన్, కృతి సనన్, దిల్జిత్, బాద్షాల డైనమిక్ కాంబినేష‌న్ తో అగ్గి రాజేయ‌నున్నారు. దిల్జిత్ గానానికి బాద్షా తన సిగ్నేచర్ రాప్ ఫ్లెయిర్‌ను జోడించడంతో నైనా ప్ర‌కంప‌న‌లు సృష్టిస్తుంద‌ని భావిస్తున్నారు.

బ్యాక్ టు బ్యాక్ క్రేజీ ప్రాజెక్టులు:

ఆదిపురుష్ త‌ర్వాత కృతి బ్యాక్ టు బ్యాక్ సినిమాల‌తో బిజీ అయింది. మిలీలో త‌న అద్భుత న‌ట‌న‌కు జాతీయ ఉత్త‌మ న‌టిగా అవార్డును అందుకున్న కృతి, ఇప్పుడు వ‌రుస చిత్రాల్లో న‌టిస్తూ బిజీగా ఉంది. కృతి న‌టించిన క్రూ- దోప‌ట్టీ చిత్రాల్లో ఆద్యంతం ర‌క్తి క‌ట్టించే పాత్ర‌ల్లో న‌టిస్తోంది. క్రూ - దో ప‌ట్టీ టీజ‌ర్ల‌లో అద‌ర‌గొట్టిన కృతి ఈ రెండు చిత్రాల‌పై భారీ ఆశ‌లే పెట్టుకుంది. ఇటు సౌత్ లో అవ‌కాశాల్లేక‌పోయినా బాలీవుడ్ లో ఫుల్ బిజీగా మారిన ఈ బ్యూటీ త‌దుప‌రి పెద్ద హీరోల‌తో సంత‌కాలు చేసేందుకు రెడీ అవుతోంద‌ని స‌మాచారం. నిజానికి ప‌దేళ్ల క్రితం 1- నేనొక్క‌డినే రిలీజ్ స‌మ‌యంలో కృతి అందంపై విమ‌ర్శ‌లు వ‌చ్చినా కానీ ట్యాలెంట్ ముందు ఏదీ నిల‌బ‌డ‌దని ప్రూవ్ అయింది. బాలీవుడ్ లో నేటిత‌రం నాయిక‌ల్లో స్పీడ్ చూపిస్తున్న ఈ బ్యూటీ బ్యాక్ టు బ్యాక్ ఆఫ‌ర్ల‌తో బిజీగా ఉంది.