అంత‌రిక్షంలో 'క్రిష్-4' సాహ‌సాలు

మాన‌వ‌తీత శ‌క్తుల విన్యాసాల నేప‌థ్యంలో తెర‌కెక్కిన `క్రిష్` ప్రాంచైజీ ఎంత పెద్ద హిట్ అయిందో తెలిసిందే. ఇప్ప‌టికే రిలీజ్ అయిన మూడు భాగాలు భారీ విజ‌యం సాధించాయి. దీంతో రెండు మూడేళ్ల‌గా `క్రిష్ -4`కి సంబంధించిన స‌న్నాహాలు జ‌రుగుతున్నాయి. ఈ ప్రాజెక్ట్ విష‌యంలో ద‌ర్శ‌కుడు రాకేష్ రోష‌న్ ఎంతో కేరింగ్ తీసుకుంటున్నారు. కొన్ని సంవ‌త్స‌రాలుగా స్టోరీ పైనే ప‌నిచేస్తున్నారు. తాజాగా ప్రాజెక్ట్ కి సంబ‌ధించి స్టోరీ స‌హా అన్ని ప‌నులు సిద్దం చేసిన‌ట్లు ప్ర‌క‌టించారు.

`క్రిష్ -4` కి సంబంధించి అన్ని ప‌నులు పూర్త‌య్యాయి. దీని మునుప‌టి భాగాల‌కంటే మ‌రింత ప్ర‌తిష్టాత్మ‌కంగా తెర‌కెక్కిస్తాం. కానీ ప్ర‌స్తుతం సినిమా బ‌డ్జెట్ స‌మ‌స్య‌ల్లో ఉంది. మేము బ‌డ్జెట్ త‌గ్గించ‌డానికి ప్ర‌య‌త్నిస్తే స్టోరీ లైన్ దెబ్బ‌తింటుంది. కానీ నేను ఏ విష‌యంలోనూ రాజీ ప‌డ‌ను. అనుకున్న‌ది అనుకున్న‌ట్లు తీస్తాను` అన్నారు. అలాగే `కోయి మిల్ గ‌యా`లో సంద‌డి చేసిన జాదూ కూడా ఇందులో కీల‌క పాత్ర పోషిస్తున్న‌ట్లు స‌మాచారం.

అలాగే `క్రిష్ -4` అంత‌రిక్షంలో జ‌రిగే అద్భుత‌మని తెలుస్తోంది. ఈసారి క్రిష్ సాహ‌సాల‌న్ని ఆకాశం లోప‌లి భాగంలో జ‌రుగుతాయి. మూడు భాగాల‌ను భూమ్మీద‌..గాల్లోనూ ప్లాన్ చేసిన రాకేష్ రోష‌న్ ఈసారి ఏకంగా అంత‌రిక్షంలోకే తీసుకెళ్తున్నారు. ప్రేక్ష‌కుల‌కు కొత్త అనుభూతిని అందించాల‌నే చిత్రాన్ని ఇంత ప్ర‌తిష్టాత్మ‌కంగా ప్లాన్ చేస్తున్నారు. ఇప్ప‌టి వ‌ర‌కూ అంత‌రిక్షంలో సినిమాలంటే స్పేస్ బ్యాక్ డ్రాప్ లో టెక్నిక‌ల్ గా చేసిన చిత్రాలే.

కానీ` క్రిష్ -4` అందుకున్న భిన్న‌మైంది. అక్క‌డా అద్భుత‌మైన ఎమోష‌నల్ జ‌ర్నీ ఉంటుంది. మాన‌వాళికి-అంత‌రిక్షానికి ఉన్న సంబంధాన్ని ఎమోష‌న‌ల్ గా చూపిస్తూనే టెక్నిక‌ల్ గా హైలైట్ చేయ‌బోతున్నారు. ఈ ప్రాజెక్ట్ కోసం హృతిక్ రోష‌న్ విదేశాల్లో ప్ర‌త్యేకంగా శిక్ష‌ణ కూడా అవ‌స‌రమ‌ని మేక‌ర్స్ భావిస్తున్నారు. స్పేస్ సెంట‌ర్ అను భ‌వ‌జ్ఞుల స‌మ‌క్షంలో కొంత ట్రైనింగ్ తీసుకుంటున్నారుట‌. `వార్ -2` షూటింగ్ పూర్త‌యిన వెంట‌నే ఈ ట్రైనింగ్ ఉంటుంద‌ని స‌మాచారం.