కుమారి శ్రీమతి టాక్ ఏంటి..?

వైజయంతి మూవీస్ స్వప్న సినిమాస్ సైలెంట్ గా ఓ వెబ్ సీరీస్ నిర్మించారు. నిత్యా మీనన్ ప్రధాన పాత్ర లో అవసరాల శ్రీనివాస్ కథ, మాటలతో ఈ వెబ్ సీరీస్ తెరకెక్కింది. ఈ సీరీస్ ను గోమరేష్ ఉపాధ్యాయ డైరెక్ట్ చేశారు. ఏడు ఎపిసోడ్స్ తో వచ్చిన ఈ వెబ్ సీరీస్ నాలుగు గంటల నిడివితో వచ్చింది. ఇంతకీ ఈ వెబ్ సీరీస్ కథ అంటే రామరాజు లంక లో శ్రీమతి అలియాస్ సిరి (నిత్యా మీనన్) తాతల నాటి ఇంటిని బాబాయ్ నుంచి సొంతం చేసుకోవాలని చూస్తాడు. కానీ కోర్టు తీర్పు ప్రకారం 38 లక్షలతో అవసరం అవుతాయి. అందుకు 6 నెలలు టైం ఇస్తారు.

కుమారి శ్రీమతికి వచ్చే 13 వేల జీతంతో 38 లక్షలు ఎలా సాధ్యమని ఆలోచిస్తుండగా అప్పుడే బార్ పెట్టాలని నిర్ణించుకుంటుంది. అందుకు తన స్నేహితులు నిరుపం, మరో ఇద్దరు తిరువీర్, శ్రీనివాస్ హెల్ప్ చేస్తారు. అయితే అనుకున్నంత ఈజీగా అది సాధ్యం కాదు. బార్ పెట్టాక కుమారి శ్రీమతికి ఎదురైన సమస్యలు ఏంటి.. వాటిని ఎదుర్కుని కుమారి శ్రీమతి ఎలా విజయం సాధించింది అన్నది వెబ్ సీరీస్ కథ.

వెబ్ సీరీస్ మొత్తం ఎలాంటి అసభ్యత లేకుండా కుటుంబం మొత్తం కలిసి చూసేలా తెరకెక్కించారు. ఏడు ఎపిసోడ్స్ లో కొంత ల్యాగ్ అనిపించినప్పటికీ ఫలితం మీద ఎఫెక్ట్ చూపించదు. శ్రీమతి బిజినెస్ ఐడియా.. అది పెట్టేందుకు ఆమె చేసే ప్రపోజల్స్ అన్నీ బాగానే అనిపిస్తాయి. చివర్లో నాని సర్ ప్రైజ్ క్యామియో వెబ్ సీరీస్ కి జోష్ ఇస్తుంది.

వెబ్ సీరీస్ కు మ్యూజిక్, సినిమాటోగ్రఫీ అన్నీ బాగానే కుదిరాయి. ప్రొడక్షన్ విషయంలో వైజయంతి రిచ్ నెస్ తెలుస్తుంది. కథకు ఎంత కావాలో అంత బడ్జెట్ పెట్టేశారు. నిత్యా మీనన్ స్క్రీన్ ప్రెజెన్స్ ఆమె పాత్రని త్వరగానే ఆడియన్స్ ఓన్ చేసుకుంటారు. ఓవరాల్ గా అక్కడక్కడ ల్యాగ్ తప్ప నిత్యా మీనన్ నటించిన కుమారి శ్రీమతి ఓటీటీ ఆడియన్స్ కి మంచి ఎంటర్టైనింగ్ అందిస్తుందని చెప్పొచ్చు. తెలుగు ఆడియన్స్ ని తన నటనతో మెప్పిస్తూ వచ్చిన నిత్యా మీనన్ ఎలాంటి పాత్ర ఇచ్చినా సరే ది బెస్ట్ ఇచ్చేస్తుంది. కుమారి శ్రీమతిలో కూడా తన పాత్రకు చక్కని అభినయంతో మెపించింది. కుమారి శ్రీమతి ప్రేక్షకులను ఎంటర్టైన్ చేస్తుంది. ఈ సీరీస్ తో నిత్యా మరోసారి తన సత్తా చాటిందని చెప్పొచ్చు.