ఖుషి.. టైటిల్ వెనుక అసలు రీజన్ ఇదే!

సమంత, విజయ్ దేవరకొండ జంటగా నటిస్తున్న సినిమా ఖుషి. ఈ మూవీ పై రోజు రోజుకీ అంచనాలు పెరిగిపోతున్నాయి. ఈ సినిమా కంప్లీట్ లవ్ స్టోరీ అనే విషయం ఇప్పటికే అర్థమౌతోంది. లవ్ స్టోరీలు తెరకెక్కించడంలో మంచి నేర్పరి అయిన శివ నిర్వాణ ఈ మూవీకి కూడా దర్శకత్వం వహిస్తున్నారు. గతంలో నిన్ను కోరి, మజిలీ తో హిట్ కొట్టిన ఆయన ఖుషి లో మరో అందమైన ప్రేమ కథను ప్రేక్షకులకు పరిచయం చేయనున్నారు. రోజు రోజుకీ ఈ మూవీపై అంచనాలు పెరిగిపోతున్నాయి.

ఇది లవ్ స్టోరీ అనే విషయం క్లియర్ గా అర్థమౌతోంది. అయితే, అందరికీ ఉన్న అనుమానం ఏంటంటే,అసలు ఈ మూవీ ఖుషీ పేరు ఎందుకు పెట్టారు అనే అనుమానం చాలా ఎక్కువగా ఉంది. ఎందుకంటే, ఆల్రెడీ ఖుషీ పేరిట ఓ సినిమా విడుదలై, బ్లాక్ బస్టర్ హిట్ కొట్టిన సంగతి తెలిసిందే. వపర్ స్టార్ పవన్ కళ్యాణ్ , భూమిక జంటగా నటించిన చిత్రం అది. వీరిద్దరి కెరీర్ లో ది బెస్ట్ లవ్ స్టోరీ సినిమా ఇది. ఇప్పటికీ ఈ మూవీ టీవీల్లో వస్తే జనాలు కదలకుండా కూర్చొని చూస్తూ ఉంటారు.

ఆ సినిమాలో పవన్, భూమిక మధ్య ఇగో ఇష్యూస్ రావడం, దాని వల్ల వారి కథ ఎలా మారింది అనేది ఆ కథ. అయితే, ఇప్పుడు ఆ టైటిల్ విజయ్, సమంత మూవీకి ఎందుకు పెట్టారు అనే సందేహాలు ఉన్నాయి. అయితే, తాజాగా తెలిసిన విషయం ఏమిటంటే, ఈ మూవీలో కూడా దంపతుల మధ్య ఇగో సమస్యలు వస్తూ ఉంటాయట. ఆ తర్వాత వారి కథ ఎలా మారుతుంది అనేదే ఈ సినిమా అంట.

ప్రేమించి పెళ్లి చేసుకున్నత తర్వాత , విజయ్, సమంతల మధ్య వచ్చే ఇగో సమస్యలనే ఈ సినిమాలో కీలకంగా చూపించనున్నారట. దీనిని బట్టి, మూవీ టైటిల్ మాత్రమే కాదు, కొంచెం సిమిలారిటీస్ కూడా ఉంటాయని తెలుస్తోంది. మరి ఈ మూవీ ఎంత వరకు ఆకట్టుకుంటుందో చూడాలి.

ఇదిలా ఉండగా, ఈ ఖుషీ మూవీని మైత్రీ మూవీ మేకర్స్ నిర్మిస్తోంది. తెలుగుతోపాటు హిందీ, తమిళం, కన్నడ, మలయాళం భాషల్లో ఖుషీ మూవీ రాబోతోంది. ఖుషీ సినిమాలో విజయ్ దేవరకొండ, సమంతతోపాటు జయరాం, మురళీ శర్మ, సచిన్ ఖేడేకర్, లక్ష్మి, అలీ, రోహిణి, వెన్నెల కిశోర్, రాహుల్ రామకృష్ణ నటిస్తున్నారు.