ఖుషి బాక్సాఫీస్ టార్గెట్.. ఎంత రావాలంటే..

విజయ్ దేవరకొండ ఖుషి సినిమాతో బౌన్స్ బ్యాక్ అవ్వాలి అని గట్టిగానే ప్రయత్నాలు చేస్తున్నాడు. ఈ సినిమా కేవలం హీరోకి మాత్రమే కాకుండా మిగిలిన వారికి కూడా తప్పకుండా సక్సెస్ ఇవ్వాల్సిన అవసరమైతే ఉంది. ముఖ్యంగా దర్శకుడు శివ మజిలీ సినిమా తర్వాత మళ్లీ బాక్స్ ఆఫీస్ వద్ద సరైన సక్సెస్ చూడలేదు. అతని గత సినిమా టక్ జగదీష్ ఓడిటీలో విడుదలైన విషయం తెలిసింది.

ఇక సమంత కూడా శాకుంతలం సినిమాతో భారీ డిజాస్టర్ అందుకోవడం వలన ఈ సినిమాతో హిట్ కొట్టాలని చూస్తోంది. ఈ ముగ్గురికి కూడా గతంలో ఫ్లాప్స్ ఉన్నప్పటికీ ఖుషి సినిమా మాత్రం చాలా పాజిటివ్ గానే మంచి హైప్ అయితే క్రియేట్ చేసింది. ఇక మార్కెట్లో కూడా ఈ సినిమాకు మంచి డిమాండ్ అయితే ఏర్పడింది. నిర్మాణ సంస్థ మైత్రి మూవీ మేకర్స్ డీల్స్ అన్నీ కూడా క్లోజ్ చేసుకుంది.

ఇక ఈ సినిమా ఫ్రీ రిలీజ్ బిజినెస్ ఏ స్థాయిలో చేసింది అనే వివరాల్లోకి వెళితే, ముఖ్యంగా నైజాం ఏరియాలో ఎప్పటిలానే విజయ్ దేవరకొండ క్రేజ్ బట్టి 15 కోట్ల ధర పలికిన ఈ సినిమా సీడెడ్ లో 6 కోట్లు, ఆంధ్రాలో 20 కోట్లు ఇక ఏపీ తెలంగాణలో దాదాపు 41 కోట్ల వరకు ఈ సినిమా బిజినెస్ చేసినట్లు సమాచారం. కర్ణాటక ప్లస్ రెస్ట్ ఆఫ్ ఇండియా చూసుకుంటే 4.5 కోట్లు, ఓవర్సీస్ లో ఏడు కోట్ల ధర పలికిన ఈ సినిమా ప్రపంచవ్యాప్తంగా మొత్తంగా అయితే 52 కోట్ల రేంజ్ లో అయితే బిజినెస్ చేసినట్లు సమాచారం.

ఇక ఈ సినిమా బాక్సాఫీస్ వద్ద సక్సెస్ కావాలి అంటే 52.50 కోట్ల రేంజ్ లో అయితే షేర్ కలెక్షన్స్ అందుకోవాల్సిన అవసరం ఉంది. విజయ్ దేవరకొండ ఈ సినిమాకు ఇప్పటికే కావాల్సినంత పాజిటివ్ వైబ్రేషన్స్ క్రియేట్ చేశాడు. అలాగే మ్యూజిక్ టీజర్ ట్రైలర్ కూడా ఆకట్టుకున్నాయి. మరి సెప్టెంబర్ ఒకటవ తేదీన వస్తున్న ఈ సినిమా బాక్స్ ఆఫీస్ వద్ద ఎలాంటి ఓపెనింగ్ అందుకుంటుందో చూడాలి.