ఖుషి అసలు సాంగ్ వచ్చేసింది.. కెమిస్ట్రీతోనే కిక్ ఇస్తున్నారుగా

రౌడీ స్టార్ విజయ్ దేవరకొండ గ్లామరస్ బ్యూటీ సమంత కలిసి నటించిన మొట్టమొదటి సినిమా ఖుషి పై అంచనాలు గట్టిగానే ఉన్నాయి. శివ నిర్వాణ దర్శకత్వంలో మైత్రి మూవీ మేకర్స్ నిర్మిస్తున్న ఈ బ్యూటిఫుల్ లవ్ స్టోరీ సినిమా ను త్వరలోనే విడుదల చేయబోతున్నారు. ఇక సినిమా కు సంబంధించిన ప్రతి చిన్న అప్డేట్ కూడా సోషల్ మీడియా లో పాజిటివ్ వైబ్రేషన్స్ అయితే క్రియేట్ చేస్తున్నాయి.

ఇప్పటికే విడుదలైన మొదటి సాంగ్ నా రోజా నువ్వే మంచి హైప్ అయితే క్రియేట్ చేసింది. అలాగే మరో సాంగ్ కూడా అదే తరహాలో సక్సెస్ కావడంతో చిత్ర యూనిట్ సభ్యులు ప్రమోషన్ డోస్ మరింత పెంచేశారు ఇక సినిమా లోని ఖుషి టైటిల్ సాంగ్ కూడా విడుదల చేయడం జరిగింది.

ఇక లిరికల్ వీడియో లో విజయ్ దేవరకొండ సమంత కెమిస్ట్రీ బాగా వర్క్ అవుట్ అయింది. అంతేకాకుండా ఒక స్పెషల్ పోస్టర్ కూడా విడుదల చేశారు అందులో సమంత క్యూట్ స్మైల్ తోనే ఆకట్టుకుంది. ఇక వినయ్ స్టైలిష్ లుక్కుతో మరోసారి సర్ప్రైజ్ చేశాడు. ఈ కాంబినేషన్ మాత్రం వెండితెర పై మ్యాజిక్ క్రియేట్ చేయబోతున్నట్లుగా అర్థమవుతుంది. ఇక ఖుషి టైటిల్ సాంగ్ విషయానికి వస్తే.. ఖుషి అంటూ సాగే ఈ టైటిల్ సాంగ్ బాగానే ఆకట్టుకుంటోంది. ఈ పాట కు శివ నిర్వాణ సాహిత్యం అందించగా మలయాళం సెన్సేషన్ హిషామ్ అబ్దుల్ వాహబ్ మ్యూజిక్ అంధించడమే కాకుండా స్వయంగా ఆలపించారు.

ఇక హిషామ్ అబ్దుల్ వాహబ్ అందించిన బాణీ ఎంతో అద్భుతంగా ఉందని కామెంట్స్ వస్తున్నాయి. లిరికల్ వీడియో లో విజువల్స్ మరింత ప్రత్యేక ఆకర్షణగా నిలిచేలా ఉన్నాయి. ఇక మెలోడీ సాంగ్ యూట్యూబ్‌ లో ట్రెండింగ్‌గా మారనున్నట్లు తెలుస్తోంది. ఇక ఇప్పటికే ఖుషి సినిమా లోని ఫస్ట్ సింగిల్ నా రోజా నువ్వే ఏకంగా 100 మిలియన్ల వ్యూస్‌ను క్రాస్ చేసింది.

అలాగే రెండో పాట ఆరాధ్య సైతం సినిమా కు మరింత హైప్ క్రియేట్ చేసింది. ఇక ఇప్పుడు ఈ మూడో పాట ఖుషి సైతం ఆకట్టుకునేలా ఉంది..ప్రముఖ నిర్మాణ సంస్థ మైత్రీ మూవీ మేకర్స్ నిర్మిస్తోన్న ఈ సినిమా ను వరల్డ్ వైడ్ గా పాన్ ఇండియా స్థాయి లో సెప్టెంబర్ 1న తెలుగుతో పాటు తమిళ్, మళయాల, కన్నడ, హిందీ భాషల్లో విడుదల చేయబోతోన్నారు. మరి సినిమాఎలాంటి రిజల్ట్ అందుకుంటుందో చూడాలి.