హరిహర వీరమల్లు.. గుడ్ న్యూస్ ఏంటంటే..

పవర్ స్టార్ పవన్ కళ్యాణ్ ఓ వైపు రాజకీయ కార్యకలాపాలు చూసుకుంటూనే మరో వైపు పెండింగ్ లో ఉన్న సినిమాలు పూర్తి చేసే పనిలో ఉన్నారు. ప్రస్తుతం ఏఎం రత్నం నిర్మాణంలో తెరకెక్కుతోన్న ‘హరిహర వీరమల్లు’ మూవీ షూటింగ్ దశలో ఉంది. భారీ బడ్జెట్ తో పాన్ ఇండియా ప్రాజెక్ట్ గా పీరియాడికల్ జోనర్ లో తెరకెక్కుతోన్న ఈ సినిమాని వచ్చి ఏడాది ఏప్రిల్ 10న రిలీజ్ చేయాలని టార్గెట్ పెట్టుకున్నారు.

మూడేళ్లుగా షూటింగ్ దశలో ఉన్న ఈ మూవీ ఎట్టకేలకి చివరి దశకి చేరుకుంటుంది. ఇప్పటికే ఈ మూవీ షూటింగ్ కి సంబందించిన కీలక సన్నివేశాలని తెరకెక్కించారు. నవంబర్ 30న ఈ సినిమా కొత్త షెడ్యూల్ మొదలు కాబోతోందని తెలుస్తోంది. ఈ షెడ్యూల్ లో సీనియర్ యాక్టర్ అనుపమ్ ఖేర్, పవన్ కళ్యాణ్ పైన కీలక సన్నివేశాలు తెరకెక్కించబోతున్నారంట. ఈ సీన్స్ చాలా యూనిక్ గా ఉంటాయని అనుకుంటున్నారు.

పవన్ కళ్యాణ్ ఈ షెడ్యూల్ లో ఎప్పుడు జాయిన్ అవుతారనేది క్లారిటీ లేదు. షూటింగ్ మొత్తం ఇండోర్ లోనే చేస్తోన్న నేపథ్యంలో ఏదో ఒక రోజు పవన్ కళ్యాణ్ మూవీ షూటింగ్ లో జాయిన్ అవుతారని మేకర్స్ అనుకుంటున్నారు. ఈ సన్నివేశాలు కంప్లీట్ అయిన తర్వాత ఇంకొక షెడ్యూల్ తో మూవీ షూట్ ఫినిష్ అయిపోతుందంట. గుమ్మడికాయ కొట్టి ప్యాకప్ చెప్పబోతున్నారని సమాచారం.

అంటే పవన్ కళ్యాణ్ డేట్స్ అడ్జస్ట్ అయితే డిసెంబర్ ఆఖరుకి హరిహర వీరమల్లు షూటింగ్ మొత్తం ఫినిష్ అయిపోయే ఛాన్స్ ఉందని ఇండస్ట్రీలో అనుకుంటున్నారు. ఈ మూవీ షూటింగ్ కంప్లీట్ అయిన వెంటనే సుజిత్ దర్శకత్వంలో తెరకెక్కుతోన్న ‘ఓజీ’ మూవీ షెడ్యూల్ కూడా మొదలు పెట్టే అవకాశం ఉందంట. అది కూడా ఇంకొంత భాగం మాత్రమే పెండింగ్ ఉంది. ప్రస్తుతం ‘హరిహర వీరమల్లు’ పెండింగ్ పార్ట్ అంతా కూడా జ్యోతికృష్ణ తెరకెక్కిస్తున్నారు.

పోస్ట్ ప్రొడక్షన్ లో మరల క్రిష్ జాయిన్ అయ్యే అవకాశం ఉందని అనుకుంటున్నారు. అది ఎంత వరకు సాధ్యం అవుతుందో తెలియదు. క్రిష్ ప్రస్తుతం అనుష్కతో ‘ఘాటీ’ అనే మూవీ చేస్తున్నాడు. ఫీమేల్ సెంట్రిక్ కథతో ఉత్తరాంధ్ర నేపథ్యంలో ఈ మూవీ తెరకెక్కుతోంది. భారీ బడ్జెట్ తోనే ఈ సినిమాని కూడా తెరకెక్కిస్తున్నట్లు తెలుస్తోంది. వచ్చే ఏడాదిలోనే ‘ఘాటీ’ మూవీ థియేటర్స్ లోకి రానున్నట్లు తెలుస్తోంది. అయితే హరిహర వీరమల్లు సినిమా పోస్ట్ ప్రొడక్షన్, ప్రమోషన్స్ లో క్రిష్ పాల్గొంటాడా లేదా అనేది ప్రస్థుతానికి క్లారిటీ లేదు.