కొండ‌పై క‌ట్టెలు వెతికి అగ్గి రాజేసిన మెగా కోడ‌లు

వ‌రుణ్ తేజ్ కొణిదెల - లావణ్య త్రిపాఠి గత సంవత్సరం వివాహం చేసుకున్నారు. ఈ జంటకు ఇటీవ‌ల వ‌రుస‌ విహారయాత్రలకు వెళ్ళడానికి సమయం చిక్కింది. మౌంటైన్ హైకింగ్- అడ్వెంచర్‌తో కూడుకున్న పర్యటనల నుంచి వరుస‌గా ఫోటోల‌ను షేర్ చేస్తోంది లావ‌ణ్య‌. వ‌రుణ్, లావ‌ణ్య‌.. వీరిద్దరూ ఇప్పుడు తమ ఇన్‌స్టాగ్రామ్ ఖాతా ద్వారా తమ అభిమానులకు అద్భుతమైన ట్రీటిస్తున్నారు.

మే 4న వరుణ్ -లావ‌ణ్య‌ లండన్ పర్యటనకు సంబంధించిన ఫోటోల‌ను షేర్ చేయ‌గా వైర‌ల్ అయ్యాయి. వరుణ్ లావణ్యను తన ఛాతీకి హ‌త్తుకుని ప్రేమగా ఆమె కళ్ళలోకి చూస్తున్నాడు. లావణ్య అందంగా చిరునవ్వు చిందిస్తూ క‌నిపించింది. ఇప్ప‌టికే ఈ ఫోటోలు వైర‌ల్ అయ్యాయి.

లండ‌న్ ట్రిప్ ముగించారా లేదా? అన్న‌ది అటుంచితే ..ఇప్పుడు మ‌రోసారి కొండ కోన‌ల్లో విహ‌రిస్తున్న ఫోటోల‌ను లావ‌ణ్య త్రిపాఠి సోష‌ల్ మీడియాల్లో షేర్ చేయగా అవి వైర‌ల్ గా మారాయి. కొండ ప్రాంతంలో రాళ్లు అమ‌ర్చి దానిని పొయ్యిగా ఉప‌యోగించుకుని కొన్ని క‌ట్టెలకు మంట రాజేసి చివ‌రకు కాఫీ రెడీ చేస్తుండ‌డం క‌నిపించింది. ప్ర‌స్తుతం ఈ ఫోటోలు వైర‌ల్ గా మారుతున్నాయి.

వరుణ్ తేజ్ - లావణ్య త్రిపాఠి 1 నవంబర్ 2023న ఇటలీలోని టుస్కానీలో పెళ్లి చేసుకున్నారు. ఈ వివాహానికి వరుణ్ బంధుమిత్రులు కుటుంబ స‌భ్యులు హాజ‌ర‌య్యారు. చిరంజీవి, రామ్ చరణ్, అల్లు అర్జున్, సాయి ధరమ్ తేజ్, అల్లు శిరీష్ దితరులు హాజరయ్యారు.