గ‌న్ మెన్ల‌తో హీరోని ఒణికించిన కంగ‌న!
తాజాగా ఈ సినిమా ప్రీ రిలీజ్ ఈవెంట్ లో లారెన్స్ కంగ‌న గురించి ఆస‌క్తిక‌ర వ్యాఖ్య‌లు చేసారు.
By: Tupaki Desk | 27 Aug 2023 4:57 AM GMT
డేరింగ్ అండ్ డ్యాషింగ్ హీరోయిన్ కంగనా ర‌నౌత్ గురించి చెప్పాల్సిన ప‌నిలేదు. శ‌త్రువు ఎంత బ‌లవంతు డైనా ఢీ కొట్ట‌డంలో స్పెషాల్టీ వేరు. న‌టులైనా..రాజ‌కీయ నాయ‌కులైనా..అధికార ప‌క్ష‌మైనా..ప్ర‌తిప‌క్ష‌మైనా త‌న విష‌యంలో తేడాలొచ్చాయంటే? ఎటాకింగ్ మామూలుగా ఉండ‌దు. ఎలాంటి విమ‌ర్శ‌లైనా ధైర్యంగా వాటికి స‌మాధానం చెప్ప‌గ‌ల నేర్ప‌రి. ఇలా నోటి మాట‌ల‌తోనే ప్ర‌త్య‌ర్ధుల వేగాన్ని ఆపుతుంద‌నుకుంటే! పొర‌బ‌డిన‌ట్లే అవ‌స‌ర‌మైతే! వ్య‌క్తిగ‌తంగా అంతే సెక్యూర్ గానూ ఉంటుంది.
అమ్మ‌డి చుట్టూ నిత్యం బాడీ గార్డుల ప‌హారా ఉంటుంది. కంగ‌న ఎక్క‌డి కి వెళ్లినా వెంట ఉంటారు. చివ‌రికి షూటింగ్ ల‌కు హాజ‌రైన స‌రే కంగ‌న న‌మ్మిన మ‌నుషులు వెంట ఉండాల్సిందే. ఈ మధ్య కంగ‌న వెంట గ‌న్ మెన్లు కూడా క‌నిపిస్తున్నారు. మ‌రి ఏ కార‌ణంగా కంగ‌న గ‌న్ మెన్ల‌ను నియ‌మించుదుకుందో తెలియ‌దు గానీ! ప్రాణ‌హాని ఉన్న వాళ్ల‌కే ప్ర‌భుత్వం గ‌న్ మెన్ల‌ను ఏర్పాటు చేస్తుంది. కొన్ని నెల‌లుగా కంగ‌న చుట్టూ గ‌న్ మెన్ల‌ను క‌నిపిస్తూనే ఉన్నారు.
ఆన్ సెట్స్ లో కూడా కంగ‌న‌తో పాటు వెంట ఉంటున్నారు. ఈ నేప‌థ్యంలో తాజాగా కంగ‌న గ‌న్ మెన్ల‌తో న‌టుడు లారెన్స్ ని ఒణించిన‌ట్లు తెలుస్తోంది. ప్ర‌స్తుతం ఇద్ద‌రు 'చంద్ర‌ముఖి-2' లో న‌టిస్తోన్న సంగ‌తి తెలిసిందే. తాజాగా ఈ సినిమా ప్రీ రిలీజ్ ఈవెంట్ లో లారెన్స్ కంగ‌న గురించి ఆస‌క్తిక‌ర వ్యాఖ్య‌లు చేసారు. 'కంగనా ర‌నౌత్‌గారు ఈ సినిమాలో నటిస్తార‌ని తెలియ‌గానే ఆశ్చ‌ర్య‌పోయాను.
ఆమె చాలా బోల్డ్ ప‌ర్స‌న్‌. ఆమె ఎలా ఉంటారోన‌ని టెన్ష‌న్ ప‌డ్డాను. ఆమె సెట్స్‌లోకి గ‌న్‌మెన్స్‌తో స‌హా వచ్చారు. అప్పుడు నాలో ఇంకా భ‌యం పెరిగిపోయింది. వాళ్ల‌ను చూస్తేనే భ‌య‌మేసిది. ఇక వాళ్లు ప‌క్క‌నే ఉంటే న‌టించ‌డం క‌ష్ట‌మ‌ని అర్ద‌మైంది.
ఈ విష‌యం కంగ‌న‌కి రిక్వెస్ట్ గా చెప్పాను. దీంతో ఆ త‌ర్వాత నుంచి గ‌న్ మెన్ల‌ను సెట్ బ‌య‌టే ఉంచేవారు. అప్ప‌టి నుంచి ఆమెతో ఫ్రెండ్ షిప్ చేయటం ప్రారంభించాను. ఆమె పాత్ర‌లో ఒదిగిపోయారు' అని అన్నారు.
