లియో.. విజయ్ చేయకపోయి ఉంటే..

లోకేష్ కనగరాజు దర్శకత్వంలో విజయ్ నటించిన లియో సినిమా బాక్సాఫీస్ వద్ద 500 కోట్ల కలెక్షన్స్ అందుకొని సౌత్ లో సరికొత్త రికార్డులు క్రియేట్ చేసింది. సౌత్ ఇండస్ట్రీలో వరుసగా బాక్సాఫీస్ వద్ద బిగ్గెస్ట్ కలెక్షన్స్ అందుకున్న హీరోలలో విజయ్ టాప్ లిస్టులో చేరడం విశేషం. ఈ సినిమాకు మొదట్లో వచ్చిన టాక్ ను బట్టి అసలు ఈ స్థాయిలో కలెక్షన్స్ రావేమో అని అనుకున్నారు.

కానీ విజయ్ స్టార్ హోదాతో పాటు లోకేష్ కాంబినేషన్ సినిమాకు కావాల్సినంత బజ్ అయితే క్రియేట్ చేశాయి. ఇక తెలుగులో కూడా ఈ సినిమా పెట్టిన పెట్టుబడికి వెనక్కి తేవడమే కాకుండా మంచి లాభాలను అందించింది. అయితే ఈ సినిమా ఒకవేళ విజయ్ చేయకపోయుంటే ఈ స్థాయిలో కలెక్షన్స్ వచ్చేవి కాదేమో అనే సందేహం ఇప్పుడు సోషల్ మీడియాలో బాగా వైరల్ అవుతుంది.

ఎందుకంటే దర్శకుడు లోకేష్ కనకరాజ్ ఈ సినిమా కథ కోసం మొదట విజయ్ ను అనుకోలేదట. ఐదేళ్ల క్రితం లియో కథను రాసుకున్న లోకేష్ విజయ్ కు కాకుండా మరొక ప్రముఖ హీరోకు ఈ కథను చెప్పడం జరిగిందట. చాలా రోజులు ఆ స్టోరీ గురించి కూడా చాలా రోజులు చర్చించారట. ఆ విషయాన్ని ఇటీవల ఇచ్చిన ఇంటర్వ్యూలో తెలియజేశాడు.

అయితే ఆ హీరో తో విజయ్ ఈ కథను ఎందుకు చేయలేదు అనే విషయాన్ని మాత్రం చెప్పలేదు. ఏది ఏమైనాప్పటికీ కూడా విజయ్ తో కనుక ఈ లియో సినిమా చేయకపోయి ఉంటే దాదాపు 500 కోట్లు కలెక్షన్స్ మాత్రం వచ్చి ఉండేవి కాదని చెప్పవచ్చు. ఎందుకంటే గత కొంతకాలంగా విజయ్ మార్కెట్ పెరుగుతూ వస్తోంది.

విజయ్ ఎలాంటి సినిమా చేస్తున్న కూడా బాక్సాఫీస్ వద్ద మినిమం 300 కోట్లు అనేలా కలెక్షన్స్ వస్తున్నాయి. ఇక విక్రమ్ సినిమాతో మంచి సక్సెస్ చూసిన లోకేష్ విజయ్ తో కలవడం లియో మార్కెట్కు ఎంతగానో హెల్ప్ అయ్యింది. అందుకే ఈ సినిమా నెగిటివ్ టాక్ వచ్చినా కూడా తట్టుకొని బాక్సాఫీస్ వద్ద నిలబడింది. లోకేష్ ఇంతకుముందు విజయ్ తో చేసిన మాస్టర్ కు కూడా కొంత నెగిటివ్ టాక్ వచ్చినప్పటికీ కమర్షియల్ గా హిట్ అయ్యింది.