అప్పుడే ఆల్‌ ఇండియా రికార్డ్‌ నమోదు చేసిన సూపర్ స్టార్‌!
ఇదే రేంజ్ లో బజ్ కొనసాగుతూ సినిమాకు పాజిటివ్ టాక్ వచ్చినా సరే భారీగా వసూళ్లు నమోదు అవ్వడం ఖాయం
By: Tupaki Desk | 13 Oct 2023 11:27 AM GMT
తమిళ్ సూపర్ స్టార్‌ విజయ్ హీరోగా లోకేష్ కనగరాజ్ దర్శకత్వంలో రూపొందిన లియో సినిమాను దసరా సందర్భంగా మరో వారం రోజుల్లో అంటే అక్టోబర్ 19న ప్రేక్షకుల ముందుకు తీసుకు రాబోతున్న విషయం తెల్సిందే. ఈ సినిమాకి తమిళనాట మాత్రమే కాకుండా దేశం మొత్తం కూడా విపరీతమైన బజ్ ఉంది అంటూ ప్రీ రిలీజ్ బిజినెస్ లెక్కలు చెప్పకనే చెప్పాయి.
ఇప్పుడు విదేశాల్లో కూడా లియో ప్రభంజనం సృష్టించబోతుంది అంటూ యూకే లో నమోదు అయిన అడ్వాన్స్ బుకింగ్‌ తో తేలిపోయింది. యూకే లో ఇప్పటి వరకు ఏ ఇండియన్ సినిమా సాధించని మొదటి రోజు వసూళ్ల ను లియో ఇప్పటికే సాధించింది అంటూ అక్కడి డిస్ట్రిబ్యూట్‌ సంస్థ అధికారికంగా ప్రకటించడం ప్రస్తుతం సోషల్ మీడియాలో వైరల్‌ అవుతోంది.
యూకే లో ఆల్‌ టైమ్‌ హైయెస్ట్‌ డే 1 ని లియో అందుకోబోతున్నందున లాంగ్ రన్ లో మరిన్ని రికార్డులు లియో కి దక్కబోతున్నాయి అంటూ విజయ్ ఫ్యాన్స్ తో పాటు మేకర్స్ చాలా నమ్మకంతో ఉన్నారు. విడుదలకు ఇంకా వారం రోజుల సమయం ఉండగానే లియో అప్పుడే ఆల్‌ ఇండియా రికార్డ్‌ నమోదు చేయడం పట్ల పాన్ ఇండియా రేంజ్ లో సినిమాపై ఆసక్తికర చర్చ జరుగుతోంది.
విక్రమ్‌ సినిమా తర్వాత అనిరుధ్ నుంచి వస్తున్న సినిమా ఇదే అవ్వడం తో పాటు విజయ్ గత చిత్రాల ఫలితాల నేపథ్యంలో లియో ను వెయ్యి కోట్ల మూవీ అంటూ అభిమానులతో పాటు తమిళ్ మీడియా తెగ ప్రచారం చేస్తోంది. ఇదే రేంజ్ లో బజ్ కొనసాగుతూ సినిమాకు పాజిటివ్ టాక్ వచ్చినా సరే భారీగా వసూళ్లు నమోదు అవ్వడం ఖాయం. లియోకి సూపర్ హిట్ టాక్ వస్తే వెయ్యి కోట్ల వసూళ్లు కష్టం కాకపోవచ్చు అంటూ సినీ విశ్లేషకులు మరియు బాక్సాఫీస్ వర్గాల వారు మాట్లాడుకుంటున్నారు.
