లియో అప్‌డేట్‌ : డైరెక్టర్ పై ఫ్యాన్స్‌ అసంతృప్తి

తమిళ్ సూపర్‌ స్టార్ విజయ్‌ హీరోగా లోకేష్ కనగరాజ్ దర్శకత్వంలో రూపొందుతున్న లియో సినిమా విడుదలకు సిద్ధం అవుతోంది. దసరా కానుకగా వచ్చే నెలలో విడుదల కాబోతున్న ఈ సినిమా ఫైనల్ ఎడిటింగ్‌ పూర్తి అయిందని, సెన్సార్‌ కార్యక్రమాలకు ఈ సినిమాను పంపించేందుకు గాను ఏర్పాట్లు చేస్తున్నట్లుగా సమాచారం అందుతోంది.

ఈ సమయంలోనే లియో సినిమా రన్‌ టైమ్‌ ను 2 గంటల 39 నిమిషాలకు ఫిక్స్ చేసినట్లుగా తెలుస్తోంది. లోకేష్ కనగరాజ్ గత చిత్రాలు విక్రమ్‌ మరియు మాస్టర్ లు మూడు గంటల నిడివి తో వచ్చాయి. కానీ లియో మాత్రం 20 నిమిషాలు తక్కువ నిడివితో రాబోతున్న నేపథ్యంలో విజయ్ ఫ్యాన్స్‌ అసంతృప్తి వ్యక్తం చేస్తున్నారు.

విజయ్ సినిమా నిడివి మూడు గంటలు ఉంటేనే తమ అభిమాన హీరో ను ఎక్కువ సమయం చూసుకునే వీలు ఉంటుందని భావిస్తున్నారు. కానీ లోకేష్ కనగరాజ్ ఆ అవకాశం లేకుండా తక్కువ నిడివితో సినిమా ను తీసుకు రాబోతున్నాడు అని పెదవి విరుస్తున్నారు.

లోకేష్‌ సినిమాటిక్‌ యూనివర్స్‌ నుండి రాబోతున్న లియో లో ఎన్నో సర్ ప్రైజ్‌ లు ఉండటం ఖాయం. అన్ని సర్‌ ప్రైజ్‌ లను కూడా 2 గంటల 39 నిమిషాల రన్ టైమ్ లో చూపించగలరా అంటూ కొందరు అనుమానం వ్యక్తం చేస్తున్నారు. విజయ్ హీరోగా త్రిష హీరోయిన్ గా చాలా కాలం తర్వాత కలిసి నటించడం వల్ల అంచనాలు భారీగా ఉన్నాయి. అనిరుధ్ అందించిన ఈ సినిమా పాటలకు మంచి రెస్పాన్స్‌ దక్కుతుందని మేకర్స్ నమ్మకంగా ఉన్నారు.