భారీ ఓపెనింగ్స్ పై కన్నేసిన లియో

ఇళయదళపతి విజయ్ హీరోగా లోకేష్ కనగరాజ్ దర్శకత్వంలో తెరకెక్కి రిలీజ్ కి రెడీ అవుతోన్న భారీ బడ్జెట్ చిత్రం లియో. ఈ మూవీపై దేశ వ్యాప్తంగా హై ఎక్స్ పెక్టేషన్స్ ఉన్నాయి. వరుస విజయాల మీద ఉన్న లోకేష్, అలాగే ఈ మధ్య ఫెయిల్యూర్ లేకుండా మూవీస్ చేస్తోన్న దళపతి విజయ్ కాంబోలో సినిమా కావడంతో భారీ అంచనాలు నెలకొని ఉన్నాయి.

అలాగే లోకేష్ సినిమాటిక్ యూనివర్స్ లో భాగంగానే ఈ చిత్రం వస్తోంది. అలాగే మూవీలో సంజయ్ దత్, యాక్షన్ కింగ్ అర్జున్ లాంటి స్టార్ క్యాస్టింగ్ ఉండగా హీరోయిన్ గా త్రిష కనిపిస్తోంది. ఈ స్టార్ క్యాస్టింగ్ కూడా మూవీపైన అంచనాలు పెరగడానికి కారణం అని చెప్పొచ్చు. ట్రేడ్ పండితుల అంచనా ప్రకారం ఈ సినిమాకి కోలీవుడ్ లో హైయెస్ట్ ఫస్ట్ డే ఓపెనింగ్ కలెక్షన్స్ వస్తాయంట.

ప్రస్తుతం ఓవర్సీస్, తో పాటు తమిళనాడులో జరుగుతోన్న బుకింగ్స్ చూస్తూ ఉంటే కచ్చితంగా మొదటి రోజు వంద కోట్లు ఓపెనింగ్ కలెక్షన్స్ దాటిపోవడం ఖాతం అంటున్నారు.ముఖ్యంగా తమిళనాడులో 30 కోట్ల గ్రాస్ ఈ మూవీకి వస్తుందని అంచనా అలాగే మిగిలిన సౌత్ రాష్ట్రాలలో ఒక్కో చోట 10 కోట్ల గ్రాస్ తగ్గకుండా ఓపెనింగ్ డే కలెక్షన్స్ రావొచ్చని టాక్.

ఓవర్సీస్ లో కూడా గట్టిగానే రాబడుతుందని భావిస్తున్నారు. ఓవరాల్ గా చూసుకుంటే 125 కోట్ల వరకు మొదటి రోజు లియో చిత్రానికి కలెక్షన్స్ గా రావొచ్చని ట్రేడ్ పండితులు చెబుతున్నారు. అలా అయితే కోలీవుడ్ ఇండస్ట్రీలోనే ఇది హైయెస్ట్ ఫస్ట్ డే కలెక్షన్స్ అవుతాయి. మూవీకి పాజిటివ్ టాక్ వస్తే వీకెండ్ లో కలెక్షన్స్ మరింత పెరగొచ్చని భావిస్తున్నారు.

అలాగే కోలీవుడ్ లో ఆల్ టైం హైయెస్ట్ కలెక్షన్స్ రికార్డ్ ని కూడా లియో బ్రేక్ చేస్తుందని ధీమాగా ఉన్నారు. మరి దళపతి విజయ్ తన కెరియర్ లో బెస్ట్ కలెక్షన్స్ ని ఈ లియో మూవీతో సొంతం చేసుకుంటాడా లేదా అనేది చూడాలి. ఒక వేళ చేసుకుంటే కోలీవుడ్ లో నెంబర్ వన్ గా దళపతి విజయ్ ఉన్నట్లే.