లోకేష్ కనగరాజ్ యూనివర్స్.. బడా లైనప్!

కోలీవుడ్ లో వరుస సక్సెస్ లతో దూసుకుపోతున్న టాలెంటెడ్ డైరెక్టర్ లోకేష్ కనగరాజ్. ఖైది, మాస్టర్, విక్రమ్ సినిమాలతో హ్యాట్రిక్ బ్లాక్ బస్టర్ హిట్స్ ని లోకేష్ తన ఖాతాలో వేసుకున్నాడు. ఈ సినిమాలు అతని ఇమేజ్ ని అమాంతం పెంచేశాయి. మూడు చిత్రాలు మాఫియా బ్యాక్ డ్రాప్ కథతోనే వచ్చాయి. ఖైదిలో ఒక చిన్న పాయింట్ ని విక్రమ్ మూవీకి కనెక్ట్ చేసి లోకేష్ సినిమాటిక్ యూనివర్స్ అంటూ క్రియేట్ చేశారు.

ఇప్పుడు లియో చిత్రాన్ని కూడా లోకేష్ యూనివర్స్ చిత్రాలలో భాగంగానే తెరకెక్కుతోందని చాలా రోజుల నుంచి ప్రచారం జరుగుతూ వచ్చింది. అయితే తాజాగా ఇంటర్వ్యూలో లోకేష్ ఈ ప్రశ్నపై ఇంటరెస్టింగ్ సమాధానం చెప్పారు. లియో మూవీ ఎల్.సి.యులో భాగమా కాదా అనేది ఇప్పుడే చెప్పను. అలా చెబితే సినిమాని కొందరు ఎంజాయ్ చేయకపోవచ్చు.

మూవీ చూసిన తర్వాత ఏంటి అనేది మాత్రం కచ్చితంగా మీకు క్లారిటీ వస్తుంది అంటూ చెప్పుకొచ్చారు. అయితే డైరెక్ట్ గా చెప్పకపోయిన ఈ లియో మూవీ కూడా ఎల్.సి.యులో భాగమే అని చెప్పకనే చెప్పారు. లోకేష్ నెక్స్ట్ సినిమాల లైన్ అప్ చూసుకుంటే తన సినిమాటిక్ యూనివర్స్ కథలకి కొనసాగింపుగానే ఉన్నట్లు కనిపిస్తున్నాయి. లియో తర్వాత సూపర్ స్టార్ రజినీకాంత్ తో లోకేష్ మూవీ ఉండబోతోంది.

తరువాత కార్తితో ఖైది 2 మూవీ చేయనున్నాడు. నెక్స్ట్ కమల్ హాసన్ తో విక్రమ్ 2 ఉండే అవకాశాలు ఉన్నాయి. అలాగే విక్రమ్ లో సూర్య చేసిన రోలెక్స్ పాత్రని డెవలప్ చేసి ఒక బ్యాక్ స్టొరీ సిద్ధం చేశాడంట. ఈ స్టొరీని ఇప్పటికే నేరేట్ చేసి ఒప్పించడం కూడా జరిగిందంట. గతంలో కూడా రోలెక్స్ పాత్ర లీడ్ రోల్ లో ఒక మూవీ చేస్తానని లోకేష్ చెప్పారు. ఆ సినిమా కూడా లైన్ అప్ లో ఉంది. ఇవన్ని ఎల్.సి.యులో భాగమే.

దీనిని బట్టి లోకేష్ కనగరాజ్ చేసే సినిమాలు అన్నింటిలో కూడా క్లైమాక్స్ లో ఏదో ఒక రూపంలో ఇంకో కథకి లీడ్ ఇచ్చే విధంగా సీక్వెన్స్ డిజైన్ చేస్తాడని అర్ధమవుతోంది. మరి ప్రభాస్ తో లోకేష్ చేయబోయే సినిమా ఎప్పుడు ఉంటుంది. సినిమాటిక్ యూనివర్స్ లో భాగంగా ఉంటుందా లేదంటే వేరే విధంగా ట్రై చేస్తారా అనేది తెలియాల్సి ఉంది.