అలా దూరమవుతున్న లోకేష్ కనగరాజ్

సౌత్ లో అతి తక్కువ సమయంలో తక్కువ సినిమాలతోనే స్టార్ డైరెక్టర్ గా పేరు తెచ్చుకున్న వ్యక్తి లోకేష్ కనగరాజ్. కెరియర్ లో మూడు బ్లాక్ బస్టర్ హిట్స్ తో అందరి దృష్టిని ఆకర్షించేశాడు. ఖైది, విక్రమ్, మాస్టర్, లియో మూవీస్ తో డైరెక్టర్ గా తనకంటూ ఒక యునిక్ స్టైల్ ని క్రియేట్ చేసుకున్నాడు. ఎక్కువగా మాఫియా బ్యాక్ డ్రాప్ కథలతోనే లోకేష్ మూవీస్ చేస్తున్నాడు.

విక్రమ్ సినిమాతో కమల్ హాసన్ కి చాలా ఏళ్ళ తర్వాత బ్లాక్ బస్టర్ లభించింది. మళ్ళీ అతని మార్కెట్ ని తిరిగి తెచ్చుకున్నారు. దీంతో కమల్ సినిమాలకి ఇప్పుడు భారీ హైప్ ఏర్పడుతోంది. రీసెంట్ గా లోకేష్ నుంచి వచ్చిన లియో మూవీపై చాలా విమర్శలు వచ్చాయి. కథలో బలం లేదని సినీ విశ్లేషకులు అభిప్రాయం వ్యక్తం చేశారు. అయిన కూడా మూవీ బ్రేక్ ఈవెన్ అందుకొని హిట్ టాక్ సొంతం చేసుకుంది.

ఇప్పుడు లోకేష్ సూపర్ స్టార్ రజినీకాంత్ తో సినిమా చేయడానికి రెడీ అవుతున్నారు. తలైవా 171 మూవీగా ఇది రెడీ అవుతోంది. ఇప్పటికే రజినికి కథ చెప్పి లోకేష్ ఒకే చేయించుకున్నాడు. రీసెంట్ గా లోకేష్ జి స్క్వేడ్స్ ప్రొడక్షన్ పై ఫైట్ క్లబ్ అనే సినిమాని నిర్మించారు. ఈ సినిమా సూపర్ హిట్ టాక్ తెచ్చుకుంది.

ఈ నేపథ్యంలో ఆడియన్స్ కి థాంక్స్ చెబుతూ ఓపెన్ లెటర్ రిలీజ్ చేశారు. ఇందులో రజినీకాంత్ మూవీ కథ సిద్ధం చేయడానికి ఆఫ్ లైన్ లోకి వెళ్తున్నట్లు క్లారిటీ ఇచ్చాడు. కొద్ది రోజుల పాటు కంప్లీట్ గా స్క్రిప్ట్ రెడీ చేసే పనిలో ఉంటానని చెప్పాడు. లోకేష్ కనగరాజ్ తన ప్రతి మూవీకి కథ, మాటలు, స్క్రీన్ ప్లే అతనే రాసుకుంటారు. దానికోసం కొద్ది రోజులు ఫోన్, సోషల్ మీడియాకి దూరంగా ఉంటారు.

ఆఫ్ లైన్ మోడ్ లోకి వెళ్ళిపోయి కథ మొత్తం సిద్ధం చేసుకొని మళ్ళీ వస్తాడు. పెర్ఫెక్ట్ ప్లానింగ్ తో షూటింగ్ షెడ్యుల్ కూడా రెడీ చేసుకుంటాడు. తక్కువ టైంలోనే షూటింగ్ కంప్లీట్ చేసి చాలా వేగంగా రిలీజ్ చేస్తూ ఉంటాడు. అందుకే మాఫియా బ్యాక్ డ్రాప్ భారీ బడ్జెట్ తో చేసే సినిమాలు కూడా లోకేష్ కనగరాజ్ తో తక్కువ టైంలోని పూర్తి చేస్తూ నిర్మాతలకి లాభాలు అందిస్తున్నాడు.