మోస్ట్‌ అవైటెడ్‌ మూవీ రిలీజ్ డేట్‌ ఫిక్స్‌

బాలీవుడ్‌ స్టార్‌ హీరో రణబీర్ కపూర్‌, ఆలియా భట్‌, విక్కీ కౌశల్ ప్రధాన పాత్రల్లో సంజయ్ లీలా భన్సాలీ దర్శకత్వంలో రూపొందుతున్న ట్రై యాంగిల్ లవ్‌ స్టోరీ పై అంచనాలు భారీగా ఉన్నాయి. ఈ సినిమా ప్రకటించినప్పటి నుంచే అంచనాలు ఆకాశాన్ని తాకేలా ఉన్నాయి. ప్రస్తుతం సినిమా షూటింగ్ చకచక జరుగుతోంది. సాధారణంగా సంజయ్‌ లీలా భన్సాలీ సినిమా అంటే భారీతనంకు పెట్టింది పేరు. అలాంటి సంజయ్ లీలా భన్సాలీ ఇప్పుడు లవ్‌ స్టోరీ తో సినిమా చేస్తున్న నేపథ్యంలో మరింతగా ఆసక్తి నెలకొంది. ఈయన దర్శకత్వంలో సినిమా అంటే ఓ రేంజ్ లో ఉంటుంది. ఇప్పుడు రాబోతున్న ఈ లవ్‌ స్టోరీ మూవీ కూడా అదే స్థాయిలో ఉంటుంది.

సంజయ్‌ లీలా భన్సాలీ ఇప్పటి వరకు పలు పీరియాడిక్ డ్రామా సినిమాలు, పౌరాణిక సినిమాలు రూపొందించాడు. ఇప్పుడు లవ్‌ స్టోరీ ప్రధానంగా సినిమాను చేయబోతున్న నేపథ్యంలో అందరూ ఆసక్తిగా ఎదురు చూస్తున్నారు. సంజయ్ లీలా భన్సాలీ దర్శకత్వంలో రూపొందుతున్న ఈ సినిమాకు 'లవ్‌ అండ్‌ వార్‌' టైటిల్ ను ఖరారు చేసిన విషయం తెల్సిందే. తాజాగా ఈ సినిమా ను 2026 మార్చి 20న విడుదల చేయబోతున్నట్లు అధికారికంగా ప్రకటన వచ్చింది. నిన్న మొన్నటి వరకు వచ్చే ఏడాది లో విడుదల అయ్యే అవకాశం ఉందని అంతా భావించారు. నీ మేకర్స్ 2026 అంటూ ప్రకటించి షాక్ ఇచ్చారు.

రణబీర్‌ కపూర్‌ ఈ మధ్య కాలంలో బ్యాక్ టు బ్యాక్‌ హిట్‌ సినిమాలతో దూసుకు పోతున్నాడు. ఇలాంటి సమయంలో రణబీర్‌ కపూర్ తో సంజయ్ లీలా భన్సాలీ రూపొందిస్తున్న ఈ సినిమా కూడా మరో విజయాన్ని ఆయనకు అందిస్తుందనే నమ్మకం వ్యక్తం అవుతోంది. సాధారణంగా సంజయ్ లీలా భన్సాలీ సినిమా అంటే కనీసం రెండేళ్లు మేకింగ్‌ కి తీసుకుంటాడు. ఇప్పుడు లవ్‌ అండ్ వార్‌ సినిమా కూడా అదే తరహాలో భారీ స్థాయిలో రూపొందుతోంది. రణబీర్‌ కపూర్‌, ఆలియా కాంబోలో గతంలో వచ్చిన సినిమాలు బాలీవుడ్‌ బాక్సాఫీస్ వద్ద భారీ విజయాలు నమోదు చేసిన విషయం తెల్సిందే.

ఈ మధ్య కాలంలో బాలీవుడ్‌ లో లవ్‌ స్టోరీ సినిమాలు చాలా తక్కువగా వస్తున్నాయి. ఇప్పుడు రాబోతున్న ఈ లవ్‌ స్టోరీ సినిమా ట్రైయాంగిల్‌ లవ్‌ స్టోరీ అవ్వడంతో అంచనాలు మరింతగా పెరిగాయి. అంచనాలకు ఏమాత్రం తగ్గకుండా దర్శకుడు సంజయ్ లీలా భన్సాలీ విభిన్నమైన కాన్సెప్ట్‌ తో రూపొందిస్తున్నాడు. సంజయ్ లీలా భన్సాలీ కథలు కాస్త ఎమోషన్స్‌ ను ఎక్కువ కలిగి ఉంటాయి. కనుక ఈ సినిమా లో కూడా ప్రేక్షకులు కోరుకునే అన్ని రకాల ఎమోషన్స్ తో పాటు యాక్షన్ కూడా ఉంటుందని తెలుస్తోంది. అయితే ఈ సినిమా ను ప్రేక్షకులు ఎంజాయ్ చేయడానికి ఏడాదికి పైగా వెయిట్‌ చేయాల్సి ఉంది.