అలాంటి జ‌ర్నీ ఇంకా ఇష్టం!

నేష‌న‌ల్ క్ర‌ష్ ర‌ష్మిక మంద‌న్న ఇటీవ‌లే `యానిమ‌ల్` తో మ‌రో భారీ స‌క్సెస్ ని ఖాతాలో వేసుకున్న సంగ‌తి తెలిసిందే. అమ్మ‌డు న్యూ ఇయ‌ర్ ని స‌క్సెస్ తో గ్రాండ్ గా సెల‌బ్రేట్ చేసుకుని సంక్రాంతి పండ‌గ‌ను షురు చేసేసింది. అటు టాలీవుడ్..ఇటు బాలీవుడ్ అంటూ రెండు భాష‌ల్ని దున్నేస్తుంది. యానిమ‌ల్ విజ‌యంతో కొత్త అవ‌కాశాలు క్యూ క‌డుతున్నాయి. అక్క‌డా తిరుగులేని హీరోయిన్ గా ఎదుగుతుంద‌ని అంతా అంచ‌నా వేస్తున్నారు.

ఏర‌కంగా చూసినా ల‌క్ అంటే ర‌ష్మిక‌దే అనొచ్చు. రెండు భాష‌ల్లోనూ ఈ రేంజ్ స్థాయికి చేరుకుంటుంద‌ని ఏనాడు అమ్మ‌డు కూడా ఊహించి ఉండ‌దు. తాజాగా అమ్మ‌డు మ‌న‌సులో భావాలు కొన్నింటిని బ‌య‌ట పెట్టింది. ఆవేంటో ఆమె మాట‌ల్లోనే..` చేసిన సినిమాలు గుర్తు చేసుకున్న‌ప్పుడు మొద‌ట వాటి విజ‌యాలో లేదంటే ఎదురైన ప‌రాజ‌యాలో మ‌దిలోకి వ‌స్తాయి. నాకు మాత్రం వాటితో ముడిప‌డిన జ్క్షాప‌కాలు గుర్తుకు వ‌స్తుంటాయి.

ఎందుకంటే నాకు ప్ర‌యాణాలంటే ఎక్కువ‌గా ఇష్టం కాబ‌ట్టి. ఖాళీ దొరికితే వెకేష‌న్ల‌కు వెళ్తాను. అలాగే షూటింగ్ కోసం ర‌క‌ర‌కాల దేశాలు తిరుగుతుంటాను. కానీ నా వ్య‌క్తిగ‌త వెకేష‌న్లు..టూర్లు కంటే షూటింగ్ స‌మ‌యంలో తిరిగే ప్ర‌దేశాలే ఎక్కువ‌గా గుర్తుంటాయి. ప్ర‌తీ ప్ర‌యాణం ఎన్నో జ్ఞాప‌కాల్ని అందిస్తుంది. అందులో సినిమా ప్ర‌యాణాలు ఇంకా ప్ర‌త్యేకంగా ఉంటాయి. ప‌నిచేసే చోట న‌లుగురితో మ‌రింత ఆస్వాద‌న‌కు గురవుతాం కాబ‌ట్టే అలాంటి అనుభూతి క‌లుగుతుంది.

ఎన్ని జ్ఞాప‌కాలు ఉన్నాయ‌న్నేదే నాకు ముఖ్యం. ఎన్ని విజ‌యాలు సాధించామ‌న్న‌ది కాదు` అని అంటోంది. మొత్తానికి అమ్మ‌డు జ‌య‌ప‌జ‌యాల్ని మాత్రం బాగా బ్యాలెన్స్ చేయ‌గ‌ల్గుతుంది. విజ‌యం వ‌చ్చింద‌ని పొంగిపో కుండా..అప‌జ‌యం ఎదురైంద‌ని కృంగిపోకుండా కెరీర్ ని బ్యాలెన్స్ చేస్తుంది. ప్ర‌స్తుతం ర‌ష్మిక పుష్ప‌-2 తో పాటు ప‌లు సినిమా షూటింగ్ ల్లో బిజీగా ఉన్న సంగ‌తి తెలిసిందే.